പഴയ സുരേന്ദ്രനല്ല ... സെക്രട്ടറിയേറ്റില്‍ തീപിടിച്ച സംഭവത്തില്‍ ചെന്നിത്തലയും കൂട്ടരും സന്ദര്‍ശിച്ചതിന് പിന്നാലെ കടുത്ത നടപടിയ്‌ക്കൊരുങ്ങി ഗവര്‍ണര്‍ ആരിഫ് മുഹമ്മദ് ഖാന്‍; കെ. സുരേന്ദ്രനെ പൊക്കിയവരെ പൊക്കാനുറച്ച് അമിത് ഷായും; അന്ന് മാറ്റിവച്ച ആയുധങ്ങള്‍ പൊടിതട്ടിയെടുക്കുന്നു
സംസ്ഥാന ഗവര്‍ണര്‍ പാവയല്ലെന്ന് കൊടിപിടിച്ച സംസ്ഥാന സര്‍ക്കാരിന് കാണിച്ച് കൊടുത്തയാളാണ് ഗവര്‍ണര്‍ ആരിഫ് മുഹമ്മദ് ഖാന്‍. അന്ന് ഏറെ കൈയ്യടി നേടിയ ഗവര്‍ണര്‍ ഒരിക്കല്‍ കൂടി കളം നിറയുകയാണ്. ഇന്നലെ സെക്രട്ടറിയേറ്റിലുണ്ടായ തീപിടുത്തമാണ് എല്ലാം മാറ്റി മറിച്ചത്. കേന്ദ്രം ഭരിക്കുന്ന ബിജെപിയുടെ സംസ്ഥാന അധ്യക്ഷനായിട്ടു പോലും കെ. സുരേന്ദ്രനെ അറസ്റ്റ് ചെയ്തിരിക്കുകയാണ്. ഒരിടവും ഇല്ലാത്ത കോണ്‍ഗ്രസിന്റെ അധ്യക്ഷനേയോ എന്തിന് സിപിഎമ്മിന്റെ അധ്യക്ഷനേയോ ഇങ്ങനെ അറസ്റ്റ് ചെയ്യുമോ. എങ്കില്‍ കാണാം കേരളം പോകുന്ന പോക്ക്.
കെ. സുരേന്ദ്രനെ അറസ്റ്റ് ചെയ്തതില്‍ കേന്ദ്രത്തിനും ശക്തമായ അമര്‍ഷമുണ്ട്. എന്താണ് സുരേന്ദ്രന്‍ ചെയ്ത തെറ്റെന്നാണ് അവര്‍ ചോദിക്കുന്നത്. തീപിടിച്ച സ്ഥലം സന്ദര്‍ശിച്ചു. മാധ്യമ പ്രവര്‍ത്തകരോടൊപ്പം മാത്രമാണ് സുരേന്ദ്രന്‍ നിന്നത്. മാധ്യമ പ്രവര്‍ത്തകരെ പുറത്തിറക്കിയപ്പോള്‍ സുരേന്ദ്രനും പുറത്തിറങ്ങി. എന്നാല്‍ സുരേന്ദ്രനെ മാത്രം ബലം പ്രയോഗിച്ച് അറസ്റ്റ് ചെയ്തു. സുരേന്ദ്രനെ അറസ്റ്റ് ചെയ്തതോടെ രംഗം കൊഴുക്കുക മാത്രമാണ് ചെയ്തത്. മാത്രമല്ല സുരേന്ദ്രന്‍ മിന്നല്‍ വേഗത്തില്‍ പുറത്തിറങ്ങുകയും ചെയ്തു.
സുരേന്ദ്രന്റെ അറസ്റ്റോടെ കേന്ദ്ര സേനയെ രംഗത്തിറക്കണമെന്ന് ബിജെപി ആവശ്യപ്പെട്ടു കഴിഞ്ഞു. ഇപ്പോള്‍ കളിയെല്ലാം കേന്ദ്രത്തിന്റെ കോര്‍ട്ടിലാണ്. എന്‍ഐഎ തുടങ്ങി നിരവധി ദേശീയ അന്വേഷണ ഏജന്‍സികളാണ് സ്വപ്ന സുരേഷിന്റെ പേരില്‍ കേരളത്തിലുള്ളത്. അവര്‍ സെക്രട്ടറിയേറ്റിലും കയറിക്കഴിഞ്ഞു. അതെല്ലാം കൊള്ളുന്നത് സര്‍ക്കാരിലേക്ക് തന്നെ. ഇനി വരാനുള്ളത് സിബിഐ മാത്രം. അതും കൂടി വന്നാല്‍ എല്ലാം ഓക്കോ. ഇത് മണത്തറിഞ്ഞതോടെയാണ് സുരേന്ദ്രനെ വേഗത്തില്‍ വിട്ടത്.
മാത്രമല്ല ഗവര്‍ണര്‍ ആരിഫ് മുഹമ്മദ് ഖാനും സംസ്ഥാനത്ത് പിടി മുറുക്കുകയാണ്. ബിജെപി നേതാക്കള്‍ക്ക് മുമ്പേ പ്രതിപക്ഷം ഗവര്‍ണറെ കണ്ടത് നേട്ടമായി. അല്ലെങ്കില്‍ നടപടിയെടുത്താല്‍ ഗവര്‍ണറെ ചെന്നിത്തല തന്നെ കുറ്റപ്പെടുത്തിയേനെ. സെക്രട്ടേറിയറ്റില്‍ തീപിടുത്തം ഉണ്ടായ സംഭവത്തില്‍ അടിയന്തിര ഇടപെടല്‍ ആവശ്യപ്പെട്ട് ഇന്നലെ രാത്രിയാണ് രമേശ് ചെന്നിത്തല ഗവര്‍ണറെ കണ്ടത്. സ്വര്‍ണക്കടത്ത് കേസിന്റെ തെളിവുകള്‍ നശിപ്പിക്കുന്നതിന്റെ ഭാഗമായാണ് സെക്രട്ടേറിയറ്റില്‍ തീപിടുത്തമുണ്ടായതെന്ന് രമേശ് ചെന്നിത്തല ആരോപിച്ചു. ഇന്ന് സംസ്ഥാന ഭരണത്തലവന്‍ എന്ന നിലയില്‍ ഈ സംഭവവികാസങ്ങളുമായി ബന്ധപ്പെട്ട് വിശദമായ നിവേദനം ഗവര്‍ണര്‍ക്ക് നല്‍കുമെന്നും രമേശ് ചെന്നിത്തല പറഞ്ഞു.
ഫയലിന് തങ്ങള്‍ തീവച്ചതാണെന്ന് പ്രോട്ടോക്കോള്‍ ഓഫീസര്‍ തന്നെ പറഞ്ഞതായും രമേശ് ചെന്നിത്തല ആരോപിച്ചു. സ്വര്‍ണക്കടത്തുമായി ബന്ധപ്പെട്ട ഫയലുകള്‍ സെക്രട്ടേറിയറ്റില്‍ നടന്ന തീപിടുത്തത്തില്‍ നഷ്ടപ്പെട്ടത് തികച്ചും ദുരൂഹമാണെന്ന് ഗവര്‍ണറെ ധരിപ്പിച്ചതായും രമേശ് ചെന്നിത്തല പറഞ്ഞു.
സ്വര്‍ണക്കള്ളക്കടത്തുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറക്ടറേറ്റും, എന്‍ഐഎയും മുഖ്യമന്ത്രിയുടെ ഓഫീസിലേക്ക് കടന്ന് വരാന്‍ പോകുന്നുവെന്ന് കണ്ടുകൊണ്ടാണ് ഈ ഫയലുകള്‍ എല്ലാം നശിപ്പിച്ചത്. ഭരണഘടനാപരമായി പ്രവര്‍ത്തിക്കുന്ന ഒരു സര്‍ക്കാരിന് ഈ നിലയില്‍ ഔദ്യോഗിക ഫയലുകള്‍ നശിപ്പിക്കാന്‍ കഴിയുമോ എന്നും രമേശ് ചെന്നിത്തല ചോദിച്ചു. ഈ സംഭവങ്ങളെ ലാഘവ ബുദ്ധിയോടെ കാണാന്‍ കഴിയില്ലെന്നും പ്രതിപക്ഷ നേതാവ് ഗവര്‍ണറോട് പറഞ്ഞു. ഭരണത്തലവന്‍ എന്ന നിലയില്‍ ഗവര്‍ണറുടെ അടിയന്തിര ഇടപെടല്‍ ഉണ്ടാകണമമെന്നും രമേശ് ചെന്നിത്തല ആവശ്യപ്പെട്ടു.
ഇതിനെക്കാള്‍ കൂടുതല്‍ ആവശ്യങ്ങള്‍ ബിജെപി ഗവര്‍ണറുടെ മുന്നില്‍ വയ്ക്കും. ഒരു സംഘര്‍ഷ സാധ്യതയില്ലാതിരുന്നിട്ടും ബിജെപി സംസ്ഥാന അധ്യക്ഷനായ കെ. സുരേന്ദ്രനെ എന്തിന് അറസ്റ്റ് ചെയ്തു എന്നതിന് മറുപടി അവര്‍ ചോദിക്കും. എന്തായാലും ഗവര്‍ണര്‍ സര്‍ക്കാരിനോട് റിപ്പോര്‍ട്ട് തേടും. ആവശ്യമെങ്കില്‍ ആ റിപ്പോര്‍ട്ട് കേന്ദ്രത്തിന് നല്‍കും. സുരേന്ദ്രനെ അറസ്റ്റ് ചെയ്തതില്‍ അമിത്ഷായ്ക്കും നല്ല അമര്‍ഷമുണ്ട്. കാരണം അമിത്ഷായുടെ നോമിനിയാണ് കെ. സുരേന്ദ്രന്‍. പണ്ടത്തെ പോലെയല്ല സുരേന്ദ്രന്‍. സുരേന്ദ്രനെ തൊട്ടവരുടെ ഗതി എന്തെന്ന് വരും ദിവസങ്ങളിലറിയാം.
https://www.facebook.com/Malayalivartha
