മുഖ്യമന്ത്രിയുടെ ഔദ്യോഗിക വസതിയില്‍ ഇടിമിന്നലുണ്ടായി വലിയ നാശനഷ്ടമുണ്ടായി എന്നത് ആരെങ്കിലും അറിഞ്ഞിരുന്നോ? സെക്രട്ടേറിയറ്റിലെ ഒരു സുപ്രധാന ഓഫീസ് അടച്ചിട്ടിട്ട് ഇവിടെ ആരും അറിഞ്ഞില്ല; ഫ് സെക്രട്ടറി പിണറായി വിജയന്റെ ചെരുപ്പ് തുടയ്ക്കുന്നയാള്‍! സെക്രട്ടേറിയറ്റിലെ തീപിടുത്തത്തില്‍ ഗൂഢാലോചന ആരോപിച്ച് ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍
സെക്രട്ടേറിയറ്റിലെ തീപിടുത്തത്തില്‍ ഗൂഢാലോചന ആരോപിച്ച് ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍. തീപിടുത്തം മുന്‍കൂട്ടി തയ്യാറാക്കിയ തിരക്കഥയ്ക്ക്് അനുസരിച്ച് നടന്നതാണെന്ന് സുരേന്ദ്രന്‍ വാര്‍ത്താസമ്മേളനത്തില്‍ ആരോപിച്ചു.
സ്വര്‍ണക്കടത്ത് കേസില്‍ മുഖ്യമന്ത്രിയുടെ ഓഫീസിന്റെ പങ്ക് താന്‍ വെളിപ്പെടുത്തിയതിനു പിന്നാലെ മുഖ്യമന്ത്രിയുടെ വസതിയിലേയും സെക്രട്ടേറിയറ്റിലെയും സിസിടിവി കാമറകള്‍ ഇടിമിന്നലേക്ക് നശിച്ചുപോയെന്ന് ഏതാനും ആഴ്ചകള്‍ക്ക് മുന്‍പാണ് മുഖ്യമന്ത്രി പറഞ്ഞത്. അതിനു പിന്നാലെ സെക്രട്ടേറിയറ്റിലെ ഫയലുകളുടെ സുരക്ഷ സംബന്ധിച്ച് താന്‍ മുന്നറിയിപ്പ് നല്‍കിയിരുന്നു.
ജൂലായ് 13ന് സംസ്ഥാന പൊതുഭരണ വകുപ്പ് പുറത്തിറക്കിയ സര്‍ക്കുലറില്‍ തീവയ്പിന്റെ തിരക്കഥയുണ്ട്. 'സെക്രട്ടേറിയറ്റില്‍ അഗ്നിബാധ തടയാന്‍ താഴെപറയുന്ന കാര്യങ്ങള്‍ പറയുന്നു' എന്ന് പറഞ്ഞ് 10 നിര്‍ദേശങ്ങള്‍ നല്‍കിയിരുന്നു. സെക്രട്ടേറിയറ്റുകളില്‍ ഓഫീസുകളില്‍ സൂക്ഷിച്ചിരിക്കുന്ന ഫയലുകളും കടലാസും ഉടന്‍ നീക്കം ചെയ്യണം. അഗ്നിബാധയ്ക്കു സാധ്യതുള്ളതായി കാണുന്നു.
അല്ലാത്തപക്ഷം ആരോഗ്യ വകുപ്പിനെ ഉപയോഗിച്ച് നീക്കം ചെയ്യുന്നതാണ് എന്നറിയിച്ചിരുന്നു. സെക്ഷന്‍ ഓഫീസ് ക്യാബിന്‍ എന്നിവിടങ്ങളില്‍ പുസ്തകങ്ങളും കടലാസും അലക്ഷ്യമായി ഇടരുത്. അക്കൗണ്ട്‌സ് സെക്ഷനില്‍ ബില്ലുകളും മറ്റും സൂക്ഷിക്കരുത്. കമ്പ്യുട്ടര്‍, മറ്റ് ഇലക്ട്രിക് വസ്തുക്കള്‍ എന്നിവയുടെ സമീപം കടലാസും തീപിടിക്കുന്ന മറ്റ് വസ്തുക്കളും സൂക്ഷിക്കരുതെന്നും തുടങ്ങിയ നിര്‍ദേശങ്ങള്‍ നല്‍കിയിരുന്നു.
ചീഫ് സെക്രട്ടറി പിണറായി വിജയന്റെ ചെരുപ്പ് തുടയ്ക്കുന്ന ആളാണ്. എ.കെ.ജി സെന്ററില്‍ നിന്നാണോ അദ്ദേഹത്തിന് ശമ്പളമെന്ന് അറിയില്ല. മുഖ്യമന്ത്രിയുടെ വിദേശയാത്രയ്ക്ക് സഹായം നല്‍കിയ കമ്പനികള്‍ക്ക് കരാര്‍ നല്‍കണമെന്ന് പറഞ്ഞയാളാണ് അദ്ദേഹം.
കഴിഞ്ഞ ദിവസം സെക്രട്ടേറിയറ്റിലെ ചില ഉദ്യോഗസ്ഥര്‍ക്ക് ആന്റിജന്‍ കൊവിഡ് പരിശോധന നടത്തി. േപ്രാട്ടോക്കോള്‍ ഓഫീസില്‍ മാത്രമാണോ പരിശോധന നടത്തിയത്?. വിവാദ നായകനായ ഷൈന്‍ ഹക്കിന് മാത്രമാണോ കൊവിഡ് പോസിറ്റീവ് ആയത്.
സി.പി.എം അനുഭാവികളായ രണ്ടു പേര്‍ മാത്രം എങ്ങനെയാണ് അടച്ചിട്ട ഓഫീസില്‍ എത്തിയത്. മാധ്യമപ്രവര്‍ത്തകരെ എന്തിനാണ് ചീഫ് സെക്രട്ടറി ഓടിച്ചുവിട്ടത്. പ്രോട്ടോക്കോള്‍ ഓഫീസ് അടയ്ക്കാനും തീപിടുത്തമുണ്ടാക്കാനും സര്‍ക്കാര്‍ നേരത്തെ നിശ്ചയിച്ചിരുന്നുവെന്നും സുരേന്ദ്രന്‍ ആരോപിച്ചു.
കത്തിയ ഫയല്‍ ഗസ്റ്റ് ഹൗസുകളിലെ മുറി ബുക്ക് ചെയ്യുന്നതാണെന്ന് അഡീഷണല്‍ സെക്രട്ടറി പി.ഹണിക്ക് പറയാന്‍ കഴിയുന്നത്. ഫയര്‍ഫോഴ്‌സ് തീ അണയ്ക്കുന്നതിനിടെയാണ് ഉദ്യോഗസ്ഥന് ഇത് കൃത്യമായി പറയാന്‍ കഴിയുന്നത്. ഏതൊക്കെ ഫയല്‍ അവിടെയുണ്ടെന്ന് എങ്ങനെയാണ് അറിയാന്‍ കഴിഞ്ഞത്.
പ്രോട്ടോക്കോള്‍ ഫയലുകള്‍ എല്ലാം ഇ-ഫയലുകളാണോ? മുഖ്യമന്ത്രിയുടെ വിദേശയാത്ര സംബന്ധിച്ച ഫയലുകള്‍ ഇ ഫയല്‍ ആേണാ എങ്കില്‍ നമ്പര്‍ പറയുക. മന്ത്രിമാര്‍ക്കൊപ്പം വിദേശയാത്ര നടത്തിയ വിവിഐപികള്‍ ആരൊക്കെയാണ്. കസ്റ്റംസ് ക്ലിയറന്‍സ് നല്‍കിയ ഫയലുകളുടെ നമ്പറുകള്‍ പറയട്ടേ. യു.എ.ഇയില്‍ നിന്ന് ഇവിടെവന്ന വിവിഐപികള്‍ ആരൊക്കെയെന്ന് ഇ ഫയല്‍ ചെയ്തിട്ടുണ്ടോ? എങ്കില്‍ നമ്പര്‍ അറിയിക്കട്ടെ.- സുരേന്ദ്രന്‍ പറഞ്ഞു.
തീപിടുത്തമുണ്ടാകുമെന്ന് ജ്ഞാന ദൃഷ്ടിയുള്ള സര്‍ക്കാരായിരുന്നു പിണറായി വിജയന്റേത് എന്ന് അറിഞ്ഞിരുന്നില്ല. സ്പ്രിംഗ്‌ളര്‍ ഉള്‍പ്പെടെയുള്ള വിവാദങ്ങളില്‍ അന്വേഷിക്കാന്‍ ഉദ്യോഗസ്ഥരെ നിയോഗിച്ചിട്ട് എന്തായി. ശിവശങ്കറിന്റെ ഇടപെടലുകളെ കുറിച്ച് അന്വേഷിക്കാന്‍ ഉദ്യോഗസ്ഥരെ വച്ചിട്ട് എന്തായി. ഇത് സര്‍ക്കാര്‍ ആസൂത്രിതമായി നടപ്പാക്കിയ തീപിടുത്തമാണ്. ഇതില്‍ പിണറായി വിജയന്‍ ഉത്തരം പറയണമെന്നും സുരേന്ദ്രന്‍ പറഞ്ഞു.
മുഖ്യമന്ത്രിയേയും ഉേദ്യാഗസ്ഥരെയും രക്ഷപ്പെടുത്തിയെടുക്കാനുള്ള തീപിടുത്തമാണ്. ഇതില്‍ എന്‍.ഐ.എ അന്വേഷണം വേണമെന്നും സുരേന്ദ്രന്‍ ആവശ്യപ്പെട്ടു.
സ്വപ്‌നയ്ക്കും സരിത്തിനും സന്ദീപിനും സെക്രട്ടേറിയറ്റില്‍ ഏതു സമയത്തും കയറാം. തനിക്ക് സന്ദര്‍ശന സമയത്ത് പോലും കയറാന്‍ കഴിയില്ല. ഇ.പി ജയരാജന്‍ പറയുന്നു താനാണ് കത്തിച്ചതെന്ന്. ഈജാതി മന്ത്രിമാരെ വച്ച് മുഖ്യമന്ത്രി എന്താണ് കേരളത്തില്‍ ചെയ്യുന്നത്.
മുഖ്യമന്ത്രിയുടെ ഔദ്യോഗിക വസതിയില്‍ ഇടിമിന്നലുണ്ടായി വലിയ നാശനഷ്ടമുണ്ടായി എന്നത് ആരെങ്കിലും അറിഞ്ഞിരുന്നോ? സെക്രട്ടേറിയറ്റിലെ ഒരു സുപ്രധാന ഓഫീസ് അടച്ചിട്ടിട്ട് ഇവിടെ ആരും അറിഞ്ഞില്ല. -സുരേന്ദ്രന്‍ വിമര്‍ശിച്ചു.
https://www.facebook.com/Malayalivartha
