ഓട്ടോ ഡ്രൈവറെ ട്രിപ്പിനു വിളിച്ചു കൊലപ്പെടുത്താന്‍ ശ്രമിച്ച കേസിലെ പ്രതി റിമാന്‍ഡില്‍, രണ്ടുപേര്‍ ഒളിവില്‍
സമൂഹ മാധ്യമത്തിലൂടെയുള്ള അഭിപ്രായ പ്രകടനത്തിന്റെ പേരില്‍, കാവില്‍പ്പാട് സ്വദേശിയും ഓട്ടോ ഡ്രൈവറുമായ ജിനുവിനെ ട്രിപ്പിനു വിളിച്ചു കൊലപ്പെടുത്താന്‍ ശ്രമിച്ച കേസിലെ പ്രതി തച്ചമ്പാറയില്‍ താമസിക്കുന്ന മുഹമ്മദ് ബിലാല്‍ (23) റിമാന്‍ഡില്‍. പാലക്കാട് ടൗണ്‍ നോര്‍ത്ത് പൊലീസ് കഴിഞ്ഞ ദിവസമാണ് പാലക്കാട് സുന്ദരംകോളനി സ്വദേശിയായ മുഹമ്മദ് ബിലാലിനെ അറസ്റ്റ് ചെയ്തത്.
എസ്ഡിപിഐ പ്രവര്‍ത്തകരും കൂട്ടുപ്രതികളുമായ പുതുപ്പള്ളിത്തെരുവ് കരീംനഗര്‍ സ്വദേശി ജംഷീര്‍, കോങ്ങാട് സ്വദേശി ഇഖ്ബാല്‍ (അബ്ദുള്‍ ഖാദര്‍) എന്നിവര്‍ ഒളിവിലാണ്. ഇഖ്ബാല്‍ മുന്‍പ് വള്ളിക്കോട് ഓട്ടോ ഡ്രൈവറെ കൊലപ്പെടുത്തിയ കേസിലെ പ്രതിയാണെന്നും പൊലീസ് പറഞ്ഞു.
കഴിഞ്ഞ 17-ന് രാവിലെയാണ് കേസിനാസ്പദമായ സംഭവം. ഓട്ടോ ഡ്രൈവറായ ജിനുവിനെ കാവില്‍പ്പാട് ഓട്ടോ സ്റ്റാന്‍ഡില്‍ നിന്നു മൂന്നു പേര്‍ ചേര്‍ന്നു ട്രിപ്പ് വിളിച്ചു. തുടര്‍ന്നു കല്ലേക്കാട്, നെല്ലിപ്പറമ്പിലെത്തിയപ്പോള്‍ മൂന്നുപേരും ചേര്‍ന്നു ജിനുവിനെ ആക്രമിച്ചു കൊലപ്പെടുത്താന്‍ ശ്രമിക്കുകയും ഓട്ടോറിക്ഷ അടിച്ചു തകര്‍ക്കുകയും ചെയ്തു എന്നാണു കേസ്.ആക്രമണ ശേഷം പ്രതികള്‍ ഒളിവിലായിരുന്നു. സംഭവത്തില്‍ കൂടുതല്‍ പ്രതികള്‍ ഉള്‍പ്പെട്ടിട്ടുണ്ട്.
പാലക്കാട് ടൗണ്‍ നോര്‍ത്ത് ഇന്‍സ്‌പെക്ടര്‍ ആര്‍. സുജിത്ത്കുമാര്‍, എസ്‌ഐ സുധീഷ്‌കുമാര്‍, എഎസ്‌ഐ കെ. സുന്ദരന്‍, സീനിയര്‍ സിപിഒമാരായ പി.എച്ച്. നൗഷാദ്, പി. ഹരിപ്രസാദ്, കാദര്‍ പാഷ, സിപിഒമാരായ ആര്‍. രഘു, എം. മഹേഷ്, ഡാന്‍സാഫ് സ്‌ക്വാഡിലെ ആര്‍. കിഷോര്‍, കെ. അഹമ്മദ് കബീര്‍, ആര്‍. വിനീഷ്, ആര്‍. രാജീദ്, എസ്. ഷമീര്‍ എന്നിവരടങ്ങിയ സംഘമാണു പ്രതിയെ അറസ്റ്റ് ചെയ്തത്.
https://www.facebook.com/Malayalivartha
