കോവിഡ് നിരീക്ഷണത്തില് കഴിഞ്ഞ യുവതിയെ പീഡിപ്പിച്ചു; ഹെല്ത്ത് ഇന്സ്പെക്ടര്ക്കെതിരെ നടപടിയെടുക്കാന് വനിതാ കമ്മിഷന് നിര്ദേശം നല്കി
കോവിഡ് നിരീക്ഷണത്തില് കഴിഞ്ഞ യുവതിയെ പീഡിപ്പിച്ചെന്ന പരാതിയില് ജൂനിയര് ഹെല്ത്ത് ഇന്സ്പെക്ടര് പാങ്ങോട് ഭരതന്നൂര് സ്വദേശി പ്രദീപിനെതിരെ അച്ചടക്ക നടപടി സ്വീകരിക്കണമെന്ന് ആരോഗ്യവകുപ്പ് സെക്രട്ടറിക്ക് വനിതാ കമ്മിഷന് ചെയര്പേഴ്സണ് എം.സി.ജോസഫൈന് നിര്ദേശം നല്കി. സംഭവത്തില് വനിതാ കമ്മിഷന് സ്വമേധയാ കേസെടുത്ത് അടിയന്തരമായി റിപ്പോര്ട്ട് സമര്പ്പിക്കാന് തിരുവനന്തപുരം റൂറല് എസ്.പിയോട് നിര്ദേശിച്ചു.
റിപ്പോർട്ട് ലഭിക്കുന്ന മുറയ്ക്ക് ആവശ്യമായ നിയമനടപടികള് സ്വീകരിക്കും. ആറന്മുളയില് കോവിഡ് രോഗിയെ ആംബുലന്സ് ഡ്രൈവര് പീഡിപ്പിച്ച സംഭവത്തിലും വനിതാ കമ്മിഷന് സ്വമേധയാ കേസെടുത്ത് തുടര്നടപടികള് ആരംഭിച്ചിട്ടുണ്ട്. ഇത്തരത്തില് സംഭവങ്ങള് ആവര്ത്തിക്കുന്നത് തടയാന് കോവിഡ് മാനദണ്ഡങ്ങള് ഉദ്യോഗസഥര് കര്ശനമായി പാലിക്കുന്നുവെന്ന് ഉറപ്പാക്കണമെന്ന് വനിതാ കമ്മിഷന് ചെയര്പേഴ്സണ് ആരോഗ്യവകുപ്പ് സെക്രട്ടറിക്ക് നിര്ദേശം നല്കി.
https://www.facebook.com/Malayalivartha
