എങ്ങനുണ്ട് മുഖ്യാ കേസിന്റെ ഈ ട്വിസ്റ്റ് ,ആരെങ്കിലും കരുതിയിരുന്നോ ഇത്രയും വലിയ തുക സ്വപ്ന തട്ടിയെടുത്തു എന്ന് .ഉന്നതരായ നേതാക്കളും അവരുടെ മക്കളും പിന്നെ അങ്ങയുടെ മുന്‍ വിശ്വസ്തനുമെല്ലാം രാജ്യദ്രോഹ കുറ്റത്തിന് അഴിയെണ്ണാന്‍ തയ്യാറായിക്കോളൂ എന്ന ശക്തമായ താക്കീത് തന്നെയാണ് അന്വേഷണ സംഘം നല്‍കിയിരിക്കുന്നത് .കേസ് അന്വേഷണത്തിന്റെ ഓരോ ഘട്ടം കഴിയും തോറും ആകസ്മികമായ പല സംഭവങ്ങളും നടക്കുകയാണ് .

പ്രതിപക്ഷത്തിന്റെയും കേന്ദ്രത്തിന്റെയും നിലപാടുകള്‍ പിണറായി വിജയന്റെ ഭരണകാര്യത്തില്‍ അക്ഷരം പ്രതി തെറ്റാതെ പ്രാബല്യത്തില്‍ വരുന്നതെന്തുകൊണ്ടെന്നു ആര്‍ക്കെങ്കിലും അറിയാമോ .സ്വപ്നയ്ക്ക് മുഖ്യനെ അറിയില്ലായിരിക്കാം പക്ഷെ മുഖ്യന്റെ ഓഫീസിലെ ഒട്ടുമിക്ക കാര്യങ്ങളും നേരിട്ടറിയാം എന്ന് തന്നെയാണ് പ്രാഥമികമായി അന്വേഷണ സംഘം മനസ്സിലാക്കിയത് .പ്രളയദുരിതത്തില്‍ നിന്നും നാടിനെ കാരകേറ്റാന്‍ പിണറായി ആരംഭിച്ച നവകേരളം പദ്ധിതി അക്ഷരാര്‍ത്ഥത്തില്‍ സ്വപ്നയുടെ ഡ്രീം പ്രൊജക്റ്റായിരുന്നു എന്ന് മനസ്സിലാക്കാന്‍ അന്വേഷണ സംഘം വൈകിപ്പോയി എന്ന് പറഞ്ഞാല്‍ മതിയല്ലോ .കേന്ദ്ര സര്‍ക്കാരിനെ അറിയിക്കാതെ വിദേശ ഫണ്ടുകള്‍ കുമിഞ്ഞൊഴുകുന്നത് രാജ്യദ്രോഹക്കുറ്റത്തിന് സമാനമാണ് .

ഒന്നോ രണ്ടോ കോടിയല്ല യു എ ഇ കോണ്‍സുലേറ്റിന്റെ പേരില്‍ വന്ന പണത്തിന്റെ കണക്ക് .58 കോടി രൂപ വിദേശകാര്യ മന്ത്രലയത്തെ വെട്ടിച്ച് ഇന്ത്യയില്‍ എത്തിച്ചതെങ്ങനെ എന്നതില്‍ ഇപ്പോഴും ഒരു വ്യക്തത വന്നില്ല .ദുബയിലെ തട്ടിപ്പ് സംഘവുമായുള്ള സ്വപ്നയുടെ വര്‍ഷങ്ങളായുള്ള ബന്ധം ഇതിനോടകം തന്നെ അന്വേഷണ സംഘം മനസ്സിലാക്കിക്കഴിഞ്ഞു .റമീസിന്റെ മൊഴിയുടെ അടിസ്ഥാനത്തിലായിരുന്നു എന്‍ഐഎ യുടെ പ്രത്യേക സംഘം ദുബായില്‍ എത്തിച്ചേരുകയും വിശദമായ അന്വേഷണം നടത്തുകയും ചെയ്തത് .

ജീവകാരുണ്യത്തിന്റെ പേരില്‍ യുഎഇ കോണ്‍സുലേറ്റിന്റേതായി ആരംഭിച്ച സമാന്തര ബാങ്ക് അക്കൗണ്ട് വഴി സ്വപ്ന സുരേഷും സംഘവും എത്തിച്ചത് 58 കോടിയോളം രൂപയെന്ന് അന്വേഷണ സംഘത്തിനു വിവരം കിട്ടിയത് മുതല്‍ പിണറായി സര്‍ക്കാര്‍ അങ്കലാപ്പിലാണ് ഭരണകാലാവധി അവസാനിക്കാന്‍ കേവലം ആറുമാസം മാത്രം ബാക്കിനില്‍ക്കെ ഇത്രയും വലിയ അഴിമതി ആരോപണം രാജ്യത്തൊരിടത്തും കേട്ടിട്ടില്ല എന്നത് വസ്തുതാപരമായ കാര്യം തന്നെയാണ് . ലൈഫ് മിഷന്‍ പദ്ധതിക്കുള്ള റെഡ് ക്രസന്റിന്റെ സഹായമായ 20 കോടി എത്തിയതും സാമാന്തരമായി തുടങ്ങിയ അക്കൗണ്ട് വഴിയാണ്. അതില്‍ 14.5 കോടിയാണു വടക്കാഞ്ചേരിയിലെ ഫ്‌ലാറ്റ് നിര്‍മാണക്കമ്പനിക്കു കൈമാറിയത്. 4 കോടിയില്‍പരം രൂപ കമ്മിഷന്‍ ഇനത്തില്‍ സ്വപ്നയും സംഘവും അടിച്ചുമാറ്റി എന്നാണ് ആരോപിക്കപ്പെട്ടത്.

ഒറ്റ ബാങ്കില്‍ യുഎഇ കോണ്‍സുലേറ്റിന്റെ പേരില്‍ 6 അക്കൗണ്ടുകളാണുള്ളത്. ഇതില്‍ ഒരു അക്കൗണ്ടിലാണ് 58 കോടിയോളം രൂപ എത്തിയത്. ഇതില്‍ 4 കോടിയോളമേ ഇനി അക്കൗണ്ടിലുള്ളൂ. ബാക്കി തുക ഇതേ ബാങ്കിലെ മറ്റൊരു അക്കൗണ്ട് വഴി ഇന്ത്യന്‍ രൂപയാക്കി ചെലവഴിച്ചു. ചില സംഘടനകള്‍ക്കു പണം നല്‍കി. അതിന്റെ പേരിലും സ്വപ്നയും സംഘവും പണം കൈക്കലാക്കിയെന്നാണു വിവരം. പണം കിട്ടിയ ചില സംഘടനകള്‍ കേന്ദ്ര നിരീക്ഷണത്തിലാണ്.ഇവര്‍ രാജ്യദ്രോഹകുറ്റങ്ങള്‍ ചെയ്യുന്ന അന്താരാഷ്ട്ര ഭീകരസംഘടനയുമായി ബന്ധമുണ്ട് എന്നാണ് സൂചന .അതിനാല്‍ തന്നെ സ്വപ്ന തൃശൂര്‍ ആശുപത്രിയില്‍ വച്ച് നടത്തിയ ഫോണ്‍ കോള്‍ അതീവഗൗരവം ഏറിയതാകുന്നു.ഇന്ത്യന്‍ രൂപയാക്കി വിപണിയില്‍ ഇറക്കിയ 52 കോടിയോളം വരുന്ന തുകയെപ്പറ്റിയുള്ള അന്വേഷണമാണ് ഏറ്റവും ദുര്‍ഘടം പിടിച്ചത് .ഇതിനെ നിജസ്ഥിതി അറിയുക എന്നത് അത്യന്താപേക്ഷിതമായ കാര്യമായി അന്വേഷണ സംഘത്തിന് മുന്നില്‍ മാറിയിയിരിക്കുകയാണ് .

കോണ്‍സുലേറ്റിന്റെ പേരിലാകുമ്പോള്‍ നയതന്ത്ര പരിരക്ഷയുണ്ട് എന്നതിനാല്‍ വിദേശസഹായ നിയന്ത്രണ നിയമം ബാധകമാകില്ല എന്ന കണക്കുകൂട്ടല്‍ നടത്തി വ്യക്തമായ പ്ലാനിങ്ങോട് കൂടിയാണ് ഈ പദ്ധതി നടപ്പിലാക്കിയത് . കോണ്‍സുലേറ്റ് അറിയാതെ സമാന്തര അക്കൗണ്ട് തുടങ്ങിയത് കേന്ദ്ര സര്‍ക്കാരിന് പോലും സംശയം ജനിപ്പിക്കാതെയായിരുന്നു . കോണ്‍സുലേറ്റില്‍ സ്വപ്നയ്ക്കു നിര്‍ണായക സ്വാധീനമുണ്ടായിരുന്ന സമയത്തായിരുന്നു ഇത് എന്നത് അന്വേഷണത്തില്‍ വ്യക്തമാണ് . അക്കൗണ്ട് തുടങ്ങാന്‍ വ്യാജരേഖകള്‍ ഉപയോഗിച്ചിരിക്കാമെന്നാണു കരുതുന്നത്. കോണ്‍സുലേറ്റിന്റെ പേരിലുള്ള വ്യാജസീലും രേഖകളും സ്വര്‍ണക്കടത്തു കേസിലെ ഒന്നാം പ്രതിയും കോണ്‍സുലേറ്റ് മുന്‍ പിആര്‍ഒയുമായ പി.എസ്. സരിതിന്റെ വീട്ടില്‍ നിന്നു പിടിച്ചെടുത്തിരുന്നു.
ഇതുപോലെ മറ്റേതെങ്കിലും അക്കൗണ്ട് ഉണ്ടോയെന്നും എന്‍ഐഎ പരിശോധിക്കുകയാണ്. കോണ്‍സുലേറ്റ് അക്കൗണ്ട് വഴി സംഘടനകള്‍ നേരിട്ടു പണമിടപാടു നടത്താന്‍ പാടില്ല. അതിനാല്‍ തന്നെ തെളിവുകള്‍ ശേഖരിക്കുക മാത്രമാണ് ഇനി അന്വേഷണ സംഘനത്തിനു മുന്നിലുള്ള ഏക വെല്ലുവിളി .കേരളത്തിലെ പ്രളയ ശേഷം 2018 ഒക്ടോബറില്‍ സഹായം തേടി മുഖ്യമന്ത്രി പിണറായി വിജയന്‍ യുഎഇ സന്ദര്‍ശിച്ചിരുന്നു. അന്നു സ്വപ്നയും മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറും യുഎഇയില്‍ ഉണ്ടായിരുന്നു. കോണ്‍സുലേറ്റിലെ സ്വാധീനം മറയാക്കി സ്വപ്ന വിവിധ രാജ്യാന്തര സംഘടനകളില്‍ നിന്നു പ്രളയസഹായം തേടിയെന്നാണു സൂചന. ആ തുകയാണ് ഈ അക്കൗണ്ടിലൂടെ എത്തിയത് എന്നതും ഇപ്പോള്‍ വ്യക്തമായിരിക്കുകയാണ് .