പിണറായിയുടെ പരനാറിപ്രയോഗവും ബ്രണ്ണകോളേജിലെ ഊരിപ്പിടിച്ച കത്തികള്‍ക്കിടയിലൂടെയുള്ള ആ നടത്തവും കടക്കു പുറത്തെന്ന് പറയുന്ന ഗാംഭീര്യവും സഖാക്കന്മാര്‍ അക്ഷരം പ്രതി ഏറ്റെടുത്ത ഡയലോഗുകളാണ് .അങ്ങനെയിരിക്കെയാണ് രണ്ടു മഹാപ്രളയങ്ങള്‍ ഉണ്ടാവുകയും മലയാളികളുടെ മനസ്സില്‍ അടുത്തെങ്ങും ഉണ്ടാകാത്ത തരത്തിലുള്ള മാരക മുറിവുകള്‍ ഹൃദയത്തിലുണ്ടായതും .
എന്നാല്‍ ധീരനായ പിണറായി തന്റെ ഹൃദയവിശാലത ഉറക്കെ കാട്ടികൊണ്ട് ജനമധ്യത്തിലേക്ക് ഇറങ്ങിത്തിരിച്ചത് വീണ്ടും കയ്യടികള്‍ പാര്‍ട്ടിക്കാരുടെയും പൊതുജനങ്ങളുടെയും ഇടയില്‍ നിന്നും വാങ്ങിക്കൂട്ടാന്‍ കാരണമായി .

പിണറായിയുടെ നവകേരള നിര്‍മാണം കണ്ട് കണ്ണുതള്ളാത്ത മലയാളികള്‍ വിരളമാണ് .ചെളിക്കുണ്ടില്‍ പുതഞ്ഞ കേരളമെന്ന ഭൂപ്രദേശത്തെ ഉയര്‍ത്തിയെടുക്കുന്നതു പിണറായുടെ കൈകള്‍ തന്നെ എന്ന് പി ആര്‍ വര്‍ക്ക് ഏറ്റെടുത്ത സംഘം ജനങ്ങള്‍ക്ക് മുന്‍പില്‍ വിവിധ വര്‍ണ്ണത്തിലുള്ള ഫ്‌ളക്‌സുകളിലൂടെ വ്യക്തമാക്കുകയും ചെയ്തു .പക്ഷെ എന്ത് ചെയ്യാം എല്ലാം പോയില്ലേ ....ഇപ്പൊ പിണറായിയെ
പ്രതിപക്ഷവും ഒരുവിഭാഗം ജനതയും മാന്‍ഡ്രേക്ക് എന്നാണ് അഭിസംബോധന ചെയ്യുന്നത് .തുടര്‍ച്ചയായി കേരളത്തില്‍ ഉണ്ടാകുന്ന ദുരിതങ്ങള്‍ താനാണോ വരുത്തിവച്ചത് എന്ന് ആരായിരുന്നാലും സംശയിച്ചു പോകും .എന്നാല്‍ അതിലുമൊരു വാസ്തവം ഒളിഞ്ഞുകിടപ്പുണ്ട് .

യു എ എയില്‍ നിന്നും മറ്റ് രാജ്യങ്ങളില്‍ നിന്നും മഹാമനസ്‌കരായ പലരും കേരളത്തിന് കോടികളുടെ വാഗ്ദാനവുമായി എത്തിയപ്പോള്‍ അവരെയെല്ലാം കേന്ദ്രം നിരുത്സാഹപ്പെടുത്തിയത് കേരളത്തെ ഇഷ്ടമല്ലാഞ്ഞിട്ടാണ് എന്ന് വരെ പറഞ്ഞു പരത്തി .എന്നാല്‍ വിശേഷകാര്യ മന്ത്രലയത്തിന്റെ അനുമതിയുള്‍പ്പടെ ഉള്ള നിയമപരമായ പ്രശ്‌നങ്ങള്‍ ആയിരുന്നു അവിടെ മുഖ്യമായും ഉയര്‍ന്നത് .അത് മറച്ചു വച്ച് കൊണ്ടുള്ള തെറ്റായ വാദം ജനങ്ങളുടെ മുന്നില്‍ നിരത്തി എന്നുമാത്രമല്ല സ്വപ്നയുള്‍പ്പടെ ഉള്ള വന്‍ റാക്കറ്റുകള്‍ കുടുങ്ങിയ പശ്ചാത്തലത്തിലാണ് കോണ്‍സുലേറ്റിലെ അല്‍കൗണ്ടില്‍ എത്തിയ 58 കോടി രൂപയുടെ നിജസ്ഥിതി മലയാളികള്‍ അറിയുന്നത് തന്നെ .കേസ് അന്വേഷണം പുരോഗമിക്കവേ സ്വപ്ന ഇന്ത്യന്‍ രൂപയാക്കി വിപണയില്‍ ഇറക്കിയ 52 കോടി രൂപ ഏതെല്ലാം സംഘടനകളില്‍ എത്തിച്ചേര്‍ന്നു എന്നത് അറിയാന്‍ കഴിയും എന്നാണ് ഏറ്റവും ഒടുവില്‍ പുറത്തുവരുന്ന വിവരം .

സ്വപ്നയും കൂട്ടാളികളും ചമച്ചുണ്ടാക്കിയ വ്യാജ രേഖകളെ കുറിച്ചറിയുക എന്നതും പ്രാധാന്യമര്‍ഹിക്കുന്ന വിഷയമാണ് .ഏതെല്ലാം വ്യക്തികളുടെ സഹായത്താലാണ് വ്യാജ രേഖകള്‍ ചമച്ചതെന്ന് അറിഞ്ഞാല്‍ ഇതുമായി ബന്ധപ്പെട്ട് പ്രവര്‍ത്തിച്ച കൂടുതല്‍ പേരെ നിയമത്തിനു മുന്നില്‍ എത്തിക്കാന്‍ കഴിയുമെന്ന ശുപാപ്തി വിശ്വാസത്തിലാണ് അന്വേഷണ സംഘം .നിലവില്‍ ഒറ്റ ബാങ്കില്‍ യുഎഇ കോണ്‍സുലേറ്റിന്റെ പേരില്‍ 6 അക്കൗണ്ടുകളാണുള്ളത്. ഇതില്‍ ഒരു അക്കൗണ്ടിലാണ് 58 കോടിയോളം രൂപ എത്തിയത്. ഇതില്‍ 4 കോടിയോളമേ ഇനി അക്കൗണ്ടിലുള്ളൂ. ബാക്കി തുക ഇതേ ബാങ്കിലെ മറ്റൊരു അക്കൗണ്ട് വഴി ഇന്ത്യന്‍ രൂപയാക്കി ചെലവഴിച്ചു. ചില സംഘടനകള്‍ക്കു പണം നല്‍കി. അതിന്റെ പേരിലും സ്വപ്നയും സംഘവും പണം കൈക്കലാക്കിയെന്നാണു വിവരം.

പണം കിട്ടിയ ചില സംഘടനകള്‍ കേന്ദ്ര നിരീക്ഷണത്തിലാണ്.ഇവരെപ്പറ്റി കൂടുതല്‍ വിവരങ്ങള്‍ ലഭ്യമാകുന്ന മുറയ്ക്ക് പിടിവീഴും എന്നാണ് കരുതപ്പെടുന്നത് .കഴിഞ്ഞ മൂന്നുവര്‍ഷമായി സ്വപ്ന കോണ്‍സുലേറ്റിലെ ബന്ധം ഉപയോഗിച്ച് വന്‍ തുകയാണ് ജീവകാരുണ്യത്തിന്റെ പേരില്‍ എത്തിച്ചതെന്നാണ് വ്യക്തമാവുന്നത് .

2018 ല്‍ തന്നെ 12 ലക്ഷം യുഎസ് ഡോളര്‍ അതായത് 8.80 കോടി രൂപ ഈ അക്കൗണ്ടിലെത്തിയാതായി രേഖകള്‍ വ്യക്തമാക്കുന്നുണ്ട് . 2019 ല്‍ 26 ലക്ഷം ഡോളര്‍ അതായത് 19.20 കോടി രൂപ യും സമാന്തരമായി എടുത്ത അക്കൗണ്ടില്‍ എത്തിയിരുന്നു . ബാക്കി ഈ വര്‍ഷമാണ് എത്തിയത്.ഇത്തരത്തില്‍ മാത്രം ലഭിച്ച കോടികള്‍ എവിടേക്കാണ് ഒഴുകിയതെന്നതാണ് ഇപ്പോള്‍ അന്വേഷണ സംഘത്തിനു മുന്നിലെ അടുത്ത വെല്ലുവിളി .ഏതായാലും കേരളം അഭിമുഖീകരിച്ച പ്രളയ സാഹചര്യം മുതലെടുക്കാന്‍ നോക്കിയ തട്ടിപ്പ് സംഘം എങ്ങനെയാണ് മുഖ്യന്ത്രിയുമായി പരിചയം സ്ഥാപിച്ചതെന്നതും കേന്ദ്രസര്‍ക്കാരിനും അന്വേഷണ ഏജന്‍സിക്കും ഒരുപോലെ സംശയം ഉയര്‍ത്തുന്ന ചോദ്യം തന്നെയാണ്