വളപട്ടണം പുഴയില്‍ കഴിഞ്ഞ ദിവസം കാണാതായ യുവാവിന്റെ മൃതദേഹം കണ്ടെത്തി. പുഴയില്‍ വീണ ബന്ധുവിന്റെ ജീവന്‍ രക്ഷിക്കാനായി ചാടിയ പാടിയോട്ടുചാല്‍ ഏച്ചിലാംപാറ സ്വദേശി കിഴക്കേവീട്ടില്‍ കെ.വി.വിജിത്ത് (33) ആണ് മരിച്ചത്.

അഴീക്കല്‍ തുറമുഖത്തിനു സമീപം നടന്ന തിരച്ചിലിനിടെ ഇന്നലെ വൈകിട്ട് 4.30നാണ് മൃതദേഹം കണ്ടെത്തിയത്. മൃതദേഹം കണ്ണൂര്‍ ഗവ.മെഡിക്കല്‍ കോളജ് മോര്‍ച്ചറിയിലേക്ക് മാറ്റി.

ജീവകാരുണ്യ രംഗത്തും സജീവമായിരുന്ന ഇദ്ദേഹം പ്രാദേശിക മാധ്യമപ്രവര്‍ത്തകനാണ്. ഏച്ചിലാംപാറയിലെ പരേതനായ ടി.ഗംഗാധരന്റെയും, കിഴക്കേവീട്ടില്‍ ശാന്തയുടെയും മകനായ വിജിത്ത് അവിവാഹിതനാണ്. സഹോദരന്‍: വിവേക്.