അമ്മയുടെ ശ്രദ്ധയില്‍പ്പെടാതെ തുറന്നുകിടന്ന ഗേറ്റിലൂടെ റോഡിലേക്ക് ഇറങ്ങിയ ഒന്നേകാല്‍ വയസ്സുകാരി ബൈക്ക് ഇടിച്ചു മരിച്ചു.

ബാലരാമപുരം മംഗലത്തുകോണം കാവിന്‍പുറം വൈഷ്ണവത്തില്‍ രതീഷ് ആര്യ ദമ്ബതികളുടെ ഇളയ മകള്‍ നക്ഷത്രയാണു മരിച്ചത്.

ഇന്നലെ വൈകിട്ട് എസ്‌എടി ആശുപത്രിയില്‍ വച്ചാണ് കുട്ടി മരിച്ചത്. ആശുപത്രിയില്‍ നടത്തിയ പരിശോധനയില്‍ കുട്ടിക്കും അച്ഛനും അമ്മയ്ക്കും കോവിഡ് സ്ഥിരീകരിച്ചു.

വെള്ളിയാഴ്ച നാലുമണിയോടെയാണ് കുഞ്ഞിനെ അമിതവേഗത്തില്‍ വന്ന ബൈക്ക് ഇടിച്ചിട്ടത്.

വീട്ടുമുറ്റത്ത് ഗേറ്റിനരികില്‍ മറ്റൊരാളുമായി സംസാരിച്ചു നിന്ന അമ്മയുടെ ശ്രദ്ധയില്‍പ്പെടാതെ പെട്ടെന്ന് റോ‍ഡിലേക്ക് ഓടിയിറങ്ങുകയായിരുന്നു നക്ഷത്രയെന്നു ബന്ധുക്കള്‍ പറഞ്ഞു.

കുഞ്ഞിനെ ഇടിച്ചു തെറിപ്പിച്ച ബൈക്ക് നിര്‍ത്താതെ പോയി. ബൈക്കുകാരന് വേണ്ടി പൊലീസ് അന്വേഷണം ആരംഭിച്ചു കഴിഞ്ഞു.