ഇസ്രായേല്‍ തെരഞ്ഞെടുപ്പില്‍ വീണ്ടും അനിശ്ചിതത്വം. പ്രധാനമന്ത്രി ബഞ്ചമിന്‍ നെതന്യാഹു പുറത്താകുമോ അതോ ഭരണം പിടിക്കുമോ എന്നതില്‍ വ്യക്തതയില്ല. നെതന്യാഹുവിനെ പുറത്താക്കാനുള്ള ശക്തമായ നീക്കം അണിയറയില്‍ തുടരുകയാണ്.
പ്രധാനമന്ത്രിയെ നേരിട്ട് തിരഞ്ഞെടുക്കാനുള്ള ബില്‍ പാസാക്കാന്‍ ലക്ഷ്യമിടുകയാണ് പ്രതിപക്ഷ സഖ്യം.
ചൊവ്വാഴ്ച നടന്ന പ്രധാനമന്ത്രി തിരഞ്ഞെടുപ്പില്‍ ആര്‍ക്കും കേവലഭൂരിപക്ഷം ലഭിക്കാത്ത സാഹചര്യത്തില്‍ അറബ് പാര്‍ട്ടികളെ ആശ്രയിക്കാതെ ന്യൂനപക്ഷ സര്‍ക്കാര്‍ രൂപീകരിക്കാമെന്ന ലക്ഷ്യത്തോടെയാണ് പ്രതിപക്ഷത്തിന്റെ നീക്കം. വോട്ടര്‍മാര്‍ക്ക് പ്രധാനമന്ത്രിയെ നേരിട്ട് തിരഞ്ഞെടുക്കാന്‍ അനുമതി നല്‍കുന്ന ബില്‍  പാസായാല്‍ നേരിട്ടുള്ള തിരഞ്ഞെടുപ്പിലൂടെ ജയിക്കുന്ന സ്ഥാനാര്‍ഥിക്ക് കേവല ഭൂരിപക്ഷമില്ലാതെ തന്നെ ന്യൂനപക്ഷ സര്‍ക്കാര്‍ രൂപീകരിക്കാനാകും. 2021ലെ തിരഞ്ഞെടുപ്പില്‍ പരാജയപ്പെട്ടതിനു പിന്നാലെ നെതന്യാഹുവും ഇതേ നിര്‍ദേശം മുന്നോട്ടുവച്ചിരുന്നു.
ഇതിന് ഇസ്രയേലിലെ നിലവിലെ നിയമം ഭേദഗതി ചെയ്യേണ്ടതുണ്ട്. അതിനും 61 പേരുടെ പിന്തുണ ആവശ്യമാണ്.  120 അംഗ ഇസ്രയേല്‍ പാര്‍ലമെന്റിലേക്ക് കഴിഞ്ഞയാഴ്ച നടന്ന തെരഞ്ഞെടുപ്പില്‍  നെതന്യാഹുവിന്റെ സഖ്യത്തിന് 53 സീറ്റും യാഷര്‍ സഖ്യത്തിന് 48 സീറ്റുമാണ് ലഭിച്ചത്. 61 സീറ്റാണ് കേവല ഭൂരിപക്ഷത്തിനുവേണ്ടത്. 19 സീറ്റ് ലഭിച്ച അറബ് പാര്‍ട്ടികളുടെ പിന്തുണയുണ്ടെങ്കില്‍ മാത്രമേ പ്രതിപക്ഷത്തിനു ഭരണം ലഭിക്കൂ.
്‌ലിക്കുഡ് പാര്‍ട്ടി നയിക്കുന്ന സഖ്യത്തിന് 64 സീറ്റ് ഉണ്ടായിരുന്നതാണ് 53 ലേക്കു  കുറഞ്ഞിരിക്കുന്നത്. അധികാരത്തില്‍ നിന്ന് പുറത്തായാല്‍ നെതന്യാഹുവിന്റെ പ്രതാപം എന്നേക്കും അസ്തമിക്കും എന്നതാണ് നിലവിലെ  സാഹചര്യം.  ആര്‍ക്കും ഭൂരിപക്ഷം ലഭിക്കാത്ത സാഹചര്യത്തില്‍ പുതിയ സഖ്യം രൂപീകരിച്ച് ഭരണം പിടിക്കാനുള്ള ചര്‍ച്ചകളും  സജീവമാണ്. ലിക്കുഡ് പാര്‍ട്ടി നയിക്കുന്ന സഖ്യത്തിനു ഭൂരിപക്ഷം ലഭിക്കണമെങ്കില്‍ ഇനി എട്ടു സീറ്റും പ്രതിപക്ഷത്തിനു ഭൂരിപക്ഷം നേടാന്‍ 13 സീറ്റും വേണം. അറബ് പാര്‍ട്ടികളുടെ പിന്തുണയില്ലാതെ പ്രതിപക്ഷത്തിനു ഭരണം പിടിക്കാനാവില്ല. അറബ് പാര്‍ട്ടികള്‍ നെതന്യാഹുവിനെ പിന്‍തുണയ്ക്കാനുള്ള സാധ്യത വളരെ കുറവാണ്.
 സമവായത്തിലൂടെ ഒരു സഖ്യം രൂപീകരിക്കാന്‍ ആര്‍ക്കും സാധിച്ചില്ലെങ്കില്‍, രാജ്യം വീണ്ടും മറ്റൊരു തിരഞ്ഞെടുപ്പിലേക്ക് നീങ്ങാനും സാഹചര്യമുണ്ട്.
അതിനിടെ ഗാദി ഐസന്‍കോട്ടിന്റെ പാര്‍ട്ടി അറബ് നേതൃത്വത്തിലുള്ള കക്ഷികളുമായി ചില വ്യവസ്ഥകളോടെ കൈകോര്‍ക്കാന്‍ തയാറാണെന്ന സൂചന പുറത്തുവരുന്നുണ്ട്. തിരഞ്ഞെടുപ്പില്‍ വിദേശ ഇടപെടല്‍ ഉണ്ടായെന്ന നെതന്യാഹുവിന്റെ ലിക്കുഡ് പാര്‍ട്ടിയുടെ ആരോപണത്തില്‍ അന്വേഷണം നടന്നുവരികയാണ്.
ഇസ്രയേലില്‍ നടന്ന തിരഞ്ഞെടുപ്പ് നടപടികള്‍ ചട്ടപ്രകാരവും സുതാര്യമായുമാണ് പൂര്‍ത്തിയായതെന്ന് തിരഞ്ഞെടുപ്പ് കമ്മീഷന്‍. വോട്ടെടുപ്പില്‍ കൃത്രിമം നടന്നെന്ന പ്രധാനമന്ത്രി ബെഞ്ചമിന്‍ നെതന്യാഹുവിന്റെ ലിക്കുഡ് പാര്‍ട്ടിയുടെ ആരോപണങ്ങള്‍ക്കിടെയാണ് കമ്മീഷന്റെ വിശദീകരണം. ഖത്തറിന്റെയും തുര്‍ക്കിയുടെയും ഇടപെടല്‍ തിരഞ്ഞെടുപ്പിലുണ്ടായെന്ന ആരോപണത്തില്‍ അന്വേഷണം തുടരുന്നതിനിടെയാണ് കമ്മീഷന്‍ ചെയര്‍മാന്‍ ജസ്റ്റിസ് സോം സോള്‍ബര്‍ഗിന്റെ പ്രതികരണം. തിരഞ്ഞെടുപ്പില്‍ വിദേശ ഇടപെടലും അനധികൃത സാമ്പത്തിക സഹായവും ഉണ്ടായിട്ടുണ്ടോയെന്ന് പരിശോധിക്കാന്‍ ഇസ്രയേല്‍ അന്വേഷണ ഏജന്‍സികള്‍ രംഗത്തെത്തിയിട്ടുണ്ട്. ആഭ്യന്തര സുരക്ഷാ ഏജന്‍സിയായ ഷിന്‍ ബെറ്റിനൊപ്പം രഹസ്യാന്വേഷണ ഏജന്‍സിയായ മൊസാദും അന്വേഷണം നടത്തുമെന്നാണ് റിപ്പോര്‍ട്ടുകള്‍. വിദേശത്തുനിന്ന് തിരഞ്ഞെടുപ്പിനായി ഫണ്ട് ലഭിച്ചെന്ന ആരോപണം നെതന്യാഹുവും ലിക്കുഡ് പാര്‍ട്ടിയും നേരത്തെ ഉന്നയിച്ചിരുന്നു.
 അറബ് പാര്‍ട്ടികള്‍ പണം നല്‍കി വോട്ടുവാങ്ങുകയും നിയമവിരുദ്ധമായി വോട്ടര്‍മാരെ സ്വാധീനിക്കുകയും ചെയ്തതായാണ് ആരോപണം. അറബ് വോട്ടര്‍മാരെ സ്വാധീനിക്കാന്‍ ഖത്തര്‍, തുര്‍ക്കി എന്നീ രാജ്യങ്ങളില്‍നിന്ന് അനധികൃതമായി ഫണ്ട് എത്തിയെന്നും ആരോപണമുയര്‍ന്നിട്ടുണ്ട്. അറബ് പാര്‍ട്ടികളെ സര്‍ക്കാരില്‍ ഉള്‍പ്പെടുത്തുന്നതില്‍ പ്രതിപക്ഷത്തിന് തടസ്സമായി നില്‍ക്കുന്നത് പ്രധാനമായും അവരുടെ അറബ് വിരുദ്ധ വംശീയതയാണ്. ഇസ്രയേല്‍ ജനസംഖ്യയുടെ 20 ശതമാനം വരുന്ന മുസ്ലിം-ക്രിസ്ത്യന്‍ അറബ് വംശജരെ പൂര്‍ണ പൗരന്മാരായി അംഗീകരിക്കാന്‍ സയണിസ്റ്റ് ജൂതര്‍ക്ക് ബുദ്ധിമുട്ടുണ്ട്.  സര്‍ക്കാര്‍ രൂപവത്കരണവുമായി ബന്ധപ്പെട്ട് മൂന്ന് പ്രധാന സാധ്യതകളാണ് ഇപ്പോള്‍ ഇസ്രയേലില്‍ അവശേഷിക്കുന്നത് ഒന്ന്   പ്രതിപക്ഷം ന്യൂനപക്ഷ സര്‍ക്കാര്‍ ഉണ്ടാക്കുക.  നെതന്യാഹുവിനെ അധികാരത്തില്‍നിന്ന് മാറ്റുക എന്ന തങ്ങളുടെ വാഗ്ദാനത്തിന് വിരുദ്ധമായതിനാല്‍ പ്രതിപക്ഷത്തിന് ഇത് കടുത്ത വെല്ലുവിളിയാകും. മൂന്നമാത് ഒരു കക്ഷിക്കും ഭൂരിപക്ഷം തെളിയിക്കാന്‍ കഴിഞ്ഞില്ലെങ്കില്‍ ഇസ്രയേല്‍ വീണ്ടും ഒരു തിരഞ്ഞെടുപ്പിലേക്ക് നീങ്ങും. ഇത്രയും ഉയര്‍ന്ന അറബ് വോട്ടിംഗ് ശതമാനം ഇനിയൊരു തെരഞ്ഞെടുപ്പില്‍ ആവര്‍ത്തിക്കില്ലെന്ന കണക്കുകൂട്ടലില്‍ നെതന്യാഹു പുതിയ തിരഞ്ഞെടുപ്പിന് നീങ്ങാനുള്ള സാധ്യത തള്ളിക്കളയാനാനാവില്ല.
അതേസമയം തെരഞ്ഞെടുപ്പില്‍ കടുത്ത അനിശ്ചതത്വം ഉണ്ടായിരിക്കെയും ഇസ്രായേല്‍ പലസ്തീനു നേരേ വീണ്ടും ആക്രമണം അഴിച്ചുവിട്ടിരിക്കുകയാണ്. ഹമാസിനെ ഉന്‍മൂലനം ചെയ്യാതെ പിന്നോട്ടില്ലെന്നാണ് നെതന്യാഹുവിന്റെ നിലപാട്.