സ്വര്ണക്കടത്ത് കേസില് എന്ഐഎക്ക് തിരിച്ചടി... ഫൈസല് ഫരീദിനെ ഉടന് ഇന്ത്യക്ക് കൈമാറാനാകില്ലെന്ന് യുഎഇ വിദേശകാര്യമന്ത്രാലയം
16 OCTOBER 2020 12:51 PM IST
മലയാളി വാര്ത്ത
സ്വര്ണക്കടത്ത് കേസില് എന്ഐഎക്ക് തിരിച്ചടി. ഫൈസല് ഫരീദിനെ ഉടന് ഇന്ത്യക്ക് കൈമാറാനാകില്ലെന്ന് യുഎഇ വിദേശകാര്യമന്ത്രാലയം വ്യക്തമാക്കി. കേസിലെ ആഭ്യന്തര അന്വേഷണം പൂര്ത്തിയായശേഷമെ ഇന്ത്യയുടെ അപേക്ഷ പരിഗണിക്കാനാകൂവെന്നും യുഎഇ അറിയിച്ചു.
ഫൈസലിന് എതിരായ കേസില് വിചാരണ പൂര്ത്തിയാക്കേണ്ടതുണ്ടെന്നാണ് യുഎഇ പറയുന്നത്. കേസുകളുടെ വിചാരണ പൂര്ത്തിയാക്കിയ ശേഷം മാത്രമേ ഫൈസലിനെ നാടുകടത്താനാകൂ എന്നാണ് യുഎഇ പറയുന്നത്. രാജ്യം ഇത് സംബന്ധിച്ച് വിദേശകാര്യമന്ത്രാലയത്തോട് നിലപാട് അറിയിച്ചു. സ്വര്ണക്കടത്തില് ആഭ്യന്തര അന്വേഷണം പുരോഗമിക്കുകയാണെന്നും യുഎഇ പറയുന്നു. ഒക്ടോബര് ആറിനാണ് ഫൈസല് ഫരീദ് യുഎഇയില് അറസ്റ്റിലായെന്ന വാര്ത്ത എന്ഐഎ പുറത്തുവിടുന്നത്. യുഎഇയിലേക്ക് പോയ എന്ഐഎ സംഘം ഇക്കാര്യം സ്ഥിരീകരിച്ചുവെന്നും കോടതിയില് എന്ഐഎ പറഞ്ഞിരുന്നു. "അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
