സ്വര്‍ണക്കടത്ത് കേസുമായി ബന്ധപ്പെട്ട് മുന്‍ പ്രിന്‍സിപ്പില്‍ സെക്രട്ടറി എം ശിവശങ്കറിനെ ഇ ഡി കസ്റ്റഡിയിലെടുത്ത പശ്ചാത്തലത്തില്‍ മുഖ്യമന്ത്രിക്ക് അധികാരത്തില്‍ തുടരാന്‍ അവകാശമില്ലെന്ന് ആഞ്ഞടിച്ച് പ്രതിപക്ഷം . ആരുടെ നെഞ്ചിടിപ്പാണ് കൂടുന്നത് എന്നായിരുന്നു വി ഡി സതീശൻ പ്രതികരണത്തിലൂടെ ചോദിച്ചത് . വി ഡി സതീശൻ ഫേസ്ബുക്ക് കുറിപ്പ്

''ശിവശങ്കറിന്റെ മുൻകൂർ ജാമ്യാപേക്ഷ ഹൈക്കോടതി തള്ളി.
കള്ളക്കടത്ത് സംഘവുമായി മുഖ്യമന്ത്രിയുടെ ഓഫീസിന് ബന്ധമുണ്ട് എന്ന പ്രതിപക്ഷ ആരോപണത്തിന് അടിവരയിടുന്ന വിധി. കേരളത്തിലെ ഏറ്റവും പ്രബലമായ ഓഫീസിൽ തന്ത്ര പ്രധാന സ്ഥാനത്തിരുന്ന അമിതാധികാരങ്ങളുണ്ടായിരുന്ന വ്യക്തി കേരളത്തിൽ കളളക്കടത്ത് നടത്തുക എന്ന ലക്ഷ്യത്തോടെ മാത്രം വന്ന ഒരു സംഘത്തിലെ കണ്ണിയായി മാറി എന്ന് കോടതിയെ ബോധ്യപ്പെടുത്താൻ അന്വേഷണ ഏജൻസികൾക്ക് കഴിഞ്ഞിരിക്കുന്നു.ആരുടെ നെഞ്ചിടിപ്പാണ് കുടുന്നത് !!!