ആലപ്പുഴ മെഡിക്കല്‍ കോളജിലെ എംബിബിഎസ് വിദ്യാര്‍ഥി ഹോസ്റ്റല്‍ മുറിയില്‍ ജീവനൊടുക്കിയ നിലയില്‍
കണ്ണൂര്‍ പാനൂര്‍ ഈസ്റ്റ് വള്ള്യായി മീത്തിലെ പുരയില്‍ വാചാലി നിവാസില്‍ ചന്ദ്രന്റെ മകന്‍ രാഹുല്‍രാജിനെ (23) കോളജ് ഹോസ്റ്റലിലെ മുറിയില്‍ ജീവനൊടുക്കിയ നിലയില്‍ കണ്ടെത്തി. ആലപ്പുഴ മെഡിക്കല്‍ കോളജിലെ അവസാന വര്‍ഷ എംബിബിഎസ് വിദ്യാര്‍ഥിയായിരുന്ന രാഹുലിനെ
ഫാനില്‍ തൂങ്ങി മരിച്ച നിലയിലാണ് കണ്ടത്. ഡയറിയില്‍നിന്ന് ആത്മഹത്യക്കുറിപ്പ് കിട്ടിയതായി പൊലീസ് അറിയിച്ചു. ഇന്നലെ ഉച്ചയോടെ സഹപാഠികളാണ് മൃതദേഹം കണ്ടത്.
രാഹുല്‍രാജ് നാട്ടില്‍ നിന്നു കോളജിലെത്തിയത് ശനിയാഴ്ചയാണ്. രാഹുലിന്റെ ഫോണിലേക്ക് ബന്ധുക്കള്‍ രാവിലെ വിളിച്ചെങ്കിലും ഫോണെടുത്തില്ല. തുടര്‍ന്ന് സഹപാഠികളെ ബന്ധപ്പെട്ട് മുറിയില്‍ പരിശോധിച്ചപ്പോഴാണ് മരിച്ച നിലയില്‍ കണ്ടത്. മാനസിക സമ്മര്‍ദ്ദമാണ് മരണത്തിലേക്ക് നയിച്ചതെന്ന് ആത്മഹത്യക്കുറിപ്പില്‍ വ്യക്തമാകുന്നതായി പൊലീസ് പറയുന്നു.
മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. അമ്മ: സുമതി. സഹോദരന്‍: റിഥുല്‍ രാജ്.
https://www.facebook.com/Malayalivartha
