ഭര്ത്താവിനെ ജാമ്യത്തിലിറക്കാമെന്ന് തെറ്റിദ്ധരിപ്പിച്ച് പണം കവരുകയും പീഡനത്തിനിരയാക്കി നഗ്നദൃശ്യങ്ങള് പ്രചരിപ്പിക്കുകയും ചെയ്ത കേസില് ഒളിവിലായിരുന്നയാള് കീഴടങ്ങി
ഭര്ത്താവിനെ ജാമ്യത്തിലിറക്കാം എന്ന് തെറ്റിദ്ധരിപ്പിച്ച് പണം കവരുകയും പീഡനത്തിനിരയാക്കി നഗ്നദൃശ്യങ്ങള് പ്രചരിപ്പിക്കുകയും ചെയ്ത
സിപിഎം ജില്ലാ സെക്രട്ടറിയുടെ മുന് ഡ്രൈവര് പഴകുളം പന്ത്രണ്ടാംകുഴിയില് അബ്ദുല് റഹ്മാന് (30) വനിതാ പൊലീസ് എസ്എച്ച്ഒ എ.ആര്.ലീലാമ്മ മുന്പാകെ ബുധനാഴ്ച കീഴടങ്ങി.
2019 മാര്ച്ച് മുതല് നടന്ന സംഭവങ്ങളില് കഴിഞ്ഞ മാസമാണ് യുവതി ജില്ലാ പൊലീസ് മേധാവിക്കു പരാതി നല്കിയത്. കേസിലുള്പ്പെട്ട ഇയാളുടെ ഭാര്യ സനയെ(26) നേരത്തെ പൊലീസ് അറസ്റ്റ് ചെയ്തിരുന്നു. ഇവര് ജാമ്യത്തിലാണ്.
പ്രതിയായ അബ്ദുല് റഹ്മാനും പരാതിക്കാരിയുമെല്ലാം സിപിഎം അംഗങ്ങളായിരുന്നു. ഒരു കേസില്പ്പെട്ട് ജയിലിലായിരുന്ന ഭര്ത്താവിനെ പുറത്തിറക്കാമെന്നു പറഞ്ഞ് 5 ലക്ഷം രൂപ യുവതിയില് നിന്ന് ഇയാള് വാങ്ങിയിരുന്നു. വീട് പണയപ്പെടുത്തിയാണ് പണം നല്കിയത്. പാര്ട്ടി സെക്രട്ടറിയുടെ ഡ്രൈവറായിരിക്കെയാണ് അബ്ദുല് റഹ്മാന് പ്രശ്നത്തില് ഇടപെട്ടത്. അഭിഭാഷകനെ കാണാനെന്നു പറഞ്ഞ് യുവതിയെ കൊട്ടാരക്കരയിലെ ഹോട്ടല് മുറിയില് വിളിച്ചു വരുത്തി പീഡിപ്പിച്ചെന്നാണ് പരാതിയിലുള്ളത്.
ഭര്ത്താവിനെ കൊന്നുകളയുമെന്ന് ഭീഷണിപ്പെടുത്തി ഒട്ടേറെത്തവണ പീഡനം തുടര്ന്നെന്നും പരാതിയില് പറയുന്നു. നഗ്നദൃശ്യങ്ങള് പകര്ത്തി പുറത്ത് വിടുമെന്നും ഭീഷണിപ്പെടുത്തി. യുവതിക്കു വഞ്ചന മനസ്സിലായത്് ഭര്ത്താവ് ജയിലില് നിന്നിറങ്ങിയപ്പോഴാണ്. 5 ലക്ഷം തിരിച്ചു ചോദിച്ചതോടെ അബ്ദുല് റഹ്മാന് ഭാര്യയുടെ മൊബൈലില് നിന്ന് നഗ്നദൃശ്യങ്ങള് യുവതിയുടെ ഭര്ത്താവിന് അയച്ചുകൊടുത്തു. സാമൂഹമാധ്യമങ്ങളില് ദൃശ്യങ്ങള് എത്തിയതോടെ യുവതി ആത്മഹത്യയ്ക്കും ശ്രമിച്ചിരുന്നു.
അതേസമയം വിഷയം ശ്രദ്ധയില്പ്പെട്ട ഉടന് ഇതിലുള്പ്പെട്ട എല്ലാവരെയും പുറത്താക്കിയിരുന്നതായാണ് സിപിഎം വ്യക്തമാക്കുന്നത്. അബ്ദുല് റഹ്മാനെ വിഡിയോ കോണ്ഫറന്സ് വഴി അടൂര് കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha
