വി എസ്സ് എസ്സ് സി മുന്‍ ഡയറക്ടര്‍ എസ്. രാമകൃഷ്ണന്‍ തിരുവനന്തപുരം പെരുന്താന്നിയിലെ വസതിയില്‍ അന്തരിച്ചു.

ഡോ.എ.പി.ജെ. അബ്ദുള്‍ കലാമിന്റെ നേതൃത്വത്തില്‍ 1972-ല്‍ ആരംഭിച്ച ഇന്ത്യയുടെ ആദ്യ ഉപഗ്രഹ വിക്ഷേപണ റോക്കറ്റായ എസ്.എല്‍.വി. 3 പ്രോജക്ടിന്റെ വികാസത്തില്‍ പങ്കാളിയായാണ് ഔദ്യോഗിക ജീവിതം ആരംഭിച്ചത്.

എസ്.രാമകൃഷ്ണന്‍ 2013-ലാണ് വി.എസ്.എസ്.സി. ഡയറക്ടറാകുന്നത്. ഐ.എസ്.ആര്‍.ഒയുടെ നിരവധി അഭിമാന പദ്ധതികളില്‍ തലവനായി പ്രവര്‍ത്തിച്ച അദ്ദേഹത്തിന് 2003-ല്‍ രാജ്യം പത്മശ്രീ നല്‍കി ആദരിച്ചു.