സ്വകാര്യ ബസ് ഡ്രൈവര്മാരുടെ സേവനങ്ങള്ക്ക് യാത്രക്കാര്ക്ക് മാര്ക്കിടാം, സ്വകാര്യ ബസ്സുകള്ക്ക് ഇനി ഏതു റൂട്ടിലും ഓടാം
ഇനി ഏതു റൂട്ടിലും സ്വകാര്യ ബസ്സുകള്ക്ക് ഓടാം. അതിന് അനുമതി നല്കി കേന്ദ്രസര്ക്കാര് ഉത്തരവ്് ഇറക്കി. ഓണ്ലൈന് ടാക്സി സര്വീസിന് മാര്ഗനിര്ദേശങ്ങള് ഇറക്കിയതിനൊപ്പമാണിത്. കേന്ദ്രമോട്ടോര്വാഹന നിയമഭേദഗതി പ്രകാരം ഓണ്ലൈന് ടാക്സികളെ നിയന്ത്രിക്കാന് നിയമനിര്മാണത്തിന് നിര്ദേശിച്ചിരുന്നു. ഇതുപ്രകാരമാണ് കേന്ദ്ര നടപടി.
ലൈസന്സ് ഫീസ് അഞ്ചുവര്ഷത്തേക്ക് അഞ്ചുലക്ഷം രൂപയാണ്. 1000 മറ്റു വാഹനങ്ങളും 100 ബസുകളും ഉള്ള കമ്പനികള് ഒരുലക്ഷം രൂപ സെക്യൂരിറ്റി ഡിപ്പോസിറ്റായി അടയ്ക്കണം. സഹകരണനിയമപ്രകാരം രജിസ്ട്രര്ചെയ്ത സ്ഥാപനങ്ങള്ക്കും ലൈസന്സിന് അപേക്ഷിക്കാം.
കേന്ദ്ര ഉപരിതല ഗതാഗതമന്ത്രാലയം ചീഫ് സെക്രട്ടറിക്ക് അയച്ച കത്തില് കേന്ദ്രനിയമത്തിന് അനുസൃതമായി സംസ്ഥാന സര്ക്കാരിനും ഉത്തരവിറക്കാമെന്ന് വ്യക്തമാക്കുന്നുണ്ട്.
നിലവിലെ അന്തര്സംസ്ഥാന ആഡംബര ബസ് ഓപ്പറേറ്റര്മാര്ക്ക് അഗ്രഗേറ്റര് ലൈസന്സ് എടുത്താല് ഏത് റൂട്ടിലും ടിക്കറ്റ് നല്കി യാത്രക്കാരെ കൊണ്ടുപോകാനും കഴിയും. ഇനി ഓണ്ലൈനില് വാടക ഈടാക്കി ഏതുതരം വാഹനങ്ങളും ഓടിക്കാം. ഇതോടെ ഓണ്ലൈന് ടിക്കറ്റ് നല്കി ഏത് റൂട്ടിലും ബസ് ഓടിക്കാനുള്ള അവകാശം അഗ്രഗേറ്റര് ലൈസന്സ് സമ്പാദിക്കുന്നവര്ക്ക് കിട്ടും.
ഡ്രൈവര്മാര്ക്കും ജീവനക്കാര്ക്കും യോഗ്യതയും നിഷ്കര്ഷിച്ചിട്ടുണ്ട്. ഇവര്ക്ക് പരിശീലന ക്ലാസുകളും ആരോഗ്യ പരിശോധനയും ഇന്ഷുറന്സും നിര്ബന്ധമാണ്. യാത്രക്കാര്ക്ക് ഡ്രൈവര്മാരുടെ സേവനങ്ങള് വിലയിരുത്തി മാര്ക്കിടാം.
https://www.facebook.com/Malayalivartha
