ഹാജരാകാൻ നിർദേശിച്ച് കസ്റ്റംസിന്റെ നോട്ടീസ് കിട്ടിയിട്ടില്ല; കസ്റ്റംസ് ഫോണിൽ വിളിക്കുക മാത്രമാണ് ചെയ്തത്; മൊഴി നൽകാൻ ഹാജരാകില്ല എന്നറിയിച്ച് സ്പീക്കർ പി ശ്രീരാമകൃഷ്ണന്റെ അഡീഷണൽ പ്രൈവറ്റ് സെക്രട്ടറി കെ അയ്യപ്പൻ
ഡോളർ കടത്ത് കേസുമായി ബന്ധപ്പെട്ട് മൊഴി നൽകാൻ സ്പീക്കർ പി ശ്രീരാമകൃഷ്ണന്റെ അഡീഷണൽ പ്രൈവറ്റ് സെക്രട്ടറി കെ അയ്യപ്പനോട് ഇന്ന് കസ്റ്റംസിന് മുന്നിൽ ഹാജരാകാൻ പറഞ്ഞിരുന്നു. എന്നാൽ താൻ ഇന്ന് ഹാജരാകില്ല എന്ന് അറിയിച്ചിരിക്കുകയാണ് അദ്ദേഹം.കാരണം ഹാജരാകാൻ നിർദേശിച്ച് കസ്റ്റംസിന്റെ നോട്ടീസ് കിട്ടിയിട്ടില്ല. കസ്റ്റംസ് ഫോണിൽ വിളിക്കുക മാത്രമാണ് ചെയ്തതെന്നുമാണ് അയ്യപ്പൻ ഉയർത്തുന്ന വാദം. നോട്ടീസ് കിട്ടിയാൽ ഹാജരാവുന്ന കാര്യം പരിഗണിക്കുമെന്നും അദ്ദേഹം അറിയിക്കുകയുണ്ടായി . സ്വർണക്കടത്ത് കേസിലെ പ്രതികളായ സ്വപ്നയും സരിത്തും ഡോളർ അടങ്ങിയ ബാഗ് കോൺസുലേറ്റ് ഓഫീസിൽ എത്തിക്കാൻ സ്പീക്കർ ആവശ്യപ്പെട്ടുവെന്ന് കസ്റ്റംസിന് മൊഴി നൽകിയിരുന്നു. ഇതിന് പിന്നാലെ അഡീഷണൽ പ്രൈവറ്റ് സെക്രട്ടറിയോട് ഹാജരാകാൻ കസ്റ്റംസ് നിർദേശിക്കുകയുണ്ടായി . സ്വപ്നയും സരിത്തും മജിസ്ട്രേറ്റിനും കസ്റ്റംസിനും നൽകിയ മൊഴിയിൽ സ്പീക്കർക്ക് എതിരെ ഗുരുതര ആരോപണങ്ങളാണ് ഉയർത്തിയിട്ടുള്ളത്. അടുത്ത ആഴ്ച നോട്ടീസ് നൽകി സ്പീക്കറെ കൊച്ചിയിലേക്ക് വിളിച്ചുവരുത്താനാണ് കസ്റ്റംസ് നീക്കമെന്ന് റിപ്പോർട്ടുകൾ സൂചിപ്പിക്കുന്നു .അതേസമയം, അസിസ്റ്റന്റ് പ്രോട്ടോക്കോൾ ഓഫീസർ എം എസ് ഹരികൃഷ്ണൻ കസ്റ്റംസിന് മുന്നിൽ ഹാജരായി. സ്വർണക്കടത്ത് കേസുമായി ബന്ധപ്പെട്ടാണ് ഇയാളുടെ മൊഴിയെടുക്കുക. സ്പീക്കർ അടക്കമുളളവരുടെ വിദേശയാത്രകളിൽ വ്യക്തത വരുത്താനാണ് ചോദ്യം ചെയ്യൽ നടത്തുന്നത് . നയതന്ത്ര ബാഗേജ് വിഷയത്തിലും ഹരികൃഷ്ണന്റെ മൊഴിയെടുക്കും.
നിയമസഭാ സമ്മേളനം തുടങ്ങാന് ദിവസങ്ങള് ബാക്കിനില്ക്കവെയാണ് സ്പീക്കറെ പ്രതിരോധത്തിലാക്കി കസ്റ്റംസിന്റെ തീരുമാനം പുറത്ത് വന്നിരിക്കുന്നത്. സ്വപ്നയും സരിത്തും മജിസ്ട്രേറ്റിനും കസ്റ്റംസിനും നല്കിയ മൊഴിയില് സ്പീക്കര്ക്കെതിരെ ഗുരുതര ആരോപണങ്ങള് ഉയർത്തിയിട്ടുണ്ട് എന്നതും ശ്രദ്ധേയമായ കാര്യമാണ്. . നയതന്ത്ര ചാനലിലൂടെയുള്ള ഡോളര് കടത്തു കേസില് ആണ് നിയമസഭാ സ്പീക്കര് പി. ശ്രീരാമകൃഷ്ണന്റെ അസി. പ്രൈവറ്റ് സെക്രട്ടറി കെ. അയ്യപ്പനോട് ഇന്ന് ചോദ്യം ചെയ്യലിന് ഹാജരാകാന് കസ്റ്റംസ് പ്രിവന്റീവ് വിഭാഗം നോട്ടിസ് നല്കിയത് . കൊച്ചി ഓഫീസില് രാവിലെ പത്തു മണിക്ക് ഹാജരാകണം എന്നായിരുന്നു നിർദേശം .എന്നാൽ ആ നിർദേശത്തെ അദ്ദേഹം പാലിച്ചിട്ടില്ല . അസി. പ്രൊട്ടോകോള് ഓഫീസര് ജി. ഹരികൃഷ്ണനെയും ഇന്ന് ചോദ്യം ചെയ്യുവാൻ ഒരുങ്ങുകയാണ് . സ്പീക്കര്ക്കെതിരെ സ്വപ്നയും സരിത്തും രഹസ്യമൊഴി നല്കിയെന്നാണ് ലഭ്യമാകുന്ന സൂചന. ഡോളര് കടത്തു കേസില് സ്പീക്കറെ കസ്റ്റംസ് ചോദ്യം ചെയ്യുമെന്ന് കഴിഞ്ഞ ദിവസം റിപ്പോര്ട്ടുകള് പുറത്തുവന്നിരുന്നു.
https://www.facebook.com/Malayalivartha
