വയനാട്ടില് വിനോദ സഞ്ചാരിയെ കാട്ടാന ചവിട്ടിക്കൊന്നു; ഇരുപത്തിയാറുകാരിക്ക് ദാരുണാന്ത്യം സംഭവിച്ചത് സ്വകാര്യ റിസോര്ട്ടിലെ ടെന്റില് താമസിക്കവേ
വയനാട്ടില് വിനോദ സഞ്ചാരിയെ കാട്ടാന ചവിട്ടിക്കൊന്നു. കണ്ണൂര് ചെലേരി സ്വദേശി ഷഹാന (26) ആണ് മരിച്ചത്. മേപ്പാടി എളിമ്ബിലേരി സ്വകാര്യ റിസോര്ട്ടിലെ ടെന്റില് താമസിക്കുമ്ബോഴാണ് സംഭവം.അടുത്ത കാലത്താണ് വിനോദ സഞ്ചാരത്തിന് കൂടുതല് പേര് ഈ പ്രദേശത്തേക്ക് എത്താന് തുടങ്ങിയത്. വനഭൂമിയുമായി അതിര്ത്തി പങ്കിടുന്ന പ്രദേശമായതിനാല് ഇടയ്ക്കിടെ കാട്ടാന ഇറങ്ങാറുണ്ട്.സമീപ പ്രദേശമായ ചുളിക്കയില് ഏതാനും വര്ഷങ്ങള്ക്കു മുന്പ് കാട്ടാനയുടെ ആക്രമണത്തില് ഒരാള് കൊല്ലപ്പെട്ടിരുന്നു. വന്യമൃഗശല്യത്തിന് പരിഹാരം കാണാന് വനം വകുപ്പ് തയ്യാറാകണമെന്ന് നാട്ടുകാര് ആവശ്യപ്പെട്ടു.
https://www.facebook.com/Malayalivartha