രാഹുല്‍ കൈയ്യൊഴിഞ്ഞു... മുഖ്യമന്ത്രി പിണറായി വിജയനെതിരെ കെ സുധാകരന് നടത്തിയ ജാതീയമായ ആക്ഷേപം അദ്ദേഹത്തിന് കെ പി സി സി അധ്യക്ഷ പദവി ലഭിക്കാത്തതിലുള്ള വിരോധമാണെന്ന് കോണ്‍ഗ്രസിലെ ഒരു വലിയ വിഭാഗം
മുഖ്യമന്ത്രി പിണറായി വിജയനെതിരെ കെ സുധാകരന് നടത്തിയ ജാതീയമായ ആക്ഷേപത്തില്‍ ഗാന്ധിക്ക് ഇതില്‍ വിരാധമുണ്ടെന്നാണ് ഡല്‍ഹിയില്‍ നിന്നുള്ള റിപ്പോര്‍ട്ട്. സുധാകരനുമായി രാഹുല്‍ ഗാന്ധി സംസാരിച്ചിട്ടുണ്ട്. പ്രസ്താവന കോണ്‍ഗ്രസ് വിരുദ്ധമാണെന്നും അത് ഒഴിവാക്കേണ്ടതാണെന്നും രാഹുല്‍ പറഞ്ഞതായാണ് റിപ്പോര്‍ട്ട്.
മുല്ലപ്പള്ളി രാമചന്ദ്രനെ കെ പി സി സി അധ്യക്ഷ സ്ഥാനത്ത് തുടരാന്‍ ഹൈക്കമാന്റ് അനുവദിച്ചതാണ് കെ സുധാകരനെ പ്രകോപിപ്പിച്ചത്.
രമേശ് ചെന്നിത്തലക്കും ഷാനിമോള്‍ ഉസ്മാനുമെതിരെ സുധാകരന് രൂക്ഷമായ പരാമര്‍ശങ്ങളാണ് കഴിഞ്ഞ ദിവസം രാത്രി ചാനല്‍ ചര്‍ച്ചകളില്‍ ഉന്നയിച്ചത്. ഷാനിമോള്‍ ഉസ്മാന്റെ സുധാകരന് വിരുദ്ധ പ്രസ്താവനക്ക് പിന്നില്‍ ഹിഡന്‍ അജണ്ട ഉണ്ടെന്നാണ് സുധാകരന് പറയുന്നത്. തന്റെ പ്രസ്താവനയെ ആദ്യം ചെന്നിത്തല അംഗീകരിച്ചതാണെന്ന് പറഞ്ഞ് ചെന്നിത്തലയെ കൂടി പ്രതിസന്ധിയിലാക്കാന്‍ സുധാകരന് ശ്രമിച്ചു. ഐശ്വര്യ കേരള യാത്രയില്‍ സുധാകരന് ഐശ്വര്യകേടുണ്ടാക്കിയെന്ന വിശ്വാസത്തിലാണ് ചെന്നിത്തല ഉള്‍പ്പെടെയുള്ള കോണ്‍ഗ്രസ് നേതാക്കള്‍.
സുധാകരന് ഹൈക്കമാന്റിനെ വരെ തള്ളി പറഞ്ഞെന്ന സവിശേഷതയും ഈ വിവാദത്തിനുണ്ട്. എ. ഐ സി സി ജനറല്‍ സെക്രട്ടറി താരിഖ് അന്‍വര്‍ സുധാകരന് നടത്തിയ പ്രസ്താവന അച്ചടക്ക സമിതി പരിശോധിക്കുമെന്ന് പറഞ്ഞതിന് പിന്നാലെയാണ് താന്‍ പ്രസ്താവനയില്‍ ഉറച്ചുനില്‍ക്കുന്നതായി സുധാകരന് പറഞ്ഞത് .
അതേസമയം ഡിവൈഎഫ്‌ഐ സുധാകരനെതിരെ അതിശക്തമായി രം?ഗത്തെത്തി. ആധുനിക സമൂഹത്തില്‍ ആരും പറയാത്ത ആക്ഷേപമാണ് മുഖ്യമന്ത്രിക്കെതിരെ കോണ്‍ഗ്രസ് നടത്തിയതെന്ന് അവര്‍ ഉന്നയിച്ചു. 'ചെത്തുകാരന്റെ മകന്‍' പരാമര്‍ശത്തിലൂടെ കോണ്‍ഗ്രസിന്റെ സംഘപരിവാര്‍ മനസ്സാണ് തെളിഞ്ഞിരിക്കുന്നതെന്നും ഡിവൈഎഫ്‌ഐ പ്രസ്താവനയില്‍ പറഞ്ഞു.
ചെത്തുകാരന്റെ മകനെന്നത് മുഖ്യമന്ത്രിയാകാനുള്ള അയോഗ്യതയായി കോണ്‍ഗ്രസ് കാണുന്നുണ്ടോ? ഏതെങ്കിലും തൊഴിലെടുക്കുന്നത് അപമാനമല്ല, അഭിമാനമാണ്. എല്ലാതൊഴിലിനും മാന്യതയുണ്ട്. അതുമനസിലാക്കാന്‍ മനുസ്മൃതി പഠിച്ചാല്‍പോരാ. മാനവിക മൂല്യങ്ങള്‍ പഠിക്കണം. കോണ്‍ഗ്രസിനെ ഇന്നു നയിക്കുന്നത് മനുസ്മൃതിയെ ആരാധിക്കുന്ന സംഘപരിവാറിന്റെ ആശയങ്ങളാണ്. വിഷം വമിക്കുന്ന ജാതിബോധമാണ് കോണ്‍ഗ്രസിന്. കെ.സുധാകരന്റെ വ്യക്തിപരമായ ജല്‍പനമായി ഇതിനെ ചുരുക്കേണ്ടതില്ല. കോണ്‍ഗ്രസിലെ ഒരുവിഭാഗത്തെ ബാധിച്ചിരിക്കുന്ന സംഘപരിവാര്‍ ബോധമാണ് ഇത്തരം അപരിഷ്‌കൃതമായ നിലപാടുകള്‍ക്ക് പിന്നിലുള്ളത്.
ചെത്തുതൊഴില്‍ ചെയ്ത് ജീവിക്കുന്ന അനേകം മനുഷ്യരെക്കൂടിയാണ് കോണ്‍ഗ്രസ് അധിക്ഷേപിക്കുന്നത്. ഇതിനെതിരെ സാംസ്‌കാരിക കേരളത്തിന്റെയാകെ പ്രതിരോധം ഉയര്‍ന്നുവരണം. കേരളത്തിലെ മുഖ്യമന്ത്രിക്കെതിരെ ഇതാണ് സമീപനമെങ്കില്‍ സാധാരണക്കാരായ അധസ്ഥിതവിഭാഗത്തില്‍പ്പെടുന്നവരോട് കോണ്‍ഗ്രസിന്റെയും ബിജെപിയുടെയും നിലപാട് എത്രമാത്രം വിവേചനപരമായിരിക്കുമെന്ന് ഊഹിക്കാവുന്നതേയുള്ളൂ. ചെത്തുജോലി ചെയ്യുന്നവരും മനുഷ്യരാണ്. മനുഷ്യരെ തൊഴിലിന്റെയും ജാതിയുടെയും കണ്ണിലൂടെ മാത്രം കാണുന്ന മാനസികരോഗമാണ് കോണ്‍ഗ്രസിന്. ഈ അപരിഷ്‌കൃതവും വിവേചനപരവുമായ പരാമര്‍ശം പിന്‍വലിച്ച് മാപ്പുപറയാന്‍ കോണ്‍ഗ്രസ് നേതൃത്വം തയ്യാറാകണം. സംഘപരിവാര്‍ മനസും ജാതിബോധവുമായി നടക്കുന്ന കോണ്‍ഗ്രസിനെ ജനം ബഹിഷ്‌കരിക്കും. ഡിവൈഎഫ്‌ഐ സംസ്ഥാന വ്യാപകമായി ശക്തമായ പ്രതിഷേധം സംഘടിപ്പിക്കുമെന്നും സംസ്ഥാന സെക്രട്ടറിയേറ്റ് പ്രസ്താവനയില്‍ പറഞ്ഞു.
സി പി എം സംസ്ഥാന സെക്രട്ടറിയും സുധാകരനെതിരെ രംഗത്തെത്തി. എന്നാല്‍ പിണറായി വിജയനെതിരായ പരാമര്‍ശത്തില്‍ ഉറച്ച് നില്‍ക്കുന്നതായി കോണ്‍?ഗ്രസ് എംപി കെ സുധാകരന് പറഞ്ഞു. താന്‍ പറഞ്ഞതില്‍ എന്താണ് തെറ്റ് എന്ന് സുധാകരന് ചോദിച്ചു. ഒരു തൊഴില്‍ വിഭാഗത്തെ കുറിച്ച് പറയുന്നതില്‍ എന്താണ് തെറ്റ് എന്നും സുധാകരന് ചോദിച്ചു. സുധാകരന്റെ മര്യാദ പക്ഷേ ആരും അംഗീകരിക്കുന്നില്ല.
ചെത്തുകാരന്റെ കുടുംബത്തില്‍ നിന്ന് വന്ന ഒരാള്‍ക്ക് സഞ്ചരിക്കാന്‍ ഹെലികോപ്ടര്‍ വരെ എന്നാണ് സുധാകരന് ഇന്നലെ അപഹസിച്ചത്. ഇങ്ങനെയൊരു പശ്ചാത്തലത്തില്‍ നിന്ന് വന്ന് ഹെലികോപ്ടര്‍ എടുത്ത ആദ്യത്തെ മുഖ്യമന്ത്രിയാണ് പിണറായി വിജയന്‍ എന്നും സുധാകരന് അപഹസിച്ചു. തുടര്‍ന്ന്, പരാമര്‍ശത്തില്‍ സുധാകരന് മാപ്പ് പറയണമെന്ന് കോണ്‍ഗ്രസ് നേതാവും എംഎല്‍എയുമായ ഷാനി മോള്‍ ഉസ്മാന് ആവശ്യപ്പെട്ടിരുന്നു. അത്തരം പരാമര്‍ശം ഒഴിവാക്കേണ്ടതായിരുന്നു എന്ന് രമേശ് ചെന്നിത്തലയും അഭിപ്രായപ്പെട്ടിരുന്നു.
സിപിഎമ്മില്‍ ഇല്ലാത്ത പ്രശ്‌നം കോണ്‍?ഗ്രസിന് എന്തിനാണെന്ന് കെ സുധാകരന് പ്രതികരിച്ചു. ഷാനിമോള്‍ ഉസ്മാന് എന്താണ് ഇതില്‍ ഇത്ര വിഷമം. കോണ്‍ഗ്രസ് നേതാക്കള്‍ക്ക് എതിരെ പ്രസ്താവന വന്നതില്‍ ഉണ്ടാകാതിരുന്ന രോഷം പിണറായിയെ കുറിച്ച് പറയുമ്പോള്‍ വന്നതില്‍ സംശയിക്കുന്നു. കെപിസിസി നേത്യത്വം ഇക്കാര്യം പരിശോധിക്കണം. സിപിഎം നേതാക്കള്‍ പ്രതികരിച്ചിട്ടില്ല. ആവശ്യം ഉന്നയിച്ച് കെപിസിസി നേതൃത്വത്തിന് കത്തയച്ചിട്ടുണ്ട് എന്നും സുധാകരന് പറഞ്ഞു. ഏതായാലും ഐശ്വര്യ കേരള യാത്രയെ അനൈശ്വര്യ കേരള യാത്രയാക്കിയ കെ. സുധാകരന് ബുദ്ധിമുട്ടിന്റെ ദിനങ്ങളാണ് വരാന്‍ പോകുന്നത്.
https://www.facebook.com/Malayalivartha
