ആദിവാസി കുടുംബത്തിന്റെ വീട് മണ്ണുമാന്തിയന്ത്രം ഉപയോഗിച്ച് പൊളിച്ചു നീക്കിയതായി പരാതി. വീടിന്റെ സമീപത്തായി പുതുതായി തുടങ്ങുന്ന ക്രഷറിന് അനുമതി ലഭിക്കാൻ വീട് തടസ്സമായതിനാലാണ് തകർത്തത് എന്നാണ് വീട്ടുകാരും വനം വനവാസസംരക്ഷണ ഭാരവാഹികളും പത്രസമ്മേളനത്തിൽ അറിയിച്ചത്. ഇരുട്ടി പായം പഞ്ചായത്തിലെ കുന്നോത്തുള്ള ജാനുവിന്റെ വീടാണ് മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച്‌ ജനുവരി 22ന് പൊളിച്ചു നീക്കിയത്.

സർക്കാർ ജാനുവിന് നിർമ്മിച്ച് നൽകിയ വീടാണിത്. സമീപത്ത് തുടങ്ങാനിരിക്കുന്ന ക്രഷറിന് വീട് തടസ്സമായതിനാലാണ് പൊളിച്ചു മാറ്റിയതെന്ന് ബന്ധുക്കളും ആരോപിക്കുന്നു. ജാനുവിന്റെ ബന്ധുക്കളായ പ​വി​ത്ര​ന്‍, മി​നി, അ​ച്യു​ത​ന്‍, ജാ​നു​വി​നെ പ​രി​ച​രി​ച്ചി​രു​ന്ന വാ​സ​ന്തി എ​ന്നി​വ​ര്‍ പൊ​ലീ​സി​ലും പാ​യം പ​ഞ്ചാ​യ​ത്തി​ലും ട്രൈ​ബ​ല്‍ ഓ​ഫി​സി​ലും പ​രാ​തി ന​ല്‍​കി​യെ​ങ്കി​ലും ഇതുവരെയും തുടർ ന​ട​പ​ടി സ്വീകരിച്ചില്ലെന്നും പരാതിയിൽ പറയുന്നു. ആദിവാസി കുടുംബത്തിന്റെ വീട് പൊളിച്ചു മാറ്റിയവർക്കെതിരെ കർശന നടപടി വേണമെന്ന് കേ​ര​ള വ​ന​വാ​സി അ​വ​കാ​ശ സം​ര​ക്ഷ​ണ സ​മി​തി ആവശ്യപ്പെട്ടു. എന്നാൽ, ക്ര​ഷ​ര്‍ തു​ട​ങ്ങു​ന്ന​തി​ന് നേ​ര​ത്തെ​ത​ന്നെ അ​നു​മ​തി ല​ഭി​ച്ച​താ​ണെ​ന്നും വീ​ട് പൊ​ളി​ച്ച​തു​മാ​യി ഒ​രു ബ​ന്ധ​വു​മി​ല്ലെ​ന്നും ക്ര​ഷ​ര്‍ ഉ​ട​മ​ക​ള്‍ പറയുകയുണ്ടായി. കണ്ണൂർ ജില്ലാ പ്രസിഡന്റ് ശ​ങ്ക​ര​ന്‍ തി​ല്ല​ങ്കേ​രി, സെ​ക്ര​ട്ട​റി സു​മേ​ഷ് കോ​ളാ​രി, കേ​ര​ള വ​ന​വാ​സി അ​വ​കാ​ശ സം​ര​ക്ഷ​ണ സ​മി​തി സം​യോ​ജ​ക​ന്‍ സു​ശാ​ന്ത് ന​രി​ക്കോ​ട​ന്‍, ത​ക​ര്‍​ന്ന വീ​ടിന്റെ അ​വ​കാ​ശി​ക​ളാ​യ മി​നി പ​വി​ത്ര​ന്‍, അ​ച്യു​ത​ന്‍, സു​ധാ​ക​ര​ന്‍ തു​ട​ങ്ങി​യ​വ​ര്‍ വാ​ര്‍​ത്ത സ​മ്മേ​ള​ന​ത്തി​ല്‍ പങ്കെടുത്തു.