പിൻവാതിൽ നിയമനത്തിനെതിരെ ഉദ്യോഗാര്‍ത്ഥികൾ വെറുതെ സമരം നടത്തുകയാണെന്ന് വ്യവസായ മന്ത്രി ഇ പി ജയരാജൻ. നേരിട്ട് വന്നാൽ സർക്കാർ ചർച്ചയ്ക്ക് തയാറാണെന്ന് അദ്ദേഹം പറഞ്ഞു. എന്നാൽ ,ഇതേ വരെ അത്തരമൊരു ചര്‍ച്ചയ്ക്ക് സമരക്കാര്‍ തയ്യാറായിട്ടില്ല. അവരെക്കൊണ്ട് സമരം നടത്തിക്കുകയാണെന്നും സമരം അവസാനിപ്പിക്കാതെ തുടരാന്‍ ചിലര്‍ അവരെ പ്രേരിപ്പിക്കുകയാണെന്നും ഇപി ജയരാജന്‍ പറയുകയുണ്ടായി.

കൂടാതെ, നിയമസഭാ തിരഞ്ഞെടുപ്പിന് മുന്നോടിയായി സിനിമാതാരങ്ങള്‍ കോണ്‍ഗ്രസില്‍ ചേരുന്നതിനെക്കുറിച്ചും ഇ.പി ജയരാജന്‍സംസാരിച്ചു. സി.പി.എമ്മിന് കലാകാരന്‍മാരോട് എന്നും ബഹുമാനമാണ് ഉള്ളത് എന്നാല്‍ ചില കലാകാരന്‍മാരുടെ തലയില്‍ ഇടതുപക്ഷ വിരുദ്ധ അപസ്മാരമാണെന്നും ഇ.പി.ജയരാജന്‍ കൂട്ടിച്ചേർത്തു. എന്നാല്‍ സലിം കുമാര്‍ അടക്കമുള്ള കലാകാരന്‍മാരോട് സിപിഎമ്മിന് എന്നും ബഹുമാനമാണെന്നും ഇ.പി പറയുകയുണ്ടായി.