തിരുവനന്തപുരം: സംസ്ഥാനത്ത് കോവിഡ് രോഗബാധിതര്‍ കുറയുകയാണെന്നും വാക്‌സിനില്‍ ആശങ്ക വേണ്ടെന്നും മുഖ്യമന്ത്രി പിണറായി വിജയന്‍. ഒരാഴ്ച കൊണ്ട് 6.3 ശതമാനം കുറവ് കോവിഡ് ബാധിതരില്‍ ഉണ്ടായിട്ടുണ്ട്. വാക്‌സിനുകള്‍ സ്വീകരിക്കുന്നതില്‍ ആശങ്ക വേണ്ട. ചില തെറ്റിധാരണാജനകമായ പ്രചാരണങ്ങളുണ്ടാകുന്നുണ്ട്. അത് ഒഴിവാക്കണം. സമൂഹ സുരക്ഷയെ മറികടക്കുന്ന പ്രവര്‍ത്തിയെ അനുകൂലിക്കാനാകില്ലെന്നും മുഖ്യമന്ത്രി പറഞ്ഞു. ആശങ്കാ രീതിയില്‍ വൈറസിന് ജനിതക വൈകല്യം എന്നത് ചില മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്. അത് സാധാരണമാണ് പഠനവിധേയമാക്കേണ്ടതുമാണ്. അത് കൊണ്ട് കേരളത്തില്‍ ജനിതക വൈകല്യം പഠന വിധേയമാക്കുന്നുണ്ട്. കേരളത്തിലെ എല്ലാ ജില്ലകളിലെയും സാമ്പിളുകള്‍ പഠന വിധേയമാക്കുന്നുണ്ട്. ജനിതക വ്യതിയാനം അപകടകരമായ സ്ഥിതി ഉണ്ടാക്കും എന്ന ഔദ്യോഗിക വിശദീകരണം വന്നിട്ടില്ല. പഠനകള്‍ നടക്കുന്നതേയുള്ളുവെന്നും അദ്ദേഹം പറഞ്ഞു. വാര്‍ത്തകള്‍ നല്‍കുമ്പോള്‍ അനാവശ്യമായ ഭീതി പരത്തരുത്. ശാസ്ത്രീയമായ കാര്യങ്ങള്‍ സാധാരണക്കാരണക്കാരന് മനസിലാകുന്ന രീതിയില്‍ വിശദീകരിച്ച് ബോധവത്ക്കരണം നടത്തുകയാണ് വേണ്ടതെന്നും മുഖ്യമന്ത്രി കൂട്ടിച്ചേര്‍ത്തു.