മുന്‍ മുഖ്യമന്ത്രി ഉമ്മന്‍ചാണ്ടിയുടെ കാര്‍ അപകടത്തില്‍പ്പെട്ടു. പത്തനംതിട്ടയിലെ ഏനാത്ത് വടക്കടത്ത് കാവില്‍ വച്ചായിരുന്നു അപകടം നടന്നത്. തിരുവനന്തപുരത്ത് നിന്നും കോട്ടയത്തേക്ക് പോകുന്നതിനിടയിലായിരുന്നു കാര്‍ അപകടത്തില്‍പ്പെട്ടത്. സമീപത്ത് കൂടി സഞ്ചരിച്ചിരുന്ന വാഹനത്തിന്റെ സ്റ്റിയറിംഗ് ലോക്കായി ഉമ്മന്‍ചാണ്ടി സഞ്ചരിച്ചിരുന്ന കാറില്‍ വന്നിടിക്കുകയായിരുന്നു. സംഭവത്തില്‍ ആര്‍ക്കും പരിക്കുകളില്ല. ഈ സമയം അതു വഴി എത്തിയ ചെങ്ങന്നൂര്‍ നഗരസഭയുടെ കാറില്‍ ഉമ്മന്‍ചാണ്ടി കോട്ടയത്തേക്കുള്ള യാത്ര തുടരുകയായിരുന്നു.