പ്രശസ്ത സംഗീത സംവിധായകന്‍ ഐസക്ക് തോമസ് കൊട്ടുകാപ്പള്ളി അന്തരിച്ചു. 72 വയസ്സായിരുന്നു. ചെന്നൈയില്‍ വച്ചായിരുന്നു അന്ത്യം. പൂനെ ഫിലിം ഇന്‍സ്റ്റിറ്റിയൂട്ടില്‍ നിന്നും സംവിധാനത്തിനും തിരക്കഥരചനക്കും പി ജി ഡിപ്ലോമ സ്വന്തമാക്കിയ ഐസക്ക് തോമസ് ചലച്ചിത്ര മേഖലയില്‍ അധികമൊന്നും ശ്രദ്ധിക്കപ്പെടുകയോ താരമൂല്ല്യത്തിലെത്തുകയോ ചെയ്യാത്ത ചുരുക്കം ചില ജീനിയസ്സുകളില്‍ ഒരാളാണ്. കെ ജി ജോര്‍ജ്ജ് സംവിധാനം ചെയ്ത മണ്ണിലൂടെയായിരുന്നു ഐസക്ക് തോമസ് സിനിമയിലേക്ക് എത്തുന്നത്. പിന്നീട് ജി അരവിന്ദന്റെ തമ്പില്‍ അസിസ്റ്റന്റ് ഡയറക്ടറായി പ്രവര്‍ത്തിച്ചു ചെയ്തു. ജി അരവിന്ദനോടൊപ്പം തന്നെ കുമ്മാട്ടി, എസ്തപ്പാന്‍, തമ്പ് എന്ന ചിത്രങ്ങളുടെ തിരക്കഥ രചനയിലും ഐസക്ക് തോമസ് പങ്കുചേര്‍ന്നിട്ടുണ്ട്. സലീം അഹമ്മദിന്റെ സംവിധാനത്തില്‍ റിലീസ് ചെയ്ത ആദാമിന്റെ മകന്‍ അബു എന്ന ചിത്രത്തിന്റെ പശ്ചാത്തല സംഗീതത്തിലൂടെ 2010 ല്‍ ദേശീയ അവാര്‍ഡ് നേടിയിട്ടുണ്ട്.

മലയാളത്തിനു പുറമേ കന്നഡ, ഹിന്ദി സിനിമകളിലും തോമസ് ഐസക്ക് പ്രവര്‍ത്തിച്ചിട്ടുണ്ട്. സഞ്ചാരം, മാര്‍ഗ്ഗം, കുട്ടിസ്രാങ്ക് എന്നീ ചിത്രങ്ങളിലും പശ്ചാത്തല സംഗീതം ചെയ്തത് തോമസ് ഐസക്ക് ആയിരുന്നു. തന്റെ സംഗീത സൃഷ്ടികളില്‍ നിശബ്ദതക്ക് വലിയ പ്രാധാന്യം നല്കിയ സംഗീതജ്ഞനായിരുന്നു ഐസക് തോമസ്. താളങ്ങള്‍ക്കിടയില്‍ നിശബ്ദത ഐസക് തോമസിന്റെ പാദമുദ്രയായി തന്നെ കണകാക്കാവുന്നതാണ്. ആര്‍ട്ട് ചിത്രങ്ങളുടെ അര്‍ത്ഥവും വ്യാപ്തിയും ഉള്‍ക്കൊള്ളുന്ന പശ്ചാത്തല സംഗീത സൃഷ്ടികള്‍ ഐസക് തോമസിനെ പ്രഗല്ഭരായ പല സംവിധായകരുടെയും പ്രിയങ്കരനാക്കിയിരുന്നു. കുട്ടിസ്രാങ്ക് പോലുള്ള ചിത്രങ്ങളിലെ പശ്ചാത്തല സംഗീതത്തിന് വലിയ ആരാധകരെ സൃഷ്ടിക്കാനും അദ്ദേഹത്തിന് കഴിഞ്ഞു. എന്നാല്‍ താര ശോഭകളുടെ ആനുകൂല്യങ്ങളിലൊന്നും ഒരിക്കലും പ്രത്യക്ഷപ്പെടാത്ത ഐസക് തോമസ് സിനിമയേയും സംഗീതത്തെയും കളങ്കമില്ലാതെ സ്‌നേഹിച്ച കലാകാരനാണ