ക്ഷേത്ര മൈതാനത്തെ ഫുട്ബാള് കളിക്കുശേഷം കൂട്ടുകാരോടൊപ്പം കുളിക്കാനിറങ്ങി.... പടവുകള് ഇറങ്ങുന്നതിനിടെ കൂട്ടുകാരന് കാല് വഴുതി കുളത്തിലേക്ക് , മുങ്ങിത്താഴുന്ന കൂട്ടുകാരനെ രക്ഷിക്കാന് ശ്രമിക്കുന്നതിനിടെ അമല് മുങ്ങിത്താഴ്ന്നു, ഒടുവില്.....
ക്ഷേത്ര മൈതാനത്തെ ഫുട്ബാള് കളിക്കുശേഷം കൂട്ടുകാരോടൊപ്പം കുളിക്കാനിറങ്ങി.... പടവുകള് ഇറങ്ങുന്നതിനിടെ കൂട്ടുകാരന് കാല് വഴുതി കുളത്തിലേക്ക് , മുങ്ങിത്താഴുന്ന കൂട്ടുകാരനെ രക്ഷിക്കാന് ശ്രമിക്കുന്നതിനിടെ അമല് മുങ്ങി്ത്താഴ്ന്നു. ഒപ്പമുണ്ടായിരുന്ന സുഹൃത്തിനെ രക്ഷിക്കാന് ശ്രമിച്ച വിദ്യാര്ത്ഥി ക്ഷേത്രക്കുളത്തില് മുങ്ങിമരിച്ചു.
പൂവറ്റൂര് പടിഞ്ഞാറ് ശ്രീലക്ഷ്മിയില് (പറങ്കിമാംവിള വീട്) പരേതനായ ശ്രീകുമാറിന്റെയും അമ്പിളിയുടെയും മകന് എസ്. അമലാണ് (19,ശ്രീക്കുട്ടന്) പൂവറ്റൂര് ഭഗവതി ക്ഷേത്രക്കുളത്തില് മുങ്ങിമരിച്ചത്. ക്ഷേത്ര മൈതാനത്തെ ഫുട്ബാള് കളിക്കുശേഷം ഇന്നലെ ഉച്ചയ്ക്ക് ഒന്നേമുക്കാലോടെ കുളിക്കാനിറങ്ങിയതായിരുന്നു തുണ്ടില് കിഴക്കതില് വീട്ടില് വിനായകും (19) അമലും.
പടവുകള് ഇറങ്ങുന്നതിനിടെ വിനായക് കാല്വഴുതി കുളത്തിലേക്കു വീണു. രക്ഷപെടുത്താന് ശ്രമിക്കുന്നതിനിടെ അമലും മുങ്ങിത്താണു. ഓടിക്കൂടിയ നാട്ടുകാര് വിനായകിനെ രക്ഷപ്പെടുത്തിയെങ്കിലും അമലിനെ കണ്ടെത്താനായില്ല. കൊട്ടാരക്കരയില് നിന്നെത്തിയ ഫയര്ഫോഴ്സ് നടത്തിയ തെരച്ചിലിലാണ് അമലിന്റെ മൃതദേഹം കണ്ടെത്തിയത്.
പ്ളസ് ടുവിനു ശേഷം നഴ്സിംഗ് പഠനത്തിന് അഡ്മിഷനെടുത്ത് നില്ക്കുകയായിരുന്നു അമല്. ഇന്ന് പോസ്റ്റ് മോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടുനല്കും. സംസ്കാരം വൈകിട്ട് 3ന് വീട്ടുവളപ്പില്.
https://www.facebook.com/Malayalivartha
