മാവേലിക്കരയിൽ ബൈക്കിലെത്തി മാല മോഷ്ടിക്കുന്ന സംഘങ്ങൾ വ്യാപകം. കഴിഞ്ഞ ദിവസം രണ്ടി​ട​ങ്ങ​ളി​ല്‍ ബൈ​ക്കി​ലെ​ത്തി​യ​വ​ര്‍ വീ​ട്ട​മ്മ​മാ​രെ ആ​ക്ര​മി​ച്ച്‌​ മാ​ല അ​പ​ഹ​രി​ചെടുത്തു. ക​ണ്ടി​യൂ​ര്‍ തോ​പ്പി​ല്‍ ച​ന്ദ്ര​ന്റെ ഭാ​ര്യ ര​മ​ണി​യു​ടെ (60) ര​ണ്ട​ര പ​വ​ന്റെ മാ​ല​യും മ​റ്റം വ​ട​ക്ക് മ​ണ്ണ​ടി​ക്കാ​വി​ല്‍ വേ​ലു​ക്കു​ട്ടി കു​റു​പ്പിന്റെ ഭാ​ര്യ അം​ഗ​ന്‍​വാ​ടി ഹെ​ല്‍​പ​റാ​യ ശാ​ര​ദാ​മ്മ​യു​ടെ (62) ഒ​ന്നേ​കാ​ല്‍ പ​വന്റെ മാ​ല​യു​മാ​ണ് മോഷ്ടിച്ചത്.

ബൈക്കിൽ എത്തുന്ന സംഘം വഴി ചോദിക്കാനെന്ന വ്യാ​ജേ​ന​യാ​ണ് മാ​ല പൊട്ടിച്ചെടുക്കുന്നത്. ഹ​രി​പ്പാ​ട്ട് ബ​ന്ധു​വി​ന്റെ സം​സ്‌​കാ​ര​ച്ച​ട​ങ്ങി​ല്‍ പ​ങ്കെ​ടു​ത്ത​ശേ​ഷം ബ​സ്​ ഇ​റ​ങ്ങി വീ​ട്ടി​ലേ​ക്ക്​ ന​ട​ന്നു​പോ​യ ശാ​ര​ദാ​മ്മ​യെ മ​റ്റം വ​ട​ക്ക് ആ​ല്‍​ത്ത​റ​മൂ​ടി​ന്​ സ​മീ​പം ആ​ക്ര​മി​ച്ചാ​ണ് മാ​ല ക​വ​ര്‍​ന്ന​ത്. ബൈക്കിന് പിന്നിലിരുന്ന ആൾ ശാരദയെ ആക്രമിച്ചതിനുശേഷം പിടിച്ചു തള്ളുകയായിരുന്നു. ക​ണ്ടി​യൂ​ര്‍ ച​ന്ത-​ക​ള​രി കോ​ള​നി റോ​ഡി​ലൂ​ടെ ന​ട​ന്നു​പോ​കു​ക​യാ​യി​രു​ന്ന ര​മ​ണി​യു​ടെ പി​ന്നാ​ലെ ഹെ​ല്‍​മ​റ്റ്​ വെ​ക്കാ​തെ ബൈ​ക്കി​ലെ​ത്തി​യ​യാ​ള്‍ വ​ല​ത്​ തോ​ളി​ല​ടി​ച്ച​ശേ​ഷം മാ​ല പൊ​ട്ടി​ച്ചെ​ടു​ത്ത്​ കടന്നു കളയുകയായിരുന്നു. രണ്ട് സംഭവങ്ങൾക്കെതിരെയും പോലീസ് കേസെടുത്ത് അന്വേഷണം നടത്തുകയാണ്.