ഓൺലൈൻ റമ്മി കളി നിയമവിരുദ്ധമായി പ്രഖ്യാപിച്ച് സംസ്ഥാന സർക്കാർ വിജ്ഞാപനം...കേരള ഗെയിംമിംഗ് ആക്ട് നിയമം ഭേദഗതി ചെയ്താണ് സർക്കാർ ഇപ്പോൾ വിജ്ഞാപനം ഇറക്കിയത്
ഓൺലൈൻ റമ്മി കളി നിയമവിരുദ്ധമായി പ്രഖ്യാപിച്ച് സംസ്ഥാന സർക്കാർ വിജ്ഞാപനം ഇറക്കി .ധാരാളം ചെറുപ്പക്കാർക്ക് ഓൺലൈൻ റമ്മി കളിച്ചു ആത്മഹത്യയുടെ വക്കിൽ എത്തുകയോ ആത്മഹത്യ ചെയ്യുകയോ ഉണ്ടായിട്ടുണ്ട്. ഇത്തരം പരാതികളുടെ അടിസ്ഥാനത്തിൽ ആണ് ഇപ്പോൾ റമ്മി കളി നിയമം മൂലം നിരോധിച്ചത്
ഓൺലൈൻ ചൂതാട്ടത്തിൽ വൻതോതിൽ യുവാക്കൾ ആകർഷിക്കപ്പെടുന്നു എന്നും ഒട്ടേറെപ്പേർ പണം നഷ്ടപ്പെട്ടു എന്നും ചൂണ്ടിക്കാട്ടി ഹൈക്കോടതിയിൽ ഹർജി നൽകിയിരുന്നു . താരങ്ങളെ പരസ്യത്തിനായി ഉപയോഗിക്കുന്നത് പരിശോധിക്കണമെന്നും പൊതുതാൽപര്യ ഹർജിയിൽ ആവശ്യപ്പെട്ടിരുന്നു.
നടന് അജു വര്ഗീസിന്റെ റമ്മി സര്ക്കിള് പരസ്യത്തിനെതിരെ വിമര്ശനവുമായി ബിജെപി നേതാവ് സന്ദീപ് വാര്യര് രംഗത്തെത്തിയിരുന്നു. ഭാര്യയും നാലു കുട്ടികളും ഉള്ള, ടാക്സ് അടയ്ക്കാൻ വരുമാനമുള്ള അലവലാതികളുടെ വാക്കും കേട്ട് നിങ്ങളും റമ്മി കളിക്കാൻ പോയാൽ കുടുംബം വഴിയാധാരമാകുമെന്നും സൂക്ഷിച്ചാൽ ദുഃഖിക്കേണ്ടന്നുമാണ് സന്ദീപ് ഫേസ്ബുക്കില് കുറിച്ചത്.
അജു വര്ഗീസ് ഫേസ്ബുക്കില് പങ്കുവെച്ച റമ്മി സര്ക്കിള് പരസ്യത്തിന്റെ സ്ക്രീന് ഷോട്ടും ചേര്ത്താണ് ഫേസ്ബുക്കിലൂടെ സന്ദീപ് വാര്യര് വിമര്ശനം ഉന്നയിച്ചിരുന്നത്.
അടുത്തിടെ ഓണ്ലൈനിലെ റമ്മി കളിയിലൂടെ 21 ലക്ഷം രൂപ നഷ്ടമായ തിരുവനന്തപുരം കുറ്റിച്ചല് സ്വദേശി വിനീത് ആത്മഹത്യ ചെയ്തിരുന്നു , ഐ എസ് ആര് ഒയിലെ കരാര് ജീവനക്കാരനായ വിനീതിന് 28 വയസായിരുന്നു. ഡിസംബര് 31നാണ് വിനീതിനെ തുങ്ങിമരിച്ച നിലയില് കണ്ടെത്തിയത്. 21 ലക്ഷം രൂപയോളം വിനീതിന് ഓണ്ലൈന് റമ്മി കളിയിലൂടെ നഷ്ടമായെന്നാണ് വിവരം
ലോക്ക്ഡൗണ് കാലത്ത് ആരംഭിച്ച വിനോദമാണ് വിനീതിന്റെ ജീവനെടുക്കുന്നതിൽ അവസാനിച്ചത് . പല സ്വകാര്യ ലോണ് കമ്പനികളില് നിന്ന് അടക്കം കടമെടുത്താണ് വിനീത് ഓണ്ലൈനായി റമ്മി കളിച്ചത് എന്ന് പറയുന്നു . എന്നാല് ഇതില് പല കളികളിലും ഉളള പണം പോയതോടെ ലക്ഷക്കണക്കിന് രൂപയുടെ കടക്കാരനായി വിനീത് മാറി.
21 ലക്ഷത്തോളം കടം വന്ന ശേഷമാണ് വിനീത് ഇക്കാര്യം വീട്ടുകാരെ അറിയിക്കുന്നത്. തുടര്ന്ന് വീട്ടുകാര് ഇടപെട്ട് കുറച്ച് പണം അടയ്ക്കുകയും ചെയ്തു. നില്ക്കക്കളളിയില്ലാതെ വന്നതോടെ വിനീത് വീട് വിട്ട് ഒളിച്ചോടിപ്പോയി,..അന്ന് പൊലീസാണ് വിനീതിനെ കണ്ടെത്തി തിരികെ വീട്ടിലേക്ക് കൊണ്ടുവന്നത്. തിരികെ വന്ന ശേഷം വിനീത് വിഷാദത്തിന് അടിമയായിരുന്നു.. പിന്നീട് ആത്മഹത്യ ചെയ്തു
കേരളത്തില് 1960ലെ കേരള ഗെയിംമിംഗ് ആക്ടിൽ ഓണ്ലൈന് റമ്മി എന്ന വിഷയം ഉള്പ്പെടുത്തിയിട്ടില്ല... കേരള ഗെയിംമിംഗ് ആക്ട് നിയമം ഭേദഗതി ചെയ്താണ് സർക്കാർ ഇപ്പോൾ വിജ്ഞാപനം ഇറക്കിയത്. നിലവിലുള്ള നിയമത്തിൽ മാറ്റം വരുത്തിയ സർക്കാർ, പണം വെച്ചുള്ള ഓൺലൈൻ റമ്മി കളിയെ കൂടി ഉൾപ്പെടുത്തിയാണ് പുതിയ വിജ്ഞാപനം പുറത്തിറക്കിയത്.
സംസ്ഥാനത്ത് ഓൺലൈൻ റമ്മികളി നിയന്ത്രിക്കണമെന്ന് ആവശ്യപ്പെട്ട് നേരത്തെ ഹൈക്കോടതിയിൽ പൊതുതാൽപ്പര്യ ഹർജി സമർപ്പിക്കപ്പെട്ടിരുന്നു. ഓൺലൈൻ ചൂതാട്ടം നിയന്ത്രിക്കാൻ നിയമ വേണമെന്നാവശ്യപ്പെട്ട് തൃശ്സൂർ സ്വദേശി പോളി വടയ്ക്കൻ നൽകിയ പൊതു താൽപ്പര്യ ഹർജിയിൽ, നിയന്ത്രിക്കാൻ രണ്ടാഴ്ചയ്ക്കകം വിജ്ഞാപനം ഇറക്കുമെന്ന് സർക്കാർ ഹൈക്കോടതിയെ അറിയിച്ചിരുന്നു. ഇതിന്റെ അടിസ്ഥാനത്തിലാണ് നീക്കം
ഇതുമായി ബന്ധപ്പെട്ടു ഓണ്ലൈന് റമ്മി അംബാസിഡര്മാരായ വിരാട് കോലിക്കും തമന്നയ്ക്കും അജു വര്ഗീസിനും ഹൈക്കോടതി നോട്ടിസ് അയച്ചിരുന്നു .
https://www.facebook.com/Malayalivartha