നിയമസഭാ തെരഞ്ഞെടുപ്പില് പൂഞ്ഞാറില് നിന്നുതന്നെ മത്സരിക്കുമെന്ന് പി സി ജോര്ജ്
നിയമസഭാ തെരഞ്ഞെടുപ്പില് പൂഞ്ഞാറില് നിന്നുതന്നെ മത്സരിക്കുമെന്ന് പ്രഖ്യാപിച്ച് പി സി ജോര്ജ് എംഎല്എ. ഇക്കാര്യത്തില് യുഡിഎഫിന്റെ ഔദാര്യം വേണ്ട, അവര്കൊപ്പം ചേരില്ലെന്നും പറഞ്ഞ ജോര്ജ് എന്നാല് എല്ഡിഎഫുമായി ചര്ച നടത്തിയിട്ടില്ലെന്നും വ്യക്തമാക്കി. തല്ക്കാലം മറ്റ് മുന്നണികളുമായി ചര്ച നടത്തില്ല. ട്വന്റി20 മാതൃക വിപുലീകരിക്കും. അവരുമായി ചര്ച നടത്തി. ട്വന്റി20യുടെ പ്രവര്ത്തനം കേരളത്തില് വ്യാപിപ്പിക്കണം. ആരു പിന്തുണച്ചാലും സ്വീകരിക്കുമെന്നും പി സി ജോര്ജ് പറഞ്ഞു. മറ്റ് മണ്ഡലങ്ങളിലെ സ്ഥാനാര്ഥികളെ തീരുമാനിക്കാന് ബുധനാഴ്ച ചര്ച നടത്തുമെന്നും അദ്ദേഹം അറിയിച്ചു. യുഡിഎഫില് ലീഗ് നല്ല രാഷ്ട്രീയ കക്ഷിയാണ്. പക്ഷെ ജിഹാദികളുടെ കൈയില് അമര്ന്നിരിക്കുകയാണ്. കോണ്ഗ്രസ് നേതാക്കന്മാര്ക്കു പോലും തീരുമാനമെടുക്കാന് കഴിയാതെ പോകുന്നു. ജിഹാദികള് പിന്തുണയ്ക്കുന്ന യുഡിഎഫുമായി സഹകരണമില്ല. യുഡിഎഫിന്റെ നേതൃനിര വഞ്ചകന്മാരാണ്. കാഞ്ഞിരപ്പള്ളിയില് സ്വതന്ത്രനാക്കുന്ന കാര്യമാണ് യുഡിഎഫ് ചര്ച ചെയ്തത്. അതിന് കോണ്ഗ്രസിന്റെ ഔദാര്യം ആവശ്യമില്ല.
വിഎസ് പക്ഷക്കാരന് ആയിരുന്നതു കൊണ്ട് പിണറായി വിജയന് അത്ര താല്പര്യമുണ്ടാകില്ല. അതുകൊണ്ടു എല്ഡിഎഫിനെക്കുറിച്ചു ചിന്തിച്ചിട്ടില്ലെന്നും പി സി ജോര്ജ് പറഞ്ഞു. പാര്ടിയുടെ രാഷ്ട്രീയ തീരുമാനങ്ങള് സംബന്ധിച്ചും മറ്റ് നിയോജക മണ്ഡലങ്ങളിലെ രാഷ്ട്രീയ നിലപാടുകള് സംബന്ധിച്ചും മാര്ച്ച് മൂന്നിന് കോട്ടയത്ത് ചേരുന്ന സംസ്ഥാന സെക്രടേറിയേറ്റ് യോഗത്തിനുശേഷം പ്രഖ്യാപിക്കും.
https://www.facebook.com/Malayalivartha
