സംസ്ഥാനത്ത് നിയമസഭ തെരഞ്ഞെടുപ്പ് ഏപ്രില്‍ 6 ന് നടക്കാനിരിക്കെ കേന്ദ്ര സുരക്ഷ സേന കേരളത്തിലെത്തി. പത്ത് കമ്പനി ബിഎസ്‌എഫ് ജവാന്‍മാരാണ് വിവിധ ജില്ലകളില്‍ സേവനം ഉറപ്പാക്കുക. കാസര്‍കോട്ടേക്കും കണ്ണൂരിലേക്കുമുള്ള സുരക്ഷ ഉദ്യോഗസ്ഥര്‍ ഇന്ന് ഉച്ചയോടെയാണ് കണ്ണൂരില്‍ എത്തിയത്.

ഛത്തീസ്ഗഢില്‍ നിന്നും ഒഡീഷയില്‍ നിന്നുമാണ് ആദ്യഘട്ടത്തില്‍ സുരക്ഷ ഉദ്യോഗസ്ഥര്‍ സംസ്ഥാനത്ത് എത്തിയിരിക്കുന്നത്. സ്ഥലത്തെക്കുറിച്ച്‌ പഠിക്കുക എന്ന ഉദ്യോശത്തോടെയാണ് തെരഞ്ഞെടുപ്പ് തീയതി പ്രഖ്യാപിച്ചതിന് തൊട്ടു പിന്നാലെ സുരക്ഷ ഉദ്യോഗസ്ഥര്‍ സംസ്ഥാനത്ത് എത്തിയത്. അതേസമയം, പ്രശ്‌നബാധിത ബൂത്തുകളില്‍ കേന്ദ്ര സേന മാത്രമായിരിക്കും സുരക്ഷാ ചുമതലവഹിക്കുകയെന്ന് തെരഞ്ഞെടുപ്പ് കമ്മീഷന്‍ മുന്‍പ് വ്യക്തമാക്കിയിരുന്നു.