ഇടതുമുന്നണിയിലെ സീറ്റ് വിഭജന ചര്‍ച്ചകളില്‍ എന്‍സിപി നേതൃത്വം അസംതൃപ്തരാണ്; എല്‍ഡിഎഫില്‍ സീറ്റ് വിഭജന ചര്‍ച്ചകള്‍ ആരംഭിക്കുന്നതോടെ എന്‍സിപി മുന്നണി വിടുമെന്ന് മാണി സി കാപ്പന്‍
എല്‍ഡിഎഫില്‍ സീറ്റ് വിഭജന ചര്‍ച്ചകള്‍ ആരംഭിക്കുന്നതോടെ എന്‍സിപി മുന്നണി വിടുമെന്ന് മാണി സി കാപ്പന്‍. നിലവില്‍ ഇടതുമുന്നണിയിലെ സീറ്റ് വിഭജന ചര്‍ച്ചകളില്‍ എന്‍സിപി നേതൃത്വം അസംതൃപ്തരാണെന്നും തെരഞ്ഞെടുപ്പിന് മുമ്ബ് തന്നെ അവര്‍ യുഡിഎഫിലേക്ക് എത്തുമെന്നുമാണ് കാപ്പന്‍ വ്യക്തമാക്കുന്നത്.
എല്‍ഡിഎഫില്‍ സീറ്റ് ചര്‍ച്ചകള്‍ പൂര്‍ത്തിയാകുന്നതോടെ എന്‍സിപിയുടെ മുന്നണിമാറ്റം യാഥാര്‍ഥ്യമാകുമെന്നാണു കാപ്പന്‍ നല്‍കുന്ന സൂചന. പാലാ ഉള്‍പ്പെടെ മൂന്നു സീറ്റുകള്‍ നല്‍കുമെന്ന് യുഡിഎഫ് ഉറപ്പ് നല്‍കിയിട്ടുണ്ടെന്നും കാപ്പന്‍ വ്യക്തമാക്കി.പുതിയ പാര്‍ട്ടി രൂപീകരിച്ചെങ്കിലും പാലായില്‍ എന്‍സിപിയുടെ ഭാഗമായിത്തന്നെ മത്സരിക്കാനാകുമെന്നാണ് കാപ്പന്റെ പ്രതീക്ഷ. എല്‍ഡിഎഫിലെ സീറ്റ് ചര്‍ച്ചകളില്‍ എന്‍സിപി നേതൃത്വം അതൃപ്തരാണെന്നാണ് ലഭിക്കുന്ന സൂചനകള്‍. സിറ്റിങ് സീറ്റുകള്‍ ഉള്‍പ്പെടെ എന്‍സിപിക്ക് നഷ്ടപ്പെടാന്‍ സാധ്യതകള്‍ ഏറെയാണ്. ഇത് തിരിച്ചറിഞ്ഞാണു കാപ്പന്റെ പ്രതികരണം.
പാലായ്ക്കു പുറമെ കായംകുളം, വാമനപുരം സീറ്റുകളാണ് യുഡിഎഫിനോട് കാപ്പന്‍ ആവശ്യപ്പെടുന്നത്. സിറ്റിങ് സീറ്റായ കുട്ടാനാടിനായി പിടിവാശിയില്ല. തിരഞ്ഞെടുപ്പ് പ്രഖ്യാപിച്ചതോടെ പ്രചാരണത്തിന്റെ അടുത്ത ഘട്ടത്തിലേക്ക് കടക്കുകയാണ് കാപ്പന്‍. മാര്‍ച്ച്‌ മൂന്ന് മുതല്‍ മണ്ഡലത്തില്‍ ഗൃഹസമ്ബര്‍ക്ക പരിപാടിക്ക് തുടക്കം കുറിക്കും.
https://www.facebook.com/Malayalivartha
