'നാട് നന്നാകാന് യു.ഡി.എഫ്'; നിയമസഭ തെരഞ്ഞെടുപ്പ് പ്രചാരണ വാചകം പ്രഖ്യാപിച്ച് യു.ഡി.എഫ്; ഇന്ദിര ഭവനില് നടന്ന ചടങ്ങില് പ്രഖ്യാപനം നടത്തിയത് രമേശ് ചെന്നിത്തല, ഉമ്മന്ചാണ്ടി, മുല്ലപ്പള്ളി രാമചന്ദ്രന് അടക്കമുള്ള നേതാക്കൾ
നിയമസഭ തെരഞ്ഞെടുപ്പ് പ്രചാരണ വാചകം പ്രഖ്യാപിച്ച് യു.ഡി.എഫ്. 'നാട് നന്നാകാന് യു.ഡി.എഫ്' എന്നാണ് ടാഗ് ലൈന്. യു.ഡി.എഫ് പ്രഖ്യാപിക്കുന്ന പുതിയ പദ്ധതികള്ക്കൊപ്പം 'വാക്ക് നല്കുന്നു യു.ഡി.എഫ്' എന്ന വാചകവും ഉണ്ടാകും. കെ.പി.സി.സി ആസ്ഥാനമായ ഇന്ദിര ഭവനില് നടന്ന ചടങ്ങില് പ്രതിപക്ഷ നേതാവ് രമേശ് ചെന്നിത്തല, ഉമ്മന്ചാണ്ടി, മുല്ലപ്പള്ളി രാമചന്ദ്രന് അടക്കമുള്ളവരാണ് പ്രഖ്യാപനം നടത്തിയത്.
അഞ്ചു വര്ഷത്തെ പിണറായി വിജയന് സര്ക്കാറിന്റെ അഴിമതി ഭരണത്തിന് തിരശീല വീഴാന് ഇനി ദിവസങ്ങള് മാത്രമേ ബാക്കിയുള്ളു. കേരളത്തില് ഒരു മാറ്റം വേണമെന്നത് ജനാഭിലാഷമാണ്. അഞ്ചു വര്ഷമായി സംസ്ഥാനത്തിന്റെ എല്ലാ മേഖലകളും നിശ്ചലമാണ്. നാട് നന്നാകാന്, ഐശ്വര്യ കേരളം കെട്ടിപ്പടുക്കാന് യു.ഡി.എഫ് അധികാരത്തിലെത്തുക ആവശ്യമാണ്.
കോടികള് മുടക്കി വ്യാജ പ്രചാരണമാണ് സര്ക്കാര് നടത്തുന്നത്. ഉദാഹരണത്തിന് കേരളത്തില് ഏറ്റവും കൂടുതല് വീട് വച്ചുകൊടുത്തത് ഈ സര്ക്കാരാണെന്ന കളവ് പി.ആര്.ഡി വഴി സര്ക്കാര് ആവര്ത്തിക്കുകയായിരുന്നു. എല്.ഡി.എഫ് കഷ്ടിച്ച് രണ്ടര ലക്ഷം വീടുകള് നിര്മ്മിച്ചു നല്കിയപ്പോള് യു.ഡി.എഫിന്റെ കാലത്ത് നാലു ലക്ഷം പേര്ക്കാണ് വീട് നല്കിയത്. ഈ യാഥാര്ഥ്യങ്ങളെല്ലാം പ്രചാരണ രംഗത്തുണ്ടാകും.
സര്ക്കാറിന്റെ ദുഷ്ചെയ്തികളെ തുറന്നു കാട്ടുന്നതിനോടൊപ്പം യു.ഡി.എഫ് അധികാരത്തില് വരുമ്ബോള് ലക്ഷ്യമിടുന്ന വിവിധ ജനക്ഷേമ പദ്ധതികളും കേരള സമൂഹത്തിനു മുന്പാകെ അവതരിപ്പിക്കും. യു.ഡി.എഫ് നല്കുന്ന വാക്കായിരിക്കും അത്. ഐശ്വര്യ കേരള സൃഷ്ടിക്കായി യു.ഡി.എഫിനോടൊപ്പം നില്ക്കാന് സ്നേഹപൂര്വ്വം അഭ്യര്ഥിക്കുന്നതായും ചെന്നിത്തല ഫേസ്ബുക്കില് കുറിച്ചു.
https://www.facebook.com/Malayalivartha
