സ്വര്ണക്കടത്ത് കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിന്റെ ജാമ്യം റദ്ദാക്കണമെന്നാവശ്യപ്പെട്ട് എന്ഫോഴ്സ്മെന്റ് ഡയറക്ടറേറ്റ് നല്കിയ ഹര്ജി ഇന്ന് സുപ്രീം കോടതി പരിഗണിക്കും
സ്വര്ണക്കടത്ത് കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിന്റെ ജാമ്യം റദ്ദാക്കണമെന്നാവശ്യപ്പെട്ട് എന്ഫോഴ്സ്മെന്റ് ഡയറക്ടറേറ്റ് നല്കിയ ഹര്ജി ഇന്ന് സുപ്രീം കോടതി പരിഗണിക്കും. ജസ്റ്റിസ് അശോക് ഭൂഷണ് അദ്ധ്യക്ഷനായ ബെഞ്ചാണ് കേസ് പരിഗണിക്കുക.
ശിവശങ്കറില് നിന്ന് അറിയാനുള്ള വിവരങ്ങള് കിട്ടിയെങ്കിലും അന്വേഷണം പൂര്ത്തിയായിട്ടില്ല. അതിനാല് ഹൈക്കോടതി വിധി അടിയന്തരമായി റദ്ദാക്കണമെന്നാണ് ഇഡി ആവശ്യപ്പെടുന്നത്. കേസില് എം ശിവശങ്കര് തടസ ഹര്ജി നല്കിയിട്ടുണ്ട്.
കസ്റ്റംസ് കേസില് കൂടി ജാമ്യം കിട്ടി ശിവശങ്കര് പുറത്തിറങ്ങിയതിന് പിന്നാലെയാണ് എന്ഫോഴ്സ്മെന്റ് സുപ്രീം കോടതിയെ സമീപിച്ചത്. ജസ്റ്റിസ് അശോക് ഭൂഷണ് അധ്യക്ഷനായ കോടതിയാണ് കേസ് പരിഗണിക്കുക.
രാഷ്ട്രീയരംഗത്തുള്ളവരെ കുറിച്ചടക്കം അന്വേഷണം പുരോഗമിക്കുന്ന ഘട്ടത്തില് മുന് പ്രിന്സിപ്പല് സെക്രട്ടറി കൂടിയായ ശിവശങ്കര് പുറത്തിറങ്ങുന്നത് കേസിനെ പ്രതികൂലമായി ബാധിക്കുമെന്നാണ് എന്ഫോഴ്സ്മെന്റിന്റെ പ്രധാനവാദം.
അതേസമയം ഇടക്കാല ഉത്തരവിന് മുന്പ് തന്റെ വാദം കേള്ക്കണം എന്നാവശ്യപ്പെട്ട് ശിവശങ്കര് നല്കിയ ഹര്ജിയും ഇന്ന് സുപ്രീം കോടതി പരിഗണിക്കും. സ്വര്ണക്കടത്തുമായി ബന്ധപ്പെട്ട് കള്ളപ്പണം വെളുപ്പിച്ചുവെന്ന കേസില് കഴിഞ്ഞ ഒക്ടോബര് 28നാണ് ശിവശങ്കറിനെ ഇഡി അറസ്റ്റ് ചെയ്തത്.
98 ദിവസത്തെ ജയില്വാസത്തിന് ശേഷം ഫെബ്രുവരി മൂന്നിനാണ് ശിവശങ്കര് ജയില് മോചിതനായത്.
https://www.facebook.com/Malayalivartha
