ജോ​ലി വാ​ഗ്ദാ​നം ചെ​യ്​​ത്​ പ​ണം ത​ട്ടിയെടുക്കുന്ന കേസുകൾ വർധിച്ചുവരികയാണ്. അത്തരം ഒരു കേ​സി​ല്‍ യുവതി അറസ്റ്റിലായി. ഇ​സ്രാ​യേ​ലി​ല്‍ ജോലി തരപ്പെടുത്തി നല്‍കാമെന്ന് വാഗ്ദാനം ചെയ്ത് നിരവധി പേരില്‍ നിന്നും പണം തട്ടിഎടുക്കുകയായിരുന്നു ഇവർ. ആ​ല​പ്പു​ഴ ചേ​ര്‍​ത്ത​ല പ​ന​ക്ക​ല്‍ വീ​ട്ടി​ല്‍ വി​ദ്യ പ​യ​സി​നെ (32) ആണ് ക​ട്ട​പ്പ​ന പൊ​ലീ​സ് അ​റ​സ്​​റ്റ്​ ചെയ്തത് .

2019 ലാ​ണ് കേസിനാസ്പദമായ സംഭവം നടന്നത്. 27 പേ​രി​ല്‍​ നിന്നായാണ് യുവതി പ​ണം ത​ട്ടി​യ​ത് എന്ന് കണ്ടെത്തി. സം​സ്ഥാ​ന​ത്തിന്റെ വി​വി​ധ ഭാ​ഗ​ങ്ങ​ളി​ല്‍​നി​ന്നാ​യി 27 പേ​രി​ല്‍​നി​ന്ന്​ ഇ​സ്രാ​യേ​ലി​ലേ​ക്ക്​ വി​സ ന​ല്‍​കാ​മെ​ന്ന് വി​ശ്വ​സി​പ്പി​ച്ച്‌​​വി​ദ്യ​യു​ള്‍​പ്പെ​ടു​ന്ന സം​ഘം ഒ​രു കോ​ടി 30 ല​ക്ഷം രൂ​പ ത​ട്ടി​യെ​ടു​ത്തു എ​ന്നാ​ണ് പ​രാ​തി ലഭിച്ചിരിക്കുന്നത്.

ക​ട്ട​പ്പ​ന സ്വ​ദേ​ശി​നി​യാ​യ പൂ​ത​ക്കു​ഴി​യി​ല്‍ ഫി​ലോ​മി​ന ന​ല്‍​കി​യ പ​രാ​തി​യു​ടെ അ​ടി​സ്ഥാ​ന​ത്തിലാണ് പോലീസ് കേസ് എടുത്ത് അന്വേഷണം ആരംഭിച്ചത്. അ​ന്വേ​ഷ​ണ​ത്തി​ല്‍ യു​വ​തി​യു​ടെ ബ​ന്ധു​ക്ക​ളു​ടെ ബാ​ങ്ക്​ അ​ക്കൗ​ണ്ടു​ക​ളി​ലേ​ക്ക് പ​ണം കൈ​മാ​റി​യ​തി​ന് പോലീസ് കണ്ടെത്തുകയും ചെയ്തിരുന്നു. കൈ​പ്പ​റ്റി​യ തു​ക വി​ദ്യ​യു​ടെ സ​ഹോ​ദ​രി സോ​ണി​യു​ടെ​യും ബ​ന്ധു​മാ​യ തോ​മ​സിന്റെയും അ​ക്കൗ​ണ്ടു​ക​ളി​ലാ​ണ്​ നി​ക്ഷേ​പി​ച്ച​ത് എന്നും കണ്ടെത്തുകയുണ്ടായി. കേ​സി​ല്‍ ഇ​വ​ര്‍ ര​ണ്ടും മൂ​ന്നും പ്ര​തി​ക​ളാ​ണ്.

അതോടൊപ്പം തന്നെ കൂ​ട്ടു​പ്ര​തി​ക​ളാ​യ ക​ണ്ണൂ​ര്‍ സ്വ​ദേ​ശി അം​നാ​സ്, ത​ല​ശ്ശേ​രി സ്വ​ദേ​ശി​ക​ളാ​യ മു​ഹ​മ്മ്​ ഒ​നാ​സീ​സ്, അ​ഫ്‌​സീ​ര്‍ എ​ന്നി​വ​ര്‍​ക്കാ​യും പൊ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കിയിരിക്കുകയാണ്. പോലീസ് അ​ന്വേ​ഷ​ണം ആരംഭിച്ചതോടെ വി​ദേ​ശ​ത്തേ​ക്ക് ക​ട​ന്ന വിദ്യാക്കെതിരെ ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ക്കുകയുണ്ടായി. വെ​ള്ളി​യാ​ഴ്​​ച അ​ബൂ​ദ​ബി​യി​ല്‍​നി​ന്ന്​ ബം​ഗ​ളൂ​രു വി​മാ​ന​ത്താ​വ​ള​ത്തി​ല്‍ എ​ത്തി​യ യു​വ​തി​യെ ക​ട്ട​പ്പ​ന പൊ​ലീ​സ് അ​വി​ടെ​യെ​ത്തി അ​റ​സ്​​റ്റ്​ ചെ​യ്യു​ക​യാ​യി​രു​ന്നു. ക​ട്ട​പ്പ​ന കോ​ട​തി​യി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍​ഡ്​ ചെ​യ്​​തു.

ഇത്തരത്തിൽ നിരവധി തട്ടിപ്പുകളാണ് അരങ്ങേറുന്നത്. സംസ്ഥാനത്ത് വിവിധയിടങ്ങളിലായി നിരവധി കേസുകൾ റിപ്പോർട്ട് ചെയ്യപ്പെട്ടു. ചുരുങ്ങിയ ചിലരെ മാത്രമാണ് പോലീസ് പിടികൂടുന്നത്. എന്നിരുന്നാൽ തന്നെയും ഇത്തരം വ്യാജന്മാർക്കെതിരെ പോലീസ് കർശന നിരീകഷണം നൽകുകയാണ്. ഇതുകൂടാതെ ഇത്തരം കുരുക്കുകളിൽ അകപ്പെടരുത് എന്ന് ദിനംപ്രതി മുന്നറിയിപ്പ് നൽകിയാലും നിരവധി കേസുകൾ റിപ്പോർട്ട് ചെയ്യപ്പെടുന്നുണ്ട്.