തീരുമാനമുടന്... കസ്റ്റംസ് കമ്മീഷണര് സുമിത് കുമാറിനെതിരെ കേസെടുക്കാന് സംസ്ഥാന സര്ക്കാരിന്റെ നീക്കം; ഒന്നോ രണ്ടോ ദിവസത്തിനകം ഇതില് തീരുമാനമെടുക്കും; ശിവശങ്കറിന് മുഖ്യമന്ത്രി പണം നല്കിയെന്ന് പറയുന്നത് വിനയാകും
മുഖ്യമന്ത്രിക്കെതിരെ മൊഴി നല്കിയാല് മാപ്പുസാക്ഷിയാക്കാമെന്ന് സ്വപ്ന സുരേഷിനോട് ഇഡി ഉദ്യോഗസ്ഥര് പറഞ്ഞെന്ന് രണ്ടാമത്തെ പൊലീസുദ്യോഗസ്ഥ മൊഴി നല്കിയ സാഹചര്യത്തിലാണ് മുഖ്യമന്ത്രിക്കെതിരെ അപകീര്ത്തികരമായ പ്രസ്താവന ഹൈക്കോടതിയില് സമര്പ്പിച്ച സുമിത് കുമാറിനെതിരെ സര്ക്കാര് നടപടിക്ക് നീങ്ങുന്നത്. ഒന്നോ രണ്ടോ ദിവസത്തിനകം ഇതില് തീരുമാനമെടുക്കും.
കസ്റ്റംസ് കമ്മീഷണര്ക്കെതിരെ പോലീസിന് കേസെടുക്കാന് കഴിയുമോ എന്ന് ചോദിക്കരുത്. കേരളമാകുമ്പോള് എന്തും നടക്കുമല്ലോ.
സ്വര്ണ്ണം കടത്താന് ശിവശങ്കറിന് മുഖ്യമന്ത്രി പണം നല്കിയെന്ന് പറയാന് ഉദ്യോഗസ്ഥര് സ്വപ്നയെ നിര്ബന്ധിച്ചെന്നാണ് സിവില് പൊലീസ് ഓഫീസര് റെജിമോള് ക്രൈംബ്രാഞ്ചിന് മൊഴി നല്കിയത്.
ശിവശങ്കറിന് മുഖ്യമന്ത്രി പണം നല്കിയെന്ന് പറയുന്നത് അവാസ്തവമാണെന്ന് എല്ലാവര്ക്കുമറിയാം. ഇത് തന്നെ ഇ ഡി ഉദ്യോഗസ്ഥര്ക്ക് വിനയായി തീരും. പക്ഷേ സ്വപ്ന മൊഴിയില് ഉറച്ചു നില്ക്കണമെന്ന് മാത്രം.
ഡോളര് കടത്തില് മുഖ്യമന്ത്രിക്കും മൂന്നു മന്ത്രിമാര്ക്കും പങ്കുണ്ടെന്നുള്ള കസ്റ്റംസിന്റെ സത്യവാങ്മൂലം ഏറെ വിവാദമായിരുന്നു. ഇതിനെതിരെ സിപിഎം നേതാക്കള് തന്നെ നിയമനടപടികളിലേക്ക് നീങ്ങുകയും ചെയ്തിരുന്നു.
എറണാകുളം ജില്ലാ നേതാവ് അഡ്വക്കേറ്റ് ജനറലിനെ സമീപിച്ചു. ഇതിനിടയിലാണ് ഇഡി ഉദ്യോഗസ്ഥര് സമ്മര്ദ്ദം ചെലുത്തിയാണ് സ്വപ്ന സുരേഷിനെക്കൊണ്ട് പല മൊഴികളും സര്ക്കാരിനെതിരെയും മുഖ്യമന്ത്രിക്കെതിരെയും പറയിപ്പിച്ചതെന്ന പൊലീസുദ്യോഗസ്ഥരുടെ മൊഴികള് പുറത്തുവരുന്നത്. അത് സി പി എമ്മിനെ സംബന്ധിച്ചടത്തോളം ഓണം ബമ്പറാണ്. ഇത്തരം മൊഴികള് സി പിഎം പോലും പ്രതീക്ഷിച്ചില്ല.
ലോക്കറില് നിന്ന് കണ്ടെത്തിയ പണം ശിവശങ്കറിന്റേതാണെന്ന് പറയണമെന്ന് സ്വപ്നയെ ഇഡി ഉദ്യോഗസ്ഥര് നിര്ബന്ധിച്ചുവെന്നാണ് റെജിമോളുടെ മൊഴി.
ഈ പണം ശിവശങ്കറിന് മുഖ്യമന്ത്രി നല്കിയതാണെന്ന് പറയണം. അങ്ങനെ പറഞ്ഞാല് മാപ്പുസാക്ഷിയാക്കാമെന്ന് പറഞ്ഞ് ഇഡി ഉദ്യോഗസ്ഥര് സ്വപ്നയോട് സമ്മര്ദ്ദം ചെലുത്തുന്നത് താന് കേട്ടു. മൊഴി രേഖപ്പെടുത്തിയ ശേഷം അത് വായിച്ചുനോക്കാന് പോലും അനുവദിച്ചില്ല എന്ന് സ്വപ്ന തന്നോട് പറഞ്ഞു. പുറത്തുവന്ന ശബ്ദരേഖ സ്വപ്നയുടേത് തന്നെയാകാമെന്നും റെജിമോളുടെ മൊഴിയിലുണ്ട്.
ശബ്ദരേഖ പുറത്തുവന്നതിന് പിന്നാലെയാണ് അതിന്റെ ഉറവിടം സംബന്ധിച്ച് െ്രെകംബ്രാഞ്ച് അന്വേഷണം ആരംഭിച്ചത്. ആ കേസ് അന്വേഷിക്കുന്ന െ്രെകംബ്രാഞ്ച് പ്രത്യേക അന്വേഷണസംഘത്തിനാണ് റെജിമോള് മൊഴി നല്കിയിരിക്കുന്നത്.
മുഖ്യമന്ത്രിയ്!ക്കെതിരായ സ്വപ്!ന സുരേഷിന്റെ രഹസ്യമൊഴി പുറത്ത് വന്ന സംഭവത്തില് കസ്റ്റംസ് കമ്മീഷണര് സുമിത് കുമാറിനെതിരെ സിപിഎം നിയമ നടപടിയ്ക്ക് നീങ്ങാന് നേരത്തെ തീരുമാനിച്ചിരുന്നു. കോടതിയലക്ഷ്യ കേസ് നല്കാന് അനുമതി തേടി സിപിഎം നല്കിയ പരാതിയില് അഡ്വക്കറ്റ് ജനറല് കസ്റ്റംസ് കമ്മീഷണറുടെ വിശദീകരണം തേടി.
ഡോളര് കടത്തില് മുഖ്യമന്ത്രി പിണറായി വിജയന്, സ്പീക്കര് എന്നിവര്ക്ക് നേരിട്ട് പങ്കുണ്ടെന്ന സ്വപ്ന സുരേഷ് രഹസ്യ മൊഴിയുടെ വിശദാംശങ്ങള് കസ്റ്റംസ് ഹൈക്കോടതിയില് നല്കിയതിന് പിറകെയാണ് സിപിഎം കസ്റ്റംസ് പോര് തുടങ്ങുന്നത്.
കസ്റ്റംസ് മേഖലാ ഓഫീസുകളിലേക്ക് മാര്ച്ച് നടത്തിയ സിപിഎമ്മിനോട് ഭീഷണി വിലപ്പോവില്ലെന്നായിരുന്നു സുമിത് കുമാറിന്റെ മറുപടി. ഇതിന് പിറെകയാണ് കസ്റ്റംസ് കമ്മീഷണര്ക്കെതിരായ നിയമ നടപടി വരുന്നത്. മജിസ്ട്രേറ്റിന് നല്കിയ രഹസ്യമൊഴി പുറത്ത് വിടുന്നത് കോടതിയലക്ഷ്യമാണെന്നാണ് സിപിഎം വാദം. അതിനെക്കാള് രൂക്ഷമായാണ് സുമിത് കുമാറിനെതിരെ സി പി എം നീങ്ങുന്നത്.
സിപിഎം എറണാകുളം ജില്ലാ സെക്രട്ടറിയേറ്റ് അംഗം എംജെ ജേക്കബ് ആണ് കസ്റ്റംസിനെതിരെ അഡ്വക്കേറ്റ് ജനറലിന് പരാതി നല്കിയത്. ഈ പരാതിയില് ആണ് അഡ്വക്കേറ്റ് ജനറല് കസ്റ്റംസ് കമ്മീഷണര് സുമിത് കുമാര് അടക്കമുള്ളവരോട് വിശദീകരണം തേടിയത്.
കോടതിയലക്ഷ്യ കേസില് തുടര്ന്ന് നടപടി സ്വീകരിക്കാതിരിക്കാന് കാരണമുണ്ടെങ്കില് ഈ മാസം 16ന് മുന്പ് നേരിട്ടോ അഭിഭാഷകന് മുഖേനെയോ മറുപടി നല്കണം. ഈ മറുപടി തൃപ്തികരമല്ലെങ്കില് കോടതിയലക്ഷ്യ കേസുമായി മുന്നോട്ട് പോകാന് സിപിഎം നേതാവിന് എജി അനുമതി നല്കും. ഇതില് ഒരു സാങ്കേതിക തടസമുണ്ട്. ഒരു കേന്ദ്രസര്ക്കാര് ഉദ്യോഗസ്ഥനെതിരെ സംസ്ഥാന സര്ക്കാരിന്റെ പ്രതിനിധിയായ എ.ജി എങ്ങനെയാണ് നടപടിയെടുക്കുന്നതെന്നറിയില്ല.
സ്വപ്!ന സുരേഷിന്റെ ശബ്ദരേഖ ചോര്ന്ന സംഭവം അന്വേഷിക്കുന്ന െ്രെകംബ്രാഞ്ച് സംഘത്തിനാണ് രണ്ടാമത്തെ പോലീസുകാരിയും മൊഴി നല്കിയത്. ഈ മൊഴിയുടെ അടിസ്ഥാനത്തില് ഇഡി ഉദ്യോഗസ്ഥനെതിരെ കേസ് എടുക്കാനാകുമോ എന്ന് െ്രെകംബ്രാഞ്ച് നിയമോപദേശം തേടിയിട്ടുണ്ട്.
കസ്റ്റഡിയിലിരിക്കെ സ്വപ്ന സുരേഷിന്റെ ശബ്ദരേഖ പുറത്ത് വന്ന സംഭവത്തില് കേന്ദ്ര ഏജന്സികളുടെ അന്വേഷണം നേരിടുന്ന ഉദ്യോഗസ്ഥയാണ് റജിമോള്.
ഏതായാലും െ്രെകംബ്രാഞ്ച് ഉദ്യോഹസ്ഥരില് നിന്ന് കേന്ദ്ര ഏജന്സികള്ക്ക് പണികിട്ടുമെന്ന് ഉറപ്പായി കഴിഞ്ഞു. പണി പാല്പ്പായസത്തില് കിട്ടുമോ എന്നു മാത്രം നോക്കിയാല് മതി.
"
https://www.facebook.com/Malayalivartha
