കേരളത്തില്‍ വന്ന് കാര്യമായി കൊണ്ടും കൊടുത്തും പോയ

 അമിത്ഷാ പറഞ്ഞ ദുരൂഹമരണത്തില്‍ ആശയക്കുഴപ്പം  നീങ്ങാതെ അന്തം വിട്ടിരിക്കുകയാണ് ചില ബി.ജെ.പി നേതാക്കള്‍...

സ്വര്‍ണം, ഡോളര്‍ക്കടത്ത് കേസുകളില്‍ കേന്ദ്രമന്ത്രി അമിത്ഷാ ആരോപിച്ച ദുരൂഹമരണം ആരുടേതെന്നതില്‍ ബി.ജെ.പി.യിലും ആശയക്കുഴപ്പം... അങ്ങനെയൊരു മരണമുണ്ടെങ്കില്‍ അതു വ്യക്തമാക്കേണ്ടത് അമിത്ഷാ തന്നെയാണെന്നു മുഖ്യമന്ത്രി പറയുമ്പോള്‍ അതിനുമറുപടിയായി മുഖ്യമന്ത്രിക്കെതിരേ ബി.ജെ.പി. കടുത്ത ആരോപണങ്ങള്‍ ഉന്നയിക്കുകയാണ്.

അന്വേഷണ ഏജന്‍സികളാകട്ടെ, മരണമേതെന്നു കണ്ടെത്താന്‍ തലപുകച്ചുതുടങ്ങി. അടുത്തിടെ മാധ്യമപ്രവര്‍ത്തകര്‍ തിരുവനന്തപുരത്ത് വാഹനാപകടത്തില്‍ കൊല്ലപ്പെട്ടത് അമിത്ഷായുടെ ആരോപണത്തോടു ചേര്‍ത്തുവെക്കാന്‍ ശ്രമിക്കുകയാണ് ബി.ജെ.പി. നേതൃത്വം. പ്രദീപിന്റെയും ബഷീറിന്റെയും മാത്രമല്ല, പല ദുരൂഹമരണങ്ങളുടെയും അന്വേഷണം നിലച്ചെന്ന കുറ്റപ്പെടുത്തലിനൊപ്പം മുഖ്യമന്ത്രിയുടെ നിലപാടുകളെ ചോദ്യംചെയ്യുന്ന പലരും ദുരൂഹമായി മരിച്ചിട്ടുണ്ടെന്നുകൂടി സംസ്ഥാനപ്രസിഡന്റ് കെ. സുരേന്ദ്രന്‍ പറഞ്ഞതോടെ ആരോപണയുദ്ധം കടുത്തു.

സ്വര്‍ണക്കടത്തുമായി ബന്ധപ്പെട്ടും അല്ലാതെയും കേരളത്തില്‍നടന്ന ദുരൂഹമരണങ്ങളിലെ അന്വേഷണം നിലച്ചെന്നാണ് ബി.ജെ.പി.യുടെ മറ്റൊരു കുറ്റപ്പെടുത്തല്‍. മാധ്യമപ്രവര്‍ത്തകരായ എസ്.വി. പ്രദീപിന്റെയും കെ.എം. ബഷീറിന്റെയും ദുരൂഹമരണം സംബന്ധിച്ച അന്വേഷണം എവിടെയുമെത്തിയില്ല.

ഇതുസംബന്ധിച്ച് മുഖ്യമന്ത്രി പിണറായി വിജയനോട് ആര്‍ക്കും ഒന്നുംചോദിക്കാനാകില്ലെന്നും ആകാശവാണിപോലെ വണ്‍വേ ട്രാഫിക്കാണ് അദ്ദേഹത്തിന്റെ ആശയവിനിമയരീതിയെന്നും ബി.ജെ.പി. കുറ്റപ്പെടുത്തുന്നു. ദുരൂഹമരണത്തെപ്പറ്റി വിവരംകിട്ടാതെ ആഭ്യന്തരമന്ത്രി ഒന്നുംപറയില്ലെന്നാണ് നേതാക്കള്‍ പറയുന്നത്. എന്തായാലും നിര്‍ണയകമായ വെളിപ്പെടുത്തലില്‍ അന്വേഷണം ശക്തിപ്പെടുത്താന്‍ മുന്നണികള്‍ക്ക് ആകുന്നില്ലെങ്കില്‍ നാളെ ജനം പറയും നേതാക്കന്‍മാരോട് കടക്ക് പുറത്ത്