ഭക്ഷ്യധാന്യം പൂഴ്ത്തിവച്ചതിനെതിരെയും വ്യാജ വോട്ടുകള് നീക്കം ചെയ്യണമെന്നാവശ്യപ്പെട്ടും ഇന്ന് വൈകീട്ട് യൂത്ത് കോണ്ഗ്രസ് പ്രതിഷേധ പ്രകടനം
സ്കൂള്കുട്ടികള്ക്ക് വിതരണം ചെയ്യേണ്ട ഭക്ഷ്യധാന്യങ്ങള് ഏട്ട് മാസം പൂഴ്തിവച്ചതിനെതിരെയും, വ്യാജവോട്ടുകള് നീക്കം ചെയ്യണമെന്നാവശ്യപ്പെട്ടും യൂത്ത് കോണ്ഗ്രസ് മണ്ഡലം കമ്മിറ്റികളുടെ നേതൃത്വത്തില് ഇന്ന് വൈകീട്ട് സംസ്ഥാന വ്യാപകമായി പ്രതിഷേധ പ്രകടനം നടത്തുമെന്ന്് യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്പില് അറിയിച്ചു.
കഴിഞ്ഞ ഏട്ടുമാസമായി സ്കൂള് വിദ്യാര്ത്ഥികള്ക്ക് നല്കേണ്ട ഭക്ഷ്യധാന്യങ്ങള് വിതരണം ചെയ്യാതെ സര്ക്കാര് പൂഴ്തിവച്ചിരിക്കുകയായിരുന്നു. ഇപ്പോള് തിരഞ്ഞെടുപ്പ് അടുത്തപ്പോള് ജനങ്ങളെ സ്വാധീനിക്കാനുള്ള മാര്ഗമെന്ന നിലയില് അത് വിതരണം ചെയ്യാന് ശ്രമിച്ചു. അതോടൊപ്പം മെയ് മാസത്തില് നല്കേണ്ട ക്ഷേമ പെന്ഷനുകള് ഏപ്രില് മാസം ആദ്യം തന്നെ മുന്കൂറായി വിതരണം ചെയ്യാനും സര്ക്കാര് തിരുമാനിച്ചു. ഇതും വോട്ടര്മാരെ സ്വാധീനിക്കാനുള്ള ശ്രമത്തിന്റെ ഭാഗമായിരുന്നു .
ഒരേ നിയോജകമണ്ഡലത്തിലെ വിവിധ ബൂത്തുകളിലും, അതോടൊപ്പം സമീപ നിയോജക മണ്ഡലങ്ങളിലും ഒരേ വ്യക്തിയുടെ വിവിധ ഫോട്ടോകള് ഉപയോഗിച്ച് ആയിരക്കണക്കിന്ാ വ്യാജവോട്ടുകളാണ് ചേര്ത്തിട്ടുള്ളത്. തിരഞ്ഞെടുപ്പ് പ്രക്രിയയ അട്ടിമറിക്കാനുള്ള ശ്രമത്തിന്റെ ഭാഗമാണിതെന്ന് വ്യക്തമായിരിക്കുകയാണ്. ഇതെല്ലാം മുന് നിര്ത്തിയാണ് യൂത്ത് കോണ്ഗ്രസിന്റെ നേതൃത്വത്തില് നാളെ പ്രതിഷേധ പ്രകടനം നടത്തുന്നതെന്ന് സംസ്ഥാന പ്രസിഡന്റ് ഷാഫി പറമ്പില് അറിയിച്ചു.
അതേസമയം റേഷന് കാര്ഡുടമകള്ക്ക് സൗജന്യമായി ഭക്ഷ്യധാന്യ കിറ്റു നല്കാന് സംസ്ഥാന സര്ക്കാര് ഇതുവരെ ചെലവഴിച്ചത് 4183 കോടി രൂപയാണ്. പിഎംജികെഎവൈ പദ്ധതിയില് കേന്ദ്ര സര്ക്കാര് നല്കുന്ന അരിയും കടലയും കഴിഞ്ഞ ഡിസംബറില് നിര്ത്തിയ സമയത്തും സംസ്ഥാനത്ത് കിറ്റ് വിതരണം തുടര്ന്നു. എന്നിട്ടും കിറ്റും സ്കൂള് കുട്ടികള്ക്കുള്ള ഭക്ഷ്യധാന്യങ്ങളും കേന്ദ്രമാണ് നല്കുന്നത് എന്ന് പ്രചരിപ്പിക്കുകയാണ് ബിജെപിക്കാരും കേന്ദ്രമന്ത്രി വി മുരളീധരനും.
മുന്ഗണനേതര കാര്ഡുകാര്ക്ക് 15 രൂപ നിരക്കില് 10 കിലോ വീതം അരിയും നല്കിയിരുന്നു. കേന്ദ്ര സര്ക്കാര് പിഎംജികെഎവൈ പദ്ധതി പ്രകാരം കാര്ഡുകളിലെ ഒരംഗത്തിന് അഞ്ച് കിലോ വീതം അരിയും കാര്ഡൊന്നിന് ഒരു കിലോ കടല/പയറുമാണ് കേന്ദ്രം വിതരണം ചെയ്തിരുന്നത്. ഇതിന്റെ വിതരണം കേന്ദ്രം കഴിഞ്ഞ ഡിസംബറില് നിര്ത്തി. സൗജന്യ ധാന്യവിതരണം തുടരണമെന്ന് പാര്ലമെന്റിന്റെ ഭക്ഷ്യ–-പൊതുവിതരണ സ്റ്റാന്ഡിങ് കമ്മിറ്റി ശുപാര്ശ ചെയ്തിരുന്നു. വിതരണം തുടരണമെന്നാവശ്യപ്പെട്ട് സംസ്ഥാനം കത്തും അയച്ചു. എന്നിട്ടും ഫലമുണ്ടായില്ല.
https://www.facebook.com/Malayalivartha
