രാജ്യത്ത് അഞ്ച് സംസ്ഥാനങ്ങളിലാണ് നിയമസഭാ തെരഞ്ഞെടുപ്പ് ആദ്യ ഘട്ടത്തില്‍ നടക്കുന്നത്. തെരഞ്ഞെടുപ്പ് സര്‍വേകളാണ് ഇപ്പോള്‍ പലയിടത്തു നിന്നും പുറത്തു വന്നുകൊണ്ടിരിക്കുന്നത്. എന്നാല്‍ തെരഞ്ഞെടുപ്പുമായി ബന്ധപ്പെട്ടുള്ള സര്‍വേയിലൊന്നും തനിയ്ക്ക് വിശ്വാസമില്ലെന്ന് പറയുകയാണ് ധര്‍മജന്‍ ബോള്‍ഗാട്ടി. തെരഞ്ഞെടുപ്പില്‍ ബാലുശ്ശേരിയില്‍ നിന്നുള്ള യുഡിഎഫ് സ്ഥാനാര്‍ഥി കൂടിയാണ് സിനിമാ താരം ധര്‍മജന്‍ ബോള്‍ഗാട്ടി.

ധര്‍മജന്റെ പ്രചാരണ വേദികളില്‍ സെല്‍ഫിയെടുക്കാന്‍ വോട്ടര്‍മാരുടെയും കുട്ടികളുടെയും തിരക്കാണ്. താരപദവി പ്രചാരണത്തിന്റെ വേഗത കൂട്ടിയെന്നും ബാലുശ്ശേരിയില്‍ കാറ്റ് മാറി വീശി തുടങ്ങിയെന്നും ധര്‍മജന്‍ പറയുന്നു. തന്റെ പ്രചാരണ ബോര്‍ഡുകള്‍ നശിപ്പിക്കുകയും കുളത്തിലെറിയുകയും ചെയ്യുന്നതായി ധര്‍മജന്‍ പരാതിപ്പെട്ടു.