ഒന്നരവയസ്സുകാരനെ കടലില്‍ എറിഞ്ഞു കൊന്നുവെന്ന കേസില്‍ കുറ്റാരോപിതയായ അമ്മയുടെ ജാമ്യാപേക്ഷ കോടതി വീണ്ടും തള്ളി
ഒന്നര വയസുകാരനായ മകനെ കടലില്‍ എറിഞ്ഞു കൊന്നുവെന്ന കേസില്‍ കുറ്റാരോപിതയായ അമ്മയുടെ ജാമ്യാപേക്ഷ തലശ്ശേരി കോടതി വീണ്ടും തള്ളി.
കണ്ണൂര്‍ തയ്യില്‍ കൊടുവള്ളി ഹൗസില്‍ ശരണ്യ(22)യുടെ ജാമ്യ ഹര്‍ജിയാണ് ഒന്നാം അഡീഷണല്‍ ജില്ലാ സെഷന്‍സ് ജഡ്ജ് എം. തുഷാര്‍ തള്ളിയത്. പ്രത്യേക സാഹചര്യത്തില്‍ പ്രതി ശരണ്യ കസ്റ്റഡിയില്‍ തന്നെ വിചാരണ നേരിടണമെന്നും ജാമ്യത്തില്‍ വിട്ടയച്ചാല്‍ കേസ് നടപടികളെ ബാധിക്കുമെന്നുമായിരുന്നു അഡീഷണല്‍ പബ്ലിക് പ്രോസിക്യൂട്ടര്‍ അഡ്വ. സി.കെ.രാമചന്ദ്രന്‍ കോടതിയെ ബോധിപ്പിച്ചത്.
2020 ഫെബ്രുവരി 17നായിരുന്നു ഒന്നര വയസുകാരന്‍ വിയാന്റെ പിഞ്ചു മൃതദേഹം തയ്യില്‍ കടപ്പുറത്തെ കരിങ്കല്ലുകള്‍ക്കിടയില്‍ കാണപ്പെട്ടത്.
ഭര്‍ത്താവ് പ്രണവിനൊപ്പം കിടന്നുറങ്ങിയ കുഞ്ഞിനെ പുലര്‍ച്ചെ രണ്ട് മണിയോടെ എടുത്ത് കടപ്പുറത്തേക്ക് പോയ ശരണ്യ കടല്‍ഭിത്തിയിലേക്ക് വലിച്ചെറിയുകയായിരുന്നു. വീഴ്ചയുടെ ആഘാതത്തില്‍ തലയ്ക്ക് പരിക്കേറ്റു. മരണം ഉറപ്പാക്കാന്‍ ശ്വാസം മുട്ടിച്ചു കൊന്നുവെന്നായിരുന്നു പോലിസ് റിപ്പോര്‍ട്ട്.
ഭര്‍ത്താവുമായി അകന്ന് കഴിയുന്ന യുവതി കാമുകന്‍ വലിയന്നൂര്‍ സ്വദേശി പുന്നക്കല്‍ നിധിനുമായി ജീവിക്കാന്‍ തീരുമാനിച്ചുവെന്നും ഇതിന് തടസ്സമാവാതിരിക്കാനാണ് മാതൃത്വം മറന്ന് അറും കൊല ചെയ്തതെന്നുമായിരുന്നു കുറ്റപത്രത്തിലുള്ളത്.
"
https://www.facebook.com/Malayalivartha
