അമ്മയുടെ പേരിലെ വ്യാജ അക്കൗണ്ട് പൂട്ടിക്കണം: ആരാധകരോട് പ്രതികരണവുമായി അഹാന കൃഷ്ണ
സമൂഹമാധ്യമങ്ങളിൽ സജീവമായ കുടുംബമാണ് നടന് കൃഷ്ണകുമാറിന്റേത്. നടി അഹാന കൃഷ്ണ ഉള്പ്പടെയുളള എല്ലാവര്ക്കും നിരവധി ഫോളോവെഴ്സാണ് യൂട്യുബിലും ഇന്സ്റ്റഗ്രാമിലുമായി ഉള്ളത്. ഇപ്പോഴിതാ കൃഷ്ണകുമാറിന്റെ ഭാര്യ സിന്ധു കൃഷ്ണയുടെ പേരില് ഒരു വ്യാജ അക്കൗണ്ട് ഇന്സ്റ്റഗ്രാമില് വന്നിരിക്കുകയാണ്.
ഇതില് നിന്ന് നിരവധി പേര്ക്ക് റിക്വസ്റ്റ് പോയതോടെയാണ് സംഭവം അഹാന ഉള്പ്പടെയുളളവര് അറിയുന്നതും. ഇതോടുകൂടി സംഭവത്തിൽ പ്രതികരണവുമായി മൂത്തമകൾ അഹാനകൃഷ്ണ രംഗത്ത് എത്തിയിരിക്കുകയാണ്.
എത്ര ചീപ്പായാണ് ഇതുണ്ടാക്കിയവര് പെരുമാറിയത് എന്നായിരുന്നു അഹാനയുടെ ചോദ്യം. അമ്മയുടെ പേരിലെ വ്യാജ അക്കൗണ്ട് പൂട്ടിക്കണമെന്നും, ഇതില് നിന്നും റിക്വസ്റ്റു വരുന്നെങ്കില് സ്വീകരിക്കരുത് എന്നും അഹാന മുന്നറിയിപ്പ് നൽകുകയും ചെയ്തു.
അമ്മയ്ക്ക് ആകെ ഒരു അക്കൗണ്ട് മാത്രാമേ ഉള്ളൂ എന്നും അതില് നിന്നും അവര് ആര്ക്കും റിക്വസ്റ്റു നല്കാറില്ലെന്നും അഹാന വ്യക്തമാക്കി. തന്റെ ഇന്സ്റ്റഗ്രാം സ്റ്റോറിയിലൂടെയാണ് അഹാന ഇക്കാര്യം അറിയിച്ചത്.
'new official account' എന്ന് ബയോ നല്കിയാണ് സിന്ധുവിന്റെ പേരില് അക്കൗണ്ട് ആരംഭിച്ചത്. നാല് പോസ്റ്റുകളുമുണ്ട്. ഇതിനു മുന്നെയും താരത്തിന്റെ കുടുംബത്തിന് നേരെ പല രീതിയിലുള്ള സൈബര് ആക്രമണം നടന്നിട്ടുണ്ട്.
അടുത്തിടയില് സഹോദരി ദിയയുടെ പേരിലും നിരവധി ആരോപണങ്ങള് ഉയര്ന്നിരുന്നു. എന്നാല് ഇതിനെതിരെ ദിയ ശക്തമായ പ്രതികരണവുമായി രംഗത്ത് എത്തിയിരുന്നു.
https://www.facebook.com/Malayalivartha