രാത്രികാല കര്‍ഫ്യൂ ഉള്‍പ്പെടെ നിരോധനങ്ങളുള്ള സമയത്ത് അനാവശ്യമായി സ്വകാര്യവാഹനവുമായി പുറത്തിറങ്ങിയാല്‍ 2000 രൂപ പിഴ ഇടാക്കും. കര്‍ശനമായി പിഴ ഈടാക്കാനുള്ള നടപടികളും പൊലീസ്​ തുടങ്ങി.

നിരോധനം ലംഘിച്ച്‌​ പൊതുസ്ഥലങ്ങളില്‍ യോഗങ്ങള്‍ക്കോ വിവാഹ- മരണാനന്തര ചടങ്ങുകള്‍ക്കോ മറ്റു മതാഘോഷങ്ങള്‍ക്കോ കൂട്ടംകൂടിയാല്‍ 5000 രൂപ, അടച്ചുപൂട്ടല്‍ നിര്‍ദേശം നിലനില്‍​െക്ക അത്​ ലംഘിച്ച്‌​ സ്കൂളുകളോ ഓഫിസുകളോ ഷോപ്പുകളോ മാളുകളോ തുറന്നാല്‍ 2000 രൂപ, കോവിഡ്​ വ്യാപനം തടയുന്നതിനുള്ള നിര്‍ദേശങ്ങള്‍ ലംഘിച്ച്‌ കൂട്ടംചേരലോ ആഘോഷങ്ങളോ ആരാധനകളോ നടത്തിയാല്‍ 500 രൂപ എന്നിങ്ങനെയായിരിക്കും പിഴ. കോവിഡ് ബാധയുള്ള സ്ഥലങ്ങളിലേക്ക് ആരെങ്കിലും അനാവശ്യമായി പ്രവേശിക്കുകയോ അവിടെനിന്ന്​ ആരെങ്കിലും അനാവശ്യമായി പുറത്തുപോകുകയോ ചെയ്താലും 500 രൂപയായിരിക്കും​ പിഴ.

ക്വാറന്‍റീന്‍ ലംഘനത്തിന് 2000 രൂപ, അന്തര്‍സംസ്ഥാന തൊഴിലാളികള്‍ക്കുള്ള നിയന്ത്രണങ്ങള്‍ ലംഘിച്ചാല്‍ 500 രൂപ, പൊതുസ്ഥലത്ത് മാസ്ക് ​െവക്കാതിരുന്നാല്‍ 500 രൂപ, പൊതുസ്ഥലത്ത് അകലം പാലിക്കാതിരുന്നാല്‍ 500 രൂപ, വിവാഹചടങ്ങുകള്‍ക്കോ ആഘോഷങ്ങള്‍ക്കോ അനുവദനീയമായ ആളുകളില്‍ കൂടുതല്‍പേര്‍ പങ്കെടുക്കുകയോ അകലം പാലിക്കാതിരിക്കുകയോ ചെയ്താല്‍ 5000 രൂപ, മരണാനന്തരചടങ്ങുകളില്‍ അനുവദനീയമായതില്‍ കൂടുതല്‍ ആളുകള്‍ പങ്കെടുത്താല്‍ 2000 രൂപ എന്നിങ്ങനെയും പിഴ പുതുക്കി നിശ്​ചയിച്ചു.