സുധാകരൻമാർ ആർജ്ജവും വാക്കിന് ഉറപ്പും ഉള്ളവരും... പൊളിറ്റിക്കൽ ക്രിമിനലുകൾ എല്ലാ പാർട്ടിയിലും...
സുധാകരൻ എന്നു പേരുള്ളവരെല്ലാം അല്പം ആർജ്ജവും വാക്കിന് ഉറപ്പും ഉള്ളവരാണ്. സി പി എമ്മിൽ ആലപ്പുഴയിൽ ജി.സുധാകരനും കോൺഗ്രസ്സിൽ കണ്ണൂരിൽ കെ.സുധാകരനും ഇതിന് തെളിവാണ്. പിന്നെ പന്തളം സുധാകരൻ - അദ്ദേഹം ഒരു സാധു - രണ്ട് സുധാകരന്മാരും ഇടയ്ക്കിടയ്ക്ക് കേരളത്തെ രാഷ്ട്രീയ രംഗം ഒന്നു വിറപ്പിയ്ക്കും.
പൊളിറ്റിക്കൽ ക്രിമിനലുകൾ - ഇപ്പോൾ വിവാദ കൊടുമ്പിരി കൊണ്ടിരിക്കുകയാണ്. ആലപ്പുഴ സുധാകരൻ പദപ്രയോഗത്തിൽ സമർത്ഥനാണ്.അദേഹം കവി കൂടിയാണല്ലോ? അത് കൊണ്ട് ഒരു വലിയ പദ സഞ്ചയത്തിൻ്റെ ഉടമ കൂടിയാണ് സുധാകരകവികൾ - മുൻകാലങ്ങളിലും അദ് ദേഹത്തിൻ്റെ ചില പദപ്രയോഗങ്ങൾ രാഷ്ട്രീയ രംഗം ചർച്ച ചെയ്യുകയുണ്ടായി.
ഒരു പക്ഷേ സുധാകരകവികളുടെ പദപ്രയോഗം ഭാഷയ്ക്ക് ഒരു മുതൽകൂട്ട് ആയി മാറും. എന്തു പറഞ്ഞാലും സുധാകരൻ പറഞ്ഞത് ശരിയാണ്. പൊളിറ്റിക്കൽ ക്രിമിനലുകൾ എല്ലാ പാർട്ടി യിലും ഉണ്ട്. ആലപ്പുഴയിൽ അത് കൂടുതലാണ്. വിപ്ലവ വീര്യത്തിൻ്റെ മണ്ണ് ആണല്ലോ?അപ്പോൾ കൂടുന്നത് സ്വാഭാവികം. പൊളിറ്റിക്കൽ ക്രിമിനലുകൾ ഉള്ളതുകൊണ്ടാണല്ലോ സഖാവ് പി.കൃഷ്ണപിള്ള സ്മാരകം വരെ തീയിട്ട് നശിപ്പിച്ചത്.
തീയിൽ കുരുത്ത വിപ്ലവാവേശം എന്നിട്ടും അണയാതെ തന്നെ നിൽക്കുന്നുണ്ട്.സുധാകരന് എതിരെ പൊളിറ്റിക്കൽ ക്രിമിനലുകൾ വാൾ ഓങ്ങി നിൽക്കുമ്പോൾ അദ് ദേഹത്തിന് രക്ഷാകവചമായി നിൽക്കുന്നത് എതിരാളികൾ ആണ്.എം.ലിജുവിൻ്റെ പിന്തുണ നേടിയിരിക്കുന്നത് ശ്രദ്ധേയമാണ്.
അടിസ്ഥാനമില്ലാത്ത ആരോപണങ്ങളിലൂടെ സുധാകരനെ വേട്ടയാടുന്നതിനു കൂട്ടുനിൽക്കില്ലെന്നാണ് ലിജു വ്യക്തമാക്കിയത്.സുധാകരനു വേണ്ടി ആർ എസ് എസ് പ്രവർത്തകൻ മൃത്യുജ്ഞയഹോമം നടത്തിയതും അദ് ദേഹത്തിന് ശക്തി കൂട്ടിയിരിക്കുകയാണ്. മറ്റു പാർട്ടികളിലും പൊളിറ്റിക്കൽ ക്രിമിനലുകൾ ഉണ്ടെന്ന് പറയുമ്പോൾ സുധാകരനെപ്പോലുള്ളവർ ഇവിടെ വേണമെന്ന് എതിരാളികളും ആഗ്രഹിക്കുന്നു
എന്തായാലും സുധാകരനും ആലപ്പുഴയ്ക്കും ഇപ്പോൾ അനുഗ്രഹാശിസ്സുകൾ ധാരാളമുണ്ട്. തെരഞ്ഞെടുപ്പ് കാലത്ത് പുന്നപ്ര വയലാർ സ്മാരകത്തിൽ സന്ദീപ് വചസ്പതിയുടെ പുഷ്പാർച്ചനയിലൂടെ പാർട്ടിയ്ക്ക് അനുഗ്രഹാശിസ്സുകൾ ആവോളം ലഭിച്ചു. ഒടുവിൽ സുധാകരകവികൾക്ക് മൃത്യുജ്ഞയഹോമവും കൂടിയായപ്പോൾ അത് പൂർണ്ണമായി.
https://www.facebook.com/Malayalivartha