ആ കാർ കത്തിച്ചത് സരിതയെ കുരുക്കാൻ .... സോളാർ കേസിൽ ജയിലിൽ കഴിയുന്ന സരിതാ നായരെയും കോൺഗ്രസ് നേതാക്കളെയും കേസിൽ കുരുക്കാൻ പോലീസുണ്ടാക്കിയ ബുദ്ധിയാണ് കുണ്ടറയിലെ കാർ കത്തിക്കലെന്ന് സംശയം
29 APRIL 2021 11:56 AM IST
മലയാളി വാര്ത്ത
സ്വന്തം കാർ കത്തിക്കാൻ ശ്രമിച്ചതിന് പിന്നിൽ ഷിജു വർഗീസ് തന്നെയാണെന്ന് പോലീസ് നേരത്തെ കണ്ടെത്തിയിരുന്നു. ഇക്കാര്യം ഇലക്ഷൻ ദിവസം തന്നെ മന്ത്രി മേഴ്സിക്കുട്ടിയമ്മ ആരോപിച്ചിരുന്നു. തുടർന്നാണ് ഗോവയിൽവെച്ച് ഇയാളെ കസ്റ്റഡിയിലെടുത്തത്. ഇതിനു പിന്നാലെയാണ് ഉന്നത ഗൂഢാലോചന സംബന്ധിച്ച വിവരങ്ങളും പുറത്തുവരുന്നത്.
കേരളത്തിലെ ഒരു വിവാദനായകനായ ദല്ലാളും ഷിജു വർഗീസും ചേർന്നാണ് കാർ കത്തിക്കൽ അടക്കം ആസൂത്രണം ചെയ്തതെന്നാണ് പോലീസ് നൽകുന്ന വിവരം. ദല്ലാൾ എന്ന് അറിയപ്പെട്ടിരുന്നയാൾ വി എസ് അച്ചുതാനന്ദൻറെ വിശ്വസ്തനാണ്. എന്നാൽ ഇന്ന് രാവിലെ സർക്കാർ അത് മാറ്റി പറഞ്ഞിട്ടുണ്ട്.അത് സിപിഎം സമ്മർദ്ദത്തിൻറെ ഫലമായെന്നു വേണം കരുതാൻ. എറണാകുളം കാക്കനാട്ടെ ഫ്ളാറ്റിൽവെച്ചായിരുന്നു ഗൂഢാലോചന നടന്നത്. ദല്ലാൾ എന്നറിയപ്പെടുന്നയാളും ഷിജു വർഗീസും ദീർഘനാളായി സുഹൃത്തുക്കളാണ്. സരിതാ നായരെ ദല്ലാളിനെ ഷിജു വർഗീസിന് പരിചയപ്പെടുത്തിയത്. കുണ്ടറയിലെ സംഭവമുൾപ്പെടെ കേരളത്തിലെ 33 മണ്ഡലങ്ങളിലെ തിരഞ്ഞെടുപ്പ് അട്ടിമറിക്കാൻ ഇവർ പദ്ധതിയിട്ടെന്നാണ് വിവരം.
ആഴക്കടൽ മത്സ്യബന്ധന കരാർ വന്നതോടെ സരിതാ നായർ കോൺഗ്രസുമായി അടുപ്പം സ്ഥാപിച്ചെന്നാണ് സി പി എം കണക്കുകൂട്ടുന്നത്. കാർ കത്തിക്കൽ കേസിൽ നേരത്തെ അറസ്റ്റിലായ വിനുകുമാറാണ് കാറിന് നേരേ പെട്രോൾ ബോംബെറിഞ്ഞത്. ഇയാളെ പിടികൂടിയതിന് പിന്നാലെയാണ് കാർ കത്തിക്കലിന് പിന്നിലെ കൂടുതൽ രഹസ്യങ്ങൾ ചുരുളഴിഞ്ഞത്. നേരത്തെ ഷിജുവർഗീസിന്റെ ഡ്രൈവറിൽനിന്നാണ് പോലീസിന് നിർണായക വിവരങ്ങൾ ലഭിച്ചത്. ഈ വിവരങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് വിനുകുമാർ ഉൾപ്പെടെയുള്ളവർ പിടിയിലായത്. ഷിജു വർഗീസിന്റെ കാർ കത്തിച്ച കേസിൽ ഇതുവരെ അദ്ദേഹം ഉൾപ്പെടെ നാല് പ്രതികളാണുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
