അൽഫോൻസാമ്മ എന്ന കഥാപാത്രത്തിലൂടെ മലയാളികളുടെ മനസ്സിൽ ഇടം നേടിയ അഭിനേത്രിയാണ് അശ്വതി. ബിഗ് ബോസ് സീസൺ ത്രീ തുടങ്ങിയ കാലം മുതൽ അതിലെ ഓരോ വിശേഷങ്ങളും ഫേസ്ബുക്ക് കുറിപ്പിലൂടെ അശ്വതി പങ്കുവയ്ക്കാറുണ്ട്. എന്നാൽ അശ്വതിയുടെ കുറിപ്പുകളെ വിമർശിച്ച് പലരും രംഗത്ത് വന്നിരുന്നു.

ഈ കൊറോണ അതിതീവ്ര കാലഘട്ടത്തിൽ അതെ കുറിച്ച് പറയാതെ, ചിലരുടെ കണ്ണിലെ "ഊള പ്രോഗ്രാമിനെ" കുറിച്ച് യാതൊരു ചിന്തയുമില്ലാതെ പറയുന്നു എന്ന തരത്തിലുള്ള വിമർശനമാണ് വന്നിരിക്കുന്നത്. എന്നാൽ ഇങ്ങനെ പറഞ്ഞവർക്കുള്ള മറുപടി അശ്വതി പറയുന്നുണ്ട്. ഫെയ്സ്ബുക്ക് കുറിപ്പിലൂടെയാണ് അശ്വതി തനിക്ക് പറയാനുള്ളത് പങ്കു വച്ചത്. കുറിപ്പിന്റെ പൂർണ രൂപം ഇങ്ങനെ;

ഈ കൊറോണ അതിതീവ്ര കാലഘട്ടത്തിൽ അതെ കുറിച്ച് പറയാതെ, ചിലരുടെ കണ്ണിലെ "ഊള പ്രോഗ്രാമിനെ" കുറിച്ച് യാതൊരു ചിന്തയുമില്ലാതെ പറയുന്നു എന്നു പറയുന്നവരോട് ഒന്ന് പറഞ്ഞോട്ടെ.

നാട്ടിൽ ഉള്ള ആൾക്കാർ കൊറോണയിൽ നട്ടം തിരിയുന്നു എന്നു പറയുന്നല്ലോ. അതിൽ എന്റെ അപ്പനും അമ്മയും, എന്റെ ഭർത്താവിന്റെ അപ്പനും അമ്മയും, എന്റെ കുഞ്ഞ് മക്കളും എല്ലാവരും പെട്ടിട്ടുണ്ട് . അതിനാൽ വിഷമവും ഉണ്ട് .

കേരളത്തിന്റെ മാത്രമല്ല ഇന്ത്യയുടെയും അവസ്ഥയിൽ ഒരുപാട് വിഷമം ഉണ്ട് . ഈ ദുരിതം എത്രയും പെട്ടന്ന് ഈ ലോകത്തു നിന്നു തുടച്ചു നീക്കണമേ. എല്ലാരേയും ആരോഗ്യത്തോടെ കാക്കണമേ എന്നും കർത്താവിനോടും, കൃഷ്ണനോടും, അല്ലാഹുവിനോടും പ്രാർത്ഥിക്കുക!

അത് മുടങ്ങാതെ ചെയ്യുന്നുമുണ്ട്. അതുപോലെ എല്ലാരോടും ചുണ്ടത്തോ താടിയിലോ അല്ലാ മൂക്കത്ത് മാസ്ക് വെക്കാൻ പറഞ്ഞു കൊടുക്കുക , കഴിവതും വെളിയിൽ ഇറങ്ങാതിരിക്കുക അഥവാ ഇറങ്ങിയാൽ തിരിച്ചു കയറുമ്പോൾ കുളിച്ചു കഴിഞ്ഞ ശേഷം ബാക്കിയുള്ള കാര്യങ്ങൾ നോക്കുക എന്നു ഉപദേശിക്കുക, ഇതൊക്കെയേ എനിക്കിവിടിരുന്നു ചെയ്യാൻ സാധിക്കുകയുള്ളു.

ബാക്കി എല്ലാ കാര്യങ്ങളും നോക്കാൻ വിശ്വാസ യോഗ്യമായ ഒരു ഭരണകൂടം കേരളത്തിനുണ്ട്, സ്വന്തം ജീവനെ കുറിച്ച് ചിന്തിക്കാതെ അഹോരാത്രം പ്രവർത്തിക്കുന്ന ആരോഗ്യ പ്രവർത്തകർ ഉണ്ട്, അവരുടെ എല്ലാം കൈകളിൽ എന്റെ വീട്ടുകാർ സുരക്ഷിതർ ആണെന്ന പോലെ കേരളം മൊത്തം സുരക്ഷിതം ആകുമെന്ന് ബോധ്യമുണ്ട്.

പിന്നെ എല്ലാ ന്യൂസ്‌ ചാനലുകളും, മിക്ക ഫേസ്ബുക് പോസ്റ്റുകളും ഭീതി തരുന്നതാണ് ; അതിൽ നിന്നു ഞാനൊന്നു മാറി ചിന്തിച്ചു. അതും പുറത്ത് കറങ്ങി നടക്കാതെ, എന്റെ വീടിനുള്ളിൽ ഇരുന്നു, എന്റെ ജോലി തീർത്ത ശേഷം എന്റെ പേജിന്റെ വാളിൽ, എന്റെ ഭർത്താവിന്റെ പൂർണ പിന്തുണയോടെ ഒരു എന്റെർറ്റൈനിങ് പോസ്റ്റ്‌ ഇട്ടുകൊണ്ട് . അത്രേയുള്ളൂ .

ഇനി ഞാൻ ഇടുന്ന ബിഗ്‌ബോസിന്റെ പോസ്റ്റുകൾ കൊടുങ്കാറ്റിൽ ആനയെ പറത്തുന്നവന്മാർക്കും, കോണകം പറപ്പിക്കുന്നവന്മാർക്കും, എന്റെ ഉള്ള വില പോകുമല്ലോ എന്നു ആവലാതി പെടുന്നവർക്കും, വേണ്ടി ഉള്ളതല്ല .

അത് തികച്ചും ബിഗ്‌ബോസ് എന്ന പ്രോഗ്രാം അല്ലെങ്കിൽ ഗെയിംനെ ഇഷ്ട്ടപ്പെടുന്നവർക്കും , ഞാൻ എഴുതുന്നത് എത്രമാത്രം നല്ലത് എന്നു എനിക്ക് യാതൊരു ഗ്രാഹ്യവുമില്ല എന്നാലും അതിഷ്ട്ടമുള്ളവർക്കു വേണ്ടിയും മാത്രമുള്ളതാണ്. അതിപ്പോ ഒരാളെ ഉള്ളുവെങ്കിലും അവർക്കു മാത്രമായിട്ടുള്ള ഒരു പോസ്റ്റ്‌ .

പ്രോഗ്രാമിനെ വിമർശിക്കുന്നവർക്ക് സ്വാഗതം, വലിച്ചു കീറിക്കോളൂ ഞാൻ ഓരോ എപ്പിസോഡിനെ കുറിച്ച് എഴുതുന്നത് , കാരണം എന്റെ കണ്ണിലൂടെ അല്ലാ നിങ്ങൾ ഓരോരുത്തരും പ്രോഗ്രാം കാണുന്നത് എന്നു നല്ല ബോധ്യം എനിക്കുണ്ട്. പക്ഷെ അതിന്റെ അതിർവരമ്പുകളെ താണ്ടുന്നവരോട് ഒന്ന് പറഞ്ഞോട്ടെ.

നിങ്ങൾ കരഞ്ഞു തീർക്കു... എന്നെ ചീത്ത വിളിക്കു... അതോണ്ട് പോരാ എങ്കിൽ വീട്ടുകാരെയും വിളിക്കു... അങ്ങനെ ഒരു മനസുഖം നിങ്ങൾക്ക് ലഭിക്കുമ്പോൾ ഞാൻ കൃതർത്ഥ ആയി.

ഈ കൊറോണ കാലഘട്ടത്തിൽ പലവിധ പ്രശ്നങ്ങളിൽ ഇരിക്കുന്നവർ ആയിരിക്കും നിങ്ങൾ, I mean ഞാൻ ജോലിയും കൂലിയും ഇല്ലാതെ ഇരിക്കുന്നു എന്നു ആശങ്ക പെട്ടു ടെൻഷൻ അടിക്കുന്നവർ (അങ്ങനൊരു ആശങ്ക വേണ്ട എനിക്ക് ഒരു കുഞ്ഞ് ജോലിയൊക്കെ ഒണ്ട് കേട്ടോ),

പിന്നെ പല പല മാനസിക തകർച്ചകൾ ഒക്കെ നേരിട്ട് ആരെയെങ്കിലും എന്തേലുമൊക്കെ വിളിച്ചു മനസുഖം കണ്ടെത്തി ഒരു ദിവസം മുന്നോട്ടു തള്ളുന്നവർ , അവർക്കൊക്കെ ഒരു ആശ്വാസം എന്റെ പോസ്റ്റുകൾക്ക്‌ നൽകാൻ കഴിയുന്നുണ്ടല്ലോ എന്നു ആലോചിച്ചു കൃതാർത്ഥ ആയിക്കൊണ്ട് ഇരിക്കുവാണ് സൂർത്തുക്കളെ.