ഇടതിന് തുടര്‍ ഭരണം ലഭിക്കുമെന്ന എക്‌സിറ്റ് പോളുകള്‍ കണ്ടിട്ടും കോണ്‍ഗ്രസ് നേതാക്കള്‍ക്ക് കുലുക്കമില്ലാത്തത് എന്തുകൊണ്ടാണെന്ന ആശങ്കയില്‍ ഇടതുമുന്നണി.

തങ്ങള്‍ ഒരു എക്സ്റ്റ് പോളും കണ്ടിട്ടില്ലെന്നാണ് കോണ്‍ഗ്രസ് നേതാക്കള്‍ ചിരിച്ചുകൊണ്ടു പറയുന്നത്. എക്‌സിറ്റ് പോളല്ല യഥാര്‍ത്ഥ പോള്‍ എന്നാണ് കോണ്‍ഗ്രസ് നേതാക്കള്‍ പറയുന്നത്.

കഴിഞ്ഞ പാര്‍ലെമെന്റ് തിരഞ്ഞെടുപ്പിലെ ഉദാഹരണമാണ് കോണ്‍ഗ്രസ് ചൂണ്ടിക്കാണിക്കുന്നത്. ഇടതിന് മുന്‍തൂക്കം ലഭിക്കുമെന്നാണ് സര്‍വേ പ്രവചിച്ചത്. എന്നാല്‍ 19 സീറ്റില്‍ കോണ്‍ഗ്രസ് അധികാരത്തില്‍ വന്നു. കേന്ദ്രത്തില്‍ കോണ്‍ഗ്രസ് അധികാരത്തില്‍ വരുമെന്ന് തന്നെയാണ് സര്‍വേ പറഞ്ഞത് . എന്നാല്‍ അധികാര
ത്തിലെത്തിയത് ബി ജെ പിയാണ്.

അതിനിടെ തിങ്കളാഴ്ച തന്നെ സത്യപ്രതിജ്ഞ ചെയ്യാന്‍ പിണറായി വിജയന്‍ ഒരുങ്ങി കഴിഞ്ഞതായി ഒരു ദേശീയ പത്രം റിപ്പോര്‍ട്ട് ചെയ്തു.ഇതിനാവശ്യമായ നിര്‍ദ്ദേശം പൊതുഭരണവകുപ്പിന് നല്‍കിയതായും ദേശീയ പത്രം പറയുന്നു. പണ്ടൊരു ചൊല്ലുണ്ട്. കുഞ്ഞ് ജനിക്കും മുമ്പ് കുഞ്ഞുടുപ്പുകള്‍ വാങ്ങിയാല്‍ കുഞ്ഞ് ഗര്‍ഭത്തില്‍ മരിക്കുമെന്ന്. അതാണ് പിണറായിയുടെ കാര്യത്തില്‍ സംഭവിക്കാന്‍ പോകുന്നതെന്നാണ് പറയപ്പെടുന്നത്.

നാളെ രാവിലെ 8 മുതല്‍ വോട്ടെണ്ണല്‍ തുടങ്ങും. ഉച്ചയോടെ ഫലപ്രഖ്യാപനം പൂര്‍ത്തിയായേക്കും. പോസ്റ്റ്‌പോള്‍ സര്‍വ്വേ സൂചന അനുസരിച്ച് എല്‍ഡിഎഫ് ഭരണത്തുടര്‍ച്ച ഉറപ്പിക്കുന്നു. അതേസമയം സര്‍വ്വേ ഫലങ്ങളെ മറികടന്ന് ഭരണം പിടിക്കാമെന്ന ആത്മവിശ്വാസത്തിലാണ് യുഡിഎഫ്.

ഏഷ്യാനെറ്റ് സീഫോര്‍ പോസ്റ്റ്‌പോള്‍ സര്‍വ്വേയടക്കം ഭൂരിപക്ഷം സര്‍വ്വേകളും ഭരണത്തുടര്‍ച്ചയാണ് പ്രവചിക്കുന്നത്.ചില സര്‍വ്വേകളനുസരിച്ച് എല്‍ഡിഎഫിന് 100 സീറ്റിന് മുകളില്‍ ലഭിച്ചേക്കുമെന്നാണ് സൂചന.

സര്‍വ്വേഫലങ്ങള്‍ നല്‍കുന്ന ആത്മവിശ്വാസത്തില്‍, വോട്ടെണ്ണലിന് മണിക്കൂറുകള്‍ ബാക്കി നില്‍ക്കെ എല്‍ഡിഎഫ് ഭരണം ഉറപ്പിച്ചു കഴിഞ്ഞു.സര്‍വ്വേഫലങ്ങള്‍ തിരിച്ചടിയാണെങ്കിലും യുഡിഎഫ് അത് പുറത്ത് കാണിക്കുന്നില്ല.സര്‍ക്കാര്‍ വിരുദ്ധ വികാരം പ്രതിഫലിക്കുമെന്ന് തന്നെയാണ് യുഡിഎഫ് വിലയിരുത്തുന്നത്.

നേരിയ സീറ്റുകളുടെ ഭൂരിപക്ഷത്തിന് അധികാരത്തിലത്തൊമെന്നാണ് യുഡിഎഫ് പ്രതീക്ഷിക്കുന്നത്.സര്‍വ്വേകള്‍ കാര്യമായ നേട്ടം പ്രവചിക്കുന്നില്ലെങ്കിലും ബിജെപിയും ശക്തമായി രംഗത്തുണ്ട്.സീറ്റ് നേട്ടം രണ്ടക്കം പിന്നിടുകയും ഇരു മുന്നണികള്‍ക്കും ഭൂരിപക്ശമില്ലാത്ത സാഹചര്യവും ഉണ്ടാകുമെന്ന് തന്നെയാണ് ബിജെപിയുടെ വിലയിരുത്തല്‍.

നാളെ രാവിലെ 8 മണിക്ക് വോട്ടെണ്ണല്‍ ആരംഭിക്കും. തപാല്‍ വോട്ടുകളാണ് ആദ്യം എണ്ണുക. 80 വയസ്സ് പിന്നട്ടവര്‍ കോവിഡ് രോഗികള്‍ ഉള്‍പ്പെട 5 ലക്ഷത്തിലേറെ തപാല്‍ വോട്ടുകളാണുള്ളത്. എട്ടരയോടെ സമാന്തരമായി വോട്ടിംഗ് മെഷിനുകളിലെ വോട്ടെണ്ണും.ഓരെ മണ്ഡലത്തിലേയും വോട്ടെണ്ണുന്നതിനായി മൂന്ന് ഹാളുകളിലായി 21 മേശകളാണ് സജ്ജീകരിച്ചിരിക്കുന്നത്.ഒരു റൗണ്ടില്‍ 21 ബൂത്തുകളിലെ വോട്ടെണ്ണും.

2,02602 പോളിംഗ് ഉദ്യോഗസ്ഥരെയാണ് നിയോഗിച്ചിരിക്കുന്നത്.ഉച്ചയോടെ ഫലപ്രഖ്യാപനം പൂര്‍ത്തിയാക്കാനാകുമെന്നാണ് പ്രതീക്ഷ. വോട്ടെണ്ണി തുടങ്ങുന്നതു മുതല്‍ ഫല പ്രഖ്യാപനം വരെ ഓരോ മണ്ഡലത്തിലേയും തത്സമയ വിവരങ്ങള്‍ പ്രേക്ഷകരിലേക്ക് എത്തിക്കുന്നതിന് വാര്‍ത്താ ചാനലുകളും ഓണ്‍ലൈന്‍ മാധ്യമങ്ങളും വിപുലമായ സംവിധാനം ഒരുക്കിയിട്ടുണ്ട്.ഭരണതുടര്‍ച്ചയോ, ഭരണമാറ്റമോ,കാത്തിരിപ്പ് അവസാനിക്കാന്‍ ഇനി മണിക്കൂറുകള്‍ മാത്രമാണുള്ളത്

മലയാളത്തിലെ ഒരു പ്രമുഖ പത്രം അവരുടെ വാര്‍ത്താ ചാനല്‍ നടത്തിയ സര്‍വേക്കെതിരെ രംഗത്തെത്തി. ചാനലിന്റെ സര്‍വേ വിശ്വാസയോഗ്യമല്ലെന്ന് പത്രത്തിന്റെ മേധാവികള്‍ പറയുന്നു. ചാനല്‍ സര്‍വേ പത്രം ഒന്നാം പേജില്‍ നല്‍കിയെങ്കിലും താഴെ അറ്റത്ത് ഒതുക്കിയാണ് നല്‍കിയത്.