കേരളത്തെ സംബന്ധിച്ച് ഏറെ നിര്‍ണായകമായ തെരഞ്ഞെടുപ്പാണിത്. ഒന്നു പിഴച്ചാല്‍ പിന്നെയില്ല എന്ന മട്ടിലാണ് കാര്യങ്ങള്‍ പോകുന്നത്. ചാനലുകളുടെ സര്‍വേഫലം വിജയിക്കുമോ തകര്‍ന്നടിയുമോ എന്ന് മണിക്കൂറുകള്‍ക്കകം തിരിച്ചറിയാനറിയാം. എല്ലാവരും ഒറ്റെക്കെട്ടായി വീട്ടിലിരിക്കുകയാണ്, ഫലം കാത്ത്.

തുടര്‍ഭരണമോ ഭരണമാറ്റമോ ഇന്നുറപ്പിക്കാം. ഒരു മാസത്തോളം നീണ്ട കാത്തിരിപ്പ് അവസാനിപ്പിച്ച്, വോട്ടെണ്ണലിന്റെ ഫലം അറിയാന്‍ കേരളം ഇന്ന് കൊവിഡ് ഭീതിയില്‍ വരിഞ്ഞുമുറുകിയ ആകാംക്ഷയുമായി ചാനലുകള്‍ക്കു മുന്നില്‍ കാത്തിരിക്കും. ജയപരാജയങ്ങള്‍ മഹാമാരിയില്‍ മുങ്ങിപ്പോകുന്ന ഇങ്ങനെയൊരു വോട്ടെണ്ണല്‍ കേരള ചരിത്രത്തില്‍ ആദ്യം.

രാവിലെ 10 മണിക്കുമുമ്പ് ആദ്യ സൂചന വരും. അന്തിമ ഫലം വൈകിട്ട് നാലോടെ അറിയാന്‍ സാധിക്കും. എട്ടു മണിക്ക് വോട്ടെണ്ണല്‍ തുടങ്ങാന്‍ സ്‌ട്രോങ് റൂമുകള്‍ ആറു മണിക്ക് തുറന്നു.

വോട്ടിംഗ് യന്ത്രം കൗണ്ടിംഗ് ഹാളുകളിലേക്ക് കൊണ്ടുവരികയാണ്. ആദ്യം തപാല്‍ വോട്ട് എണ്ണും. എട്ടു മണിക്ക് മുമ്പ് എത്തിക്കുന്ന തപാല്‍ വോട്ടുകളും സ്വീകരിക്കും. 80 കഴിഞ്ഞവര്‍, കൊവിഡ് രോഗികള്‍, ഭിന്നശേഷിക്കാര്‍, അവശ്യ സര്‍വീസുകാര്‍, പോളിംഗ് ഉദ്യോഗസ്ഥര്‍ എന്നിങ്ങനെതപാല്‍ വോട്ടുകള്‍ കൂടിയതിനാല്‍ അതിന്റെ ഫലം അറിയാന്‍ 9.30 ആകുമെന്നാണ് സൂചന.

സാമൂഹിക അകലത്തിനായി ബൂത്തുകള്‍ കൂട്ടിയതിനാല്‍ വോട്ടിംഗ് യന്ത്രങ്ങളും കൂടുതലാണ്. കൗണ്ടിംഗ് ടേബിളുകള്‍ ഓരോ ഹാളിലും 21 ആയി ഉയര്‍ത്തി. ഒരു യന്ത്രത്തില്‍ പരമാവധി 1000 വോട്ടാണ് ചെയ്യാവുന്നത്. മൊത്തം വോട്ടും ചെയ്ത ബൂത്തുകള്‍ കുറവാണ്. അതിനാല്‍, ഓരോ യന്ത്രത്തിലെയും വോട്ട് എണ്ണാനുള്ള സമയവും വ്യത്യസ്തമായിരിക്കും. സാങ്കേതികമായി, ഒരു ഹാളില്‍ നിന്ന് 21,000 വോട്ടുകളുടെ ഫലം അറിയാം. യന്ത്രങ്ങള്‍ കൂടുതലുള്ളതിനാല്‍ ഫലം അറിയാന്‍ കൂടുതല്‍ സമയമെടുക്കും.

ഫലം വരുന്നത് 17സി ഫോമില്‍ വോട്ട്‌നില രേഖപ്പെടുത്തും. ഏജന്റുമാര്‍ ഒപ്പുവയ്ക്കും തിര.കമ്മിഷന്റെ സോഫ്റ്റ്‌വെയറില്‍ വോട്ടുനില അപ് ലോഡ് ചെയ്യും അത് കമ്മിഷന്റെ വെബ്‌സൈറ്റില്‍ വരും. ഹാളിലെ സ്‌ക്രീനിലും തെളിയും തപാല്‍വോട്ടിനെക്കാള്‍ കുറവാണ് വിജയിയുടെ ഭൂരിപക്ഷമെങ്കില്‍ അവ വീണ്ടും എണ്ണും

ഈ തിരഞ്ഞെടുപ്പില്‍ 140 മണ്ഡലങ്ങളും 957 സ്ഥാനാര്‍ത്ഥികളും 2.67 കോടി വോട്ടര്‍മാരും 74.06 % പോളിംഗുമാണുള്ളത്. പോസ്റ്റല്‍ വോട്ട് വിതരണം ചെയ്ത ബാലറ്റ് 5,84,238 ഉം തിരിച്ചെത്തിയത് 4,54,237മാണ്. ശേഷിക്കുന്ന 1,30,001 ഇന്ന് എട്ടു മണിക്ക് മുമ്പ് കിട്ടണം

വോട്ടെണ്ണല്‍ കേന്ദ്രങ്ങള്‍ 114 എണ്ണവും ബാലറ്റ് യൂണിറ്റുകള്‍ 50,496 മാണുള്ളത്. ഒരുഹാളില്‍ ടേബിള്‍ 21 എണ്ണമാണ്. മൊത്തം 9 റൗണ്ട് ഉണ്ടാകും. എണ്ണുന്ന ജീവനക്കാര്‍ 24,709 ഉണ്ടാകും.

എക്‌സിറ്റ് പോള്‍ സര്‍വേകളാണ് മുന്നണികളെ ആശയക്കുഴപ്പത്തിലാക്കിയത്. തികഞ്ഞ വിജയപ്രതീക്ഷയോടെ എല്‍ഡിഎഫും. അവസാന പ്രതീക്ഷ വച്ച് യുഡിഎഫും വോട്ടെണ്ണല്‍ കാത്തിരിക്കുകയാണ്. ഓരോ ഫലവും മുന്നണികളുടെ കെട്ടുറപ്പിനെ ബാധിക്കും. ജയിച്ചാല്‍ മറ്റെല്ലാം മറക്കും തോറ്റാല്‍ പിന്നെ വിലുപ്പലുക്കലാകും.

തുടര്‍ഭരണം എന്ന ലക്ഷ്യം സ്വപ്നം കാണുന്നെങ്കിലും സിറ്റിംഗ് സീറ്റുകള്‍ പലതും കൈവിടുമോ എന്ന കനത്ത ആശങ്കയില്‍ സി പി എം. ഇതില്‍ പലതും ഉറച്ച കോട്ടകളാണെന്നതാണ് ഏറെ പ്രാധാന്യം. യു ഡി എഫ് ബി ജെ പി നീക്കുപോക്ക് ശക്തമായതാണ് ഇത്തരമൊരു ആശങ്കയിലേക്ക് എത്തിച്ചതെന്നാണ് പാര്‍ട്ടി നേതാക്കള്‍ നല്‍കുന്ന സൂചന.

വോട്ടുകച്ചവടത്തിനൊപ്പം പട്ടികവര്‍ഗവിഭാഗങ്ങളിലടക്കം തെറ്റിദ്ധാരണയുണ്ടാക്കി വോട്ട് തങ്ങള്‍ക്കനുകൂലമാക്കാനും യു ഡി എഫ് വ്യാപക ശ്രമം നടത്തി എന്നും സി പി എം വിലയിരുത്തുന്നു. എന്തായാലും ആദ്യഫലം വരുന്നതോടെ സൂചനകള്‍ കിട്ടിത്തുടങ്ങും.