സമ്പൂർണ്ണ ലോക്ക് ഡൗൺ; വ്യാഴാഴ്ച്ച രാത്രി മുതല്‍ വെള്ളിയാഴ്ച്ച രാത്രി വരെ പരമാവധി ബസുകള്‍ സര്‍വീസ് നടത്തുമെന്ന് കെ.എസ്‌ആര്‍ടിസി; ബെംഗളൂരുവില്‍നിന്ന് അടിയന്തരമായി കേരളത്തിലേക്ക് വരേണ്ടവര്‍ക്ക് സര്‍ക്കാര്‍ നിര്‍ദേശപ്രകാരം അധികം മൂന്നു ബസുകൾ കൂടി
സംസ്ഥാനത്ത് മേയ് എട്ട് മുതല്‍ 16 വരെ സമ്പൂര്‍ണ ലോക്ഡൗണ്‍ പ്രഖ്യാപിച്ച സാഹചര്യത്തില്‍ കെ.എസ്‌ആര്‍ടിസി ദീര്‍ഘദൂര യാത്രക്കാരുടെ ആവശ്യാനുസരണം വ്യാഴം രാത്രി മുതല്‍ വെള്ളി രാത്രി വരെ പരമാവധി ബസുകള്‍ സര്‍വീസ് നടത്തുമെന്ന് കോര്‍പ്പറേഷന്‍ എം.ഡി ബിജു പ്രഭാകര്‍ അറിയിച്ചു.
ബെംഗളൂരുവില്‍നിന്ന് അടിയന്തരമായി കേരളത്തിലേക്ക് വരേണ്ടവര്‍ക്ക് വേണ്ടി സര്‍ക്കാര്‍ നിര്‍ദേശപ്രകാരം മൂന്നു ബസുകളും ഏര്‍പ്പാടാക്കി.
ആശുപത്രി ജീവനക്കാര്‍ക്കും രോഗികള്‍ക്കുമായി സര്‍വീസ് നടത്തുന്നതിന് കെഎസ്‌ആര്‍ടിസി തയാറാണ്. അതിന് ബന്ധപ്പെട്ട ആശുപത്രി സൂപ്രണ്ടുമാര്‍ അതാത് സ്ഥലങ്ങളിലെ യൂണിറ്റ് ഓഫിസര്‍മാരെ അറിയിച്ചാല്‍ ആവശ്യമുള്ള സര്‍വീസുകള്‍ നടത്തും.അല്ലെങ്കില്‍ കെഎസ്‌ആര്‍ടിസിയുടെ കണ്‍ട്രോള്‍ റൂമില്‍ ബന്ധപ്പെട്ടാലും സജ്ജീകരണം ഒരുക്കും. കണ്‍ട്രോള്‍ റൂം നമ്ബര്‍: 9447071021, 0471 2463799.
ലോക്ഡൗണ്‍ പ്രഖ്യാപിച്ച സാഹചര്യത്തില്‍ വ്യാഴാഴ്ചയും വെള്ളിയാഴ്ചയും യാത്രക്കാരുടെ തിരക്ക് പ്രത്യേകിച്ച്‌ വൈകുന്നേരങ്ങളില്‍ അനുഭവപ്പെടാന്‍ സാധ്യതയുള്ളതിനാല്‍ എല്ലാ യൂണിറ്റ് ഓഫിസര്‍മാരും ദീര്‍ഘദൂര സര്‍വീസുകള്‍ ഉള്‍പ്പെടെ യാത്രക്കാരുടെ തിരക്കിനനുസരിച്ച്‌ പരാതിരഹിതമായി കൂടുതല്‍ സര്‍വീസുകള്‍ നടത്തണമെന്നും സി.എം.ഡി നിര്‍ദേശിച്ചു.
https://www.facebook.com/Malayalivartha
