പാസ് ഇല്ലെങ്കില് കേസ് .... ഇന്നു മുതല് അടിയന്തര യാത്രയ്ക്ക് പൊലീസ് പാസ് നിര്ബന്ധം... പാസ് ലഭിക്കാന് ശ്രദ്ധിക്കേണ്ട കാര്യങ്ങള്
പാസ് ഇല്ലെങ്കില് കേസ് .... ഇന്നു മുതല് അടിയന്തര യാത്രയ്ക്ക് പൊലീസ് പാസ് നിര്ബന്ധം... പാസ് കൈവശമില്ലെങ്കില് ദുരന്തനിവാരണ നിയമപ്രകാരം കേസെടുക്കും. നിശ്ചിത സ്ഥലത്തേക്ക് നിശ്ചിത സമയത്ത് പോയി വരാനുള്ള പാസാണ് നല്കുന്നത്.
ആ സ്ഥലത്തേക്കേ യാത്ര പാടുള്ളൂ. പാസ് ലഭിക്കുന്ന വ്യക്തിക്കു മാത്രമാണ് യാത്ര. മറ്റൊരാളെ കൂട്ടാനാവില്ല. അടുത്ത ബന്ധുവിന്റെ മരണം, വിവാഹം, വളരെ അടുത്ത ബന്ധുവായ രോഗിയെ സന്ദര്ശിക്കല്, രോഗിയെ ചികിത്സയ്ക്കായി കൊണ്ടുപോകല് മുതലായവയ്ക്കു മാത്രമേ ജില്ലവിട്ട് യാത്ര അനുവദിക്കൂ.\
ലോക്ക്ഡൗണ് കാലത്ത് അടിയന്തര യാത്രയ്ക്ക് കേരള പൊലീസ് നല്കുന്ന പാസിന് അപേക്ഷിക്കാനുള്ള വെബ്സൈറ്റ് പ്രവര്ത്തനം ആരംഭിച്ചു. പാസ് ലഭിക്കാനായി പൊലീസിന്റെ pass.bsafe.kerala.gov.in എന്ന വെബ്സൈറ്റ് ഉപയോഗിക്കുക.
അപേക്ഷയുടെ ഗൗരവം അനുസരിച്ച് പാസ്സ് അനുവദിക്കപ്പെടുന്നതാണ്. അപേക്ഷിച്ചതിന് ശേഷം ലിങ്കിലെ ചെക്ക് സ്റ്റാറ്റസ് മെനുവില് നിന്നും പാസ് അനുവദിക്കപ്പെട്ടിട്ടുണ്ടോ എന്ന വിവരം മനസിലാക്കാവുന്നതാണ് . ഈ പാസ്സ് പ്രിന്റെടുത്തോ സ്ക്രീന് ഷോട്ടായോ യാത്രയില് ഉപയോഗിക്കാം.
പാസ് എടുക്കുന്നതെങ്ങനെ
പാസ് എടുക്കാനായി പോലീസിന്റെ വെബ്സൈറ്റില് കയറുക. 'പാസ് ' എന്നതിനു താഴെ പേര്, വിലാസം, വാഹനത്തിന്റെ നമ്പര്, പോകേണ്ട സ്ഥലം, തീയതി, സമയം, മൊബൈല് നമ്പര് നല്കണം.
അവശ്യ വിഭാഗത്തിലെ തിരിച്ചറിയല് കാര്ഡ് ഇല്ലാത്തവര്ക്കും വീട്ടുജോലിക്കാര്, തൊഴിലാളികള് എന്നിവര്ക്കും അപേക്ഷിക്കാം.. ഇവര്ക്കുവേണ്ടി തൊഴില്ദായകര്ക്കും അപേക്ഷിക്കാം.
വീട്ട് ജോലിക്ക് പോകുന്നവര് പോകുന്ന വീട് കാണിച്ച് അപേക്ഷിക്കണം. വീട്ടുടമയ്ക്കും പാസെടുത്ത് നല്കാം. വെബ്സൈറ്റില് നിന്നു പാസ് ഡൗണ്ലോഡ് ചെയ്യാം. പാസിനോടൊപ്പം തിരിച്ചറിയല് കാര്ഡും കരുതണം.
വാക്സിനേഷനു പോകുന്നവര്ക്കും അത്യാവശ്യസാധനങ്ങള് വാങ്ങാന് തൊട്ടടുത്തുളള കടകളില് പോകുന്നവര്ക്കും സത്യവാങ്മൂലം മതി. അതിന്റെ മാതൃക വെബ്സൈറ്റില് ലഭിക്കും. ഈ മാതൃകയില് വെളളപേപ്പറില് സത്യവാങ്മൂലം തയ്യാറാക്കിയാലും മതി.നിര്മ്മാണമേഖലകൂടുതല് തൊഴിലാളികള് ആവശ്യമായ നിര്മ്മാണമേഖലകളില് പണി നിറുത്തി വച്ചു.വീട് പണിയടക്കം വളരെ കുറച്ച് ജോലിക്കാര് മാത്രമുള്ള നിര്മ്മാണങ്ങള് പാസ് എടുത്ത് തുടരാം.
്അതേസമയം അത്യാവശ്യ സന്ദര്ഭങ്ങളില് യാത്ര ചെയ്യുന്നതിനാവശ്യമായ പാസ് ഓണ്ലൈനില് ലഭിക്കുവാന് യാത്രക്കാര് പേര്, മേല്വിലാസം, വാഹനത്തിന്റെ നമ്പര്, സഹയാത്രികന്റെ പേര്, യാത്ര പോകേണ്ടതും തിരിച്ചു വരേണ്ടതുമായ സ്ഥലം, തീയതി, സമയം, മൊബൈല് നമ്പര്, ഐഡന്റിറ്റി കാര്ഡ് വിവരങ്ങള് തുടങ്ങിയവ നല്കി അപേക്ഷ സമര്പ്പിക്കേണ്ടതാണ്.
ഈ വിവരങ്ങള് പൊലീസ് കണ്ട്രോള് സെന്ററില് പരിശോധിച്ച ശേഷം യോഗ്യമായ അപേക്ഷകള്ക്ക് അനുമതി നല്കുന്നതാണ്.
യാത്രക്കാര്ക്ക് തങ്ങളുടെ അപേക്ഷയുടെ സ്റ്റാറ്റസ് വെബ്സൈറ്റില് നിന്നു മൊബൈല് നമ്പര്, ജനന തീയതി എന്നിവ നല്കി പരിശോധിക്കാവുന്നതും, അനുമതി ലഭിച്ചതായ യാത്ര പാസ് ഡൗണ്ലോഡ് ചെയ്തോ, സ്ക്രീന് ഷോട്ട് എടുത്തോ ഉപയോഗിക്കാവുന്നതാണ് .
യാത്രാ വേളയില് ഇവയോടൊപ്പം അപേക്ഷയില് പറഞ്ഞിരിക്കുന്ന തിരിച്ചറിയല് രേഖയും പൊലീസ് പരിശോധനയ്ക്കായി നിര്ബന്ധമായും ലഭ്യമാക്കണം.
അവശ്യ സര്വീസ് വിഭാഗത്തില്പ്പെട്ടവര്ക്ക് ലോക്ക്ഡൗണ് സമയത്ത് യാത്ര ചെയ്യുന്നതിന് അവരുടെ സ്ഥാപനം നല്കുന്ന തിരിച്ചറിയല് കാര്ഡ് ഉപയോഗിക്കാം. ഇവര്ക്ക് പ്രത്യേകം പൊലീസ് പാസിന്റെ ആവശ്യമില്ല. വീട്ടുജോലിക്കാര്ക്കും, കൂലിപ്പണിക്കാര്ക്കും, തൊഴിലാളികള്ക്കും നേരിട്ടോ, അവരുടെ തൊഴില്ദാതാക്കള് മുഖേനയും, മറ്റുള്ളവര്ക്ക് വളരെ അത്യാവശ്യമായാ യാത്രകള്ക്കും മാത്രം പാസ്സിന് അപേക്ഷിക്കാവുന്നതാണ്.
"
https://www.facebook.com/Malayalivartha
