അന്നേ ഓങ്ങിവച്ചത് ഇതാ... ഒ രാജഗോപാല് ഒന്ന് മനസ് വച്ചിരുന്നെങ്കില് കുമ്മനം ഉള്പ്പെടെ പലരും ജയിക്കുമെന്ന് വിശ്വസിക്കുന്നവരാ പാര്ട്ടിക്കാര്; തെരഞ്ഞെടുപ്പിന് മുമ്പ് പോലും കുമ്മനത്തിന്റെ കാര്യം സംശയം പ്രകടിപ്പിച്ചു; കലി തുള്ളിയ പ്രവര്ത്തകര് ഒരവസരം വന്നപ്പോള് ഒ രാജഗോപാലിനെതിരെ ആഞ്ഞടിക്കുന്നു
എന്തൊക്കെ പറഞ്ഞാലും ഒ രാജഗോപാലെന്ന രാജേട്ടന് പാര്ട്ടിക്കാര്ക്ക് പ്രിയങ്കരനാണ്. അല്ലെങ്കില് കാണാമായിരുന്നു. പല വട്ടം സിപിഎം അനുകൂല നിലപാടെടുത്തിട്ടും ക്ഷമിച്ചു. എന്നാല് അനവസരത്തിലുള്ള രാജഗോപാലിന്റെ പ്രസ്താവന കണ്ട് സകല പാര്ട്ടിക്കാരും ഇടപെടുകയാണ്.
എന്റെ രാജേട്ടാ... ഈ പണി നേരത്തെ തുടങ്ങിയെങ്കില് അഞ്ച് സീറ്റ് കിട്ടിയേനെ... ഒ രാജഗോപാലിനെ ഒറ്റുകാരനെന്നും പാപിയെന്നും വിളിച്ച് രോഷം പ്രകടിപ്പിച്ച് സംഘപരിവാര് അനുകൂലികള്.
നേമത്തെ മുന് എംഎല്എയും ബിജെപിയുടെ മുതിര്ന്ന നേതാവുമായ സോഷ്യല് മീഡിയാ പോസ്റ്റിനു കീഴിലായി രോഷം പ്രകടിപ്പിച്ച് ബിജെപി/സംഘപരിവാര് അനുകൂലികള്. ഇത്തവണ നേമത്തെ ബിജെപി സ്ഥാനാര്ത്ഥിയായിരുന്ന കുമ്മനം രാജശേഖരന് തോല്ക്കാന് കാരണമായത്ത് രാജഗോപാലിന്റെ നിലപാടുകയായിരുന്നു എന്നാണ് ഇവര് ഉയര്ത്തുന്ന പ്രധാന വിമര്ശനം.
കേരളത്തിലെ മൂന്നു ജില്ലകളില് കേന്ദ്ര സര്ക്കാര് ഓക്സിജന് പ്ലാന്റുകള് അനുവദിച്ച കാര്യം തന്റെ ഫേസ്ബുക്ക് പോസ്റ്റിലൂടെ അദ്ദേഹം പങ്കുവച്ചിരുന്നു. കൊല്ലം, ആലപ്പുഴ, കോട്ടയം ജില്ലകളില് പുതിയ ഓക്സിജന് പ്ലാന്റുകള് അനുവദിച്ച് കേന്ദ്ര സര്ക്കാര് എന്ന തലക്കെട്ടോടുകൂടിയാണ് രാജഗോപാല് ഇക്കാര്യം പോസ്റ്റ് ചെയ്തത്.
ഈ പോസ്റ്റിന് കീഴിലായിട്ടാണ് അദ്ദേഹത്തെ ഒറ്റുകാരനെന്നും പാപിയെന്നും നീചനെന്നും വിളിച്ചുകൊണ്ട് ബിജെപി, സംഘപരിവാര് അനുകൂലികള് എത്തിയത്.
ഇക്കൂട്ടത്തില് ഒരാള് അനുനയപൂര്വ്വം 'എന്റെ രാജേട്ടാ... ഈ പണി നേരത്തെ തുടങ്ങിയെങ്കിലും അഞ്ച് സീറ്റ് കേരളത്തില് കിട്ടിയേനെ'എന്ന് പറയുമ്പോള് 'എന്ത് പോസ്റ്റിട്ടാലും നിങ്ങളെ ചതിയനായിട്ട് മാത്രമേ കാണാന് സാധിക്കുന്നു' എന്ന് മറ്റൊരാള് പറയുന്നു. നേമത്തടക്കം അടിയുറച്ച ബിജെപി വോട്ടുകള് ചോര്ന്നെന്ന് ഇന്നലെ ചേര്ന്ന ബിജെപി സംസ്ഥാന കമ്മിറ്റി യോഗത്തില് വിലയിരുത്തിയിരുന്നു.
നിയമസഭാ പ്രസംഗം മുതല് ദീപം തെളിയിച്ചതുവരെ പല കുറ്റങ്ങളാണ് രാജഗോപാലിനെതിരെ ചുമത്തുന്നത്. തുടര്ഭരണം ലഭിച്ചതിന്റെ സന്തോഷം വീടുകളില് ദീപം തെളിച്ച് ഇടതുപ്രവര്ത്തകര് ആഘോഷിച്ച അതേദിവസം തന്നെ ബംഗാളിലെ അക്രമങ്ങള്ക്കെതിരെ ഹിന്ദു ഐക്യവേദി വൈകിട്ട് 6ന് വീടുകളില് ദീപം തെളിച്ച് സേവ് ബംഗാള് ദിനം ആചരിച്ചത് സമൂഹമാധ്യമങ്ങളില് ആശയക്കുഴപ്പത്തിനിടയാക്കി.
വെള്ളിയാഴ്ച രാത്രി കയ്യില് ദീപമേന്തിയ ചിത്രം ബിജെപിയുടെ മുതിര്ന്ന നേതാവും മുന് എംഎല്എയുമായ ഒ. രാജഗോപാല് സമൂഹമാധ്യമത്തില് പങ്കുവച്ചതും ചര്ച്ചയായി. ഹിന്ദു ഐക്യവേദി അധ്യക്ഷയായ കെ.പി. ശശികലയുടെ ആഹ്വാനപ്രകാരമാണ് ടാഗോര് ജയന്തി ദിനമായ വെള്ളിയാഴ്ച ഒ.രാജഗോപാല് ബംഗാളിലെ അക്രമങ്ങളില് പ്രതിഷേധിച്ച് ദീപത്തിന്റെ ചിത്രം പങ്കുവച്ചത്. എന്നാല് ബിജെപി ഇത്തരത്തിലൊരു പ്രതിഷേധത്തിന് ആഹ്വാനം ചെയ്തിട്ടില്ലെന്ന് പലരും കമന്റ് ബോക്സില് അറിയിക്കുകയായിരുന്നു.
അതേസമയം കേരളത്തില് ബിജെപിയ്ക്ക് വളര്ച്ച കൈവരിക്കാന് സാധിക്കാത്തതിന് കാരണം ഉയര്ന്ന സാക്ഷരതയാണെന്ന് ഒ രാജഗോപാല് പറഞ്ഞത്. സംസ്ഥാനത്തെ ജനങ്ങള്ക്ക് ഉയര്ന്ന സാക്ഷരതയുള്ളതിനാല് അവര് ചിന്തിക്കുകയും സംവദിക്കുകയും ചെയ്യുന്നുണ്ടെന്നും അതാണ് ബിജെപി പെട്ടെന്ന് വളരാത്തതെന്നും രാജഗോപാല് പറഞ്ഞു. ഇതിനെല്ലാമുള്ള കലി തീര്ക്കുകയായിരുന്നു ബിജെപിക്കാര്.
"
https://www.facebook.com/Malayalivartha
