എല്ലാ ജില്ലകളും വരും... ടെസ്റ്റ് പോസിറ്റിവിറ്റി 10 ശതമാനത്തിന് മുകളില് ആയ 533 ജില്ലകള് അടച്ചിടണമെന്ന് കേന്ദ്രത്തിന് ഐ.സി.എം.ആര് നിര്ദ്ദേശം; കേരളത്തിലെ 14 ജില്ലകളിലും പോസിറ്റിവിറ്റി 10 ശതമാനത്തിനു മുകളില്; സംസ്ഥാന ലോക് ഡൗണ് തീരുമ്പോഴേക്കും കേന്ദ്ര ലോക്ഡൗണ് വരുമോയെന്ന് ആശങ്ക
കോവിഡ് അതിതീവ്ര വ്യാപനം നിലനില്ക്കുന്ന സമയത്ത് ലോക് ഡൗണാണ് രോഗം കുറയ്ക്കാന് ഏറ്റവും ഫലപ്രദമായ മാര്ഗം. ഒന്നാം തരംഗത്തില് ഇന്ത്യ ഫലപ്രദമായി അത് നടപ്പിലാക്കിയിരുന്നു. എന്നാല് രാജ്യം ഒന്നാകെ എക്കാലവും അടച്ചിടാന് പറ്റാത്ത സാഹചര്യത്തിലാണ് പിന്നീട് ലോക് ഡൗണ് പ്രഖ്യാപിക്കാത്തത്.
അതേസമയം കേരളത്തില് ഉള്പ്പെടെ കൊവിഡ് പോസിറ്റിവിറ്റി പത്തു ശതമാനത്തില് കൂടുതലുള്ള, രാജ്യത്തെ 533 ജില്ലകളില് ലോക്ക് ഡൗണ് ആറു മുതല് എട്ടാഴ്ച വരെ നീട്ടണമെന്ന് കേന്ദ്ര സര്ക്കാരിന് ഐ.സി.എം.ആര് (ഇന്ത്യന് കൗണ്സില് ഒഫ് മെഡിക്കല് റിസര്ച്ച്) നിര്ദ്ദേശം. പോസിറ്റിവിറ്റി അഞ്ചു ശതമാനമായി കുറയാതെ ഈ ജില്ലകള് തുറക്കരുതെന്നും കൗണ്സില് ഡയറക്ടര് ബല്റാം ഭാര്ഗവ മുന്നറിയിപ്പ് നല്കുന്നു.
കേരളത്തിലെ 14 ജില്ലകളിലും പോസിറ്റിവിറ്റി 10 ശതമാനത്തിനു മുകളിലാണ്. സംസ്ഥാനത്ത് നിലവില് ഈ മാസം 16 വരെയാണ് ലോക്ക് ഡൗണ്. ആറ് മുതല് എട്ട് വരെ ആഴ്ചകളില് പോസിറ്റിവിറ്റി അഞ്ചു ശതമാനത്തിലേക്ക് കുറയില്ലെന്നാണ് ബല്റാം ഭാര്ഗവ ഒരു അഭിമുഖത്തില് പറഞ്ഞത്.
പോസിറ്റിവിറ്റി ദേശീയ ശരാശരി 21 ശതമാനമാണ്. രാജ്യത്താകെയുള്ളത് 718 ജില്ലകളാണ്. ഇതില് 533 ജില്ലകള് അടച്ചിട്ടാല് ദേശീയ ലോക്ക് ഡൗണിനു സമാനമാകും. സാമ്പത്തിക ആഘാതം ചൂണ്ടിക്കാട്ടി ദേശീയ ലോക്ക് ഡൗണ് വേണ്ടെന്ന് കേന്ദ്രം ഉറച്ചുനില്ക്കുമ്പോഴാണ് ഭൂരിഭാഗം മേഖലകളിലും അടച്ചിടല് തുടരണമെന്ന ഐ.സി.എം.ആര് നിര്ദ്ദേശം.
ആഗോളതലത്തില് ആശങ്കയുണ്ടാക്കുന്ന കൊവിഡ് വകഭേദങ്ങളുടെ പട്ടികയില് ഇന്ത്യയില് കണ്ടെത്തിയ ബി.1.617 വൈറസിനെ ലോകാരോഗ്യ സംഘടന ഉള്പ്പെടുത്തി. കൂടുതല് വ്യാപനശേഷിയുള്ള ഈ വകഭേദം 44 രാജ്യങ്ങളില് സ്ഥിരീകരിച്ചു. രാജ്യത്തെ രൂക്ഷമായ രണ്ടാം കൊവിഡ് തരംഗത്തിന് ഇതും കാരണമാണെന്നാണ് വിലയിരുത്തല്.
ഇന്നലെ രാത്രി 10.30 വരെയുള്ള കണക്കുപ്രകാരം രാജ്യത്തു 3.07 ലക്ഷം പേര്ക്കു കൂടി കോവിഡ് സ്ഥിരീകരിച്ചു; മരണം 3299. മൊത്തം കോവിഡ് ബാധിതരുടെ എണ്ണം 2.36 കോടിയും ആകെ മരണം 2.57 ലക്ഷവുമായി. ഇതുവരെ കോവിഡ് മുക്തര് 1.96 കോടി. ബുധനാഴ്ച 3.48 ലക്ഷം പേര്ക്കു കോവിഡ് സ്ഥിരീകരിച്ചിരുന്നു; മരണം, 4205.
അതേസമയം കേരളത്തില് ഇന്നലെ മാത്രം 43,529 പേര്ക്ക് കോവിഡ്സ്ഥിരീകരിച്ചത്. എറണാകുളം 6410, മലപ്പുറം 5388, കോഴിക്കോട് 4418, തിരുവനന്തപുരം 4284, തൃശൂര് 3994, പാലക്കാട് 3520, കൊല്ലം 3350, കോട്ടയം 2904, ആലപ്പുഴ 2601, കണ്ണൂര് 2346, പത്തനംതിട്ട 1339, ഇടുക്കി 1305, കാസര്ഗോഡ് 969, വയനാട് 701 എന്നിങ്ങനേയാണ് ജില്ലകളില് രോഗ ബാധ സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് 29.75 ആണ്.
സംസ്ഥാനത്തെ ഏറ്റവും ഉയര്ന്ന മരണമാണ് റിപ്പോര്ട്ട് ചെയ്തത്. കഴിഞ്ഞ ദിവസങ്ങളിലുണ്ടായ 95 മരണങ്ങളാണ് കോവിഡ്19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 6053 ആയി.
ഇന്ന് രോഗം സ്ഥിരീകരിച്ചവരില് 241 പേര് സംസ്ഥാനത്തിന് പുറത്ത് നിന്നും വന്നവരാണ്. 40,133 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 3010 പേരുടെ സമ്പര്ക്ക ഉറവിടം വ്യക്തമല്ല. 145 ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
കേരളത്തില് ലോക് ഡൗണ് തുടരുന്ന സമയത്തും രോഗം കൂടി നില്ക്കുന്നത് കേന്ദ്ര നിര്ദേശം ശരി വയ്ക്കുന്നതാണ്. ലോക് ഡൗണ് നീളാനാണ് സാധ്യത.
"
https://www.facebook.com/Malayalivartha