ഇസ്രയേലില് ഹമാസ് റോക്കറ്റ് ആക്രമണത്തില് കൊല്ലപ്പെട്ട സൗമ്യ സന്തോഷിന്റെ മൃതദേഹം ഇന്ന് നാട്ടിലെത്തിക്കും....അവസാനമായി ഒരു നോക്കു കാണാനായി കാത്ത് കണ്ണീരോടെ ഭര്ത്താവും മകനും ഉറ്റവരും....
ഇസ്രയേലില് ഹമാസ് റോക്കറ്റ് ആക്രമണത്തില് കൊല്ലപ്പെട്ട സൗമ്യ സന്തോഷിന്റെ മൃതദേഹം ശനിയാഴ്ച നാട്ടിലെത്തിക്കും. മൃതദേഹം വഹിച്ചുള്ള പ്രത്യേക വിമാനം ഇന്ത്യന് സമയം ഇന്നലെ രാത്രി എട്ടരയ്ക്കു പുറപ്പെട്ടു. ഇന്നു പുലര്ച്ചെ 4.30 ന് ഡല്ഹിയിലെത്തും.
വൈകിട്ട് അഞ്ചിന് കൊച്ചി നെടുമ്പാശേരി വിമാനത്താവളത്തില് മൃതദേഹം എത്തിക്കും. ഇവിടെനിന്നു ഭര്ത്താവ് സന്തോഷും ബന്ധുക്കളും ജനപ്രതിനിധികളുംചേര്ന്ന് മൃതദേഹം ഏറ്റുവാങ്ങി രാത്രിയോടെ കീരിത്തോട്ടിലെ വസതിയിലെത്തിക്കും.
നാളെ ഉച്ചകഴിഞ്ഞ് രണ്ടിന് കീരിത്തോട് നിത്യസഹായ മാതാ പള്ളിയില് സംസ്കാരച്ചടങ്ങുകള് നടത്തും. ഇസ്രയേല് എംബസി അധികൃതര് ഉള്പ്പടെയുള്ളവര് സംസ്കാരച്ചടങ്ങില് പങ്കെടുത്തേക്കും. ചൊവ്വാഴ്ച മൃതദേഹം എത്തിക്കുമെന്നായിരുന്നു ആദ്യം ലഭിച്ച വിവരം. എന്നാല് ഇസ്രയേല് പ്രത്യേക വിമാനം ഇതിനായി സജ്ജീകരിച്ചതോടെയാണ് നേരത്തെയാക്കിയത്.
കേന്ദ്രവിദേശകാര്യ സഹമന്ത്രി വി. മുരളീധരന്, മുഖ്യമന്ത്രി പിണറായി വിജയന്, മുന് മുഖ്യമന്ത്രി ഉമ്മന്ചാണ്ടി, രമേശ് ചെന്നിത്തല, ഡീന് കുര്യാക്കോസ് എം.പി, റോഷി അഗസ്റ്റിന് എം.എല്.എ എന്നിവരുടെയെല്ലാം സമയോചിത ഇടപെടലും നടപടികള് വേഗത്തിലാക്കാന് സഹായകരമായെന്നു കുടുംബാംഗങ്ങള് പറഞ്ഞു.
ഇസ്രയേല് സര്ക്കാരില്നിന്ന് സൗമ്യയുടെ കുടുംബത്തിന് അനുകൂലമായ നടപടികള് ഉണ്ടാകുമെന്നാണ് ഇസ്രായേല് എംബസി അധികൃതര് അറിയിച്ചിട്ടുള്ളത്.
ഇസ്രയേലില് ഹോംനഴ്സായ സൗമ്യ (31) ചൊവ്വാഴ്ച വൈകിട്ടാണ് കൊല്ലപ്പെട്ടത്. സന്തോഷിന്റെ സഹോദരി ഷേര്ളിയും മറ്റൊരു ബന്ധു ജോമോനും ഇസ്രയേലില് തന്നെയാണ് ജോലി ചെയ്യുന്നത്. എന്നാല് ഇവര്ക്ക് മൃതദേഹത്തെ അനുഗമിക്കാന് കഴിഞ്ഞിട്ടില്ല. ഭര്ത്താവ് സന്തോഷും ബന്ധുക്കളും സത്യവാങ്മൂലവും അനുബന്ധ രേഖകളും ഇസ്രയേലിലേക്ക് ബുധനാഴ്ച തന്നെ ഇ-മെയില് വഴി അയച്ചിരുന്നു.
ഭര്ത്താവ് സന്തോഷുമായി വീഡിയോ കോളില് സംസാരിച്ചുകൊണ്ടിരിക്കവേയാണ് റോക്കറ്റ് വീടിന് മുകളില് പതിക്കുന്നതും സൗമ്യ കൊല്ലപ്പെടുന്നതും. സൗമ്യ പരിചരിച്ചിരുന്ന വൃദ്ധയും കൊല്ലപ്പെട്ടു. വീട്ടിലുണ്ടായിരുന്ന മറ്റുളളവര്ക്ക് പരിക്കേറ്റിട്ടുണ്ട്. വീട് പൂര്ണമായും തകര്ന്നു
"
https://www.facebook.com/Malayalivartha