തിരുവനന്തപുരത്ത് കെഎസ്ആര്‍ടിസി ആരംഭിച്ച നാല് പുതിയ സര്‍വീസുകള്‍ ഫ്‌ലാഗ് ഓഫ് ചെയ്ത് ഗതാഗത മന്ത്രി സി.പി. ജോണ്‍. തിരുവനന്തപുരം നഗരത്തിലും തീരദേശ മേഖലയിലുമുള്ള യാത്രക്കാര്‍ക്ക് കൂടുതല്‍ സൗകര്യപ്രദവും സമയബന്ധിതവുമായ യാത്രാസൗകര്യം ഉറപ്പാക്കുകയാണ് പുതിയ സര്‍വീസുകളുടെ ലക്ഷ്യം.

വെട്ടുകാട് പള്ളിയില്‍ നിന്ന് നാഗര്‍കോവില്‍ വഴി പ്രസിദ്ധ തീര്‍ഥാടന കേന്ദ്രമായ വേളാങ്കണ്ണിയിലേക്ക് പുതിയ സര്‍വീസ് ആരംഭിക്കുന്നതിനുള്ള നടപടിക്രമങ്ങള്‍ പൂര്‍ത്തിയായെന്നും സര്‍വീസ് ഉടന്‍ ആരംഭിക്കുമെന്നും സി.പി. ജോണ്‍ അറിയിച്ചു. കെഎസ്ആര്‍ടിസി യാത്രക്കാര്‍ക്ക് കൂടുതല്‍ മെച്ചപ്പെട്ട സേവനങ്ങള്‍ ലഭ്യമാക്കാനുള്ള പ്രവര്‍ത്തനങ്ങള്‍ തുടര്‍ന്നും നടപ്പാക്കുമെന്നും അദ്ദേഹം വ്യക്തമാക്കി.